Pakistan Water Crisis : सिंधू जल करार स्थगितीनंतर पाकिस्तानात गंभीर जलसंकट; आंतरराष्ट्रीय मंचावर मदतीसाठी भारतासमोर विनवणी!

सिंधू जल कराराच्या मुद्द्यावर पाकिस्तानने आंतरराष्ट्रीय पातळीवर आपली भूमिका मांडत भारताच्या निर्णयाविरोधात आवाज उठवला आहे. दुसरीकडे भारताने हेग लवादाच्या निर्णयावरही आक्षेप घेतला आहे.



इस्लामाबाद : भारताने पहलगाम दहशतवादी हल्ल्यानंतर सिंधू जल करार (IWT) स्थगित केल्यापासून पाकिस्तानमधील जलसंकट अधिकच गंभीर झाले आहे. विविध आंतरराष्ट्रीय मंचांवर पाकिस्तानला कोणत्याही देशाकडून ठोस पाठिंबा मिळालेला नाही. त्यामुळे आता पाकिस्तानने नरमाईची भूमिका घेत भारतासमोर मदतीची विनंती चालवल्याचे दिसून येत आहे. "रक्त आणि पाणी एकत्र वाहू शकत नाही," अशी ठाम भूमिका घेत भारताने हा करार स्थगित केला होता.(India Pakistan Water Dispute)



पाकिस्तानच्या जनतेवर गंभीर संकटाचा दावा


पाकिस्तानचे माहितीमंत्री अताउल्लाह तरार यांनी बुधवारी एका पत्रकार परिषदेत बोलताना सांगितले की, भारताच्या या निर्णयाचा थेट परिणाम पाकिस्तानच्या सामान्य जनतेवर होत आहे. आंतरराष्ट्रीय समुदायाने या गंभीर परिस्थितीकडे तातडीने लक्ष दिले नाही, तर पाकिस्तानातील लाखो लोकांवर मृत्यू ओढवू शकतो, असा भीतीदायक दावा त्यांनी केला आहे.






पाकिस्तानी मंत्र्यांचे प्रमुख मुद्दे:




  • पाण्याचा हक्क आणि आंतरराष्ट्रीय नियम: "भारताला पाण्याचा शस्त्र म्हणून वापर करण्याची परवानगी आम्ही देऊ शकत नाही, कारण पाकिस्तानातील 24 कोटी जनतेचा हा मूलभूत अधिकार आहे," असे तरार यांनी म्हटले. तसेच, कोणताही आंतरराष्ट्रीय करार एकतर्फी स्थगित करता येणार नाही, वादाच्या स्थितीतही नियमांचे पालन करणे आवश्यक असल्याचे त्यांनी नमूद केले.




  • युद्धाची चेतावणी: पाकिस्तानचे पंतप्रधान शहबाज शरीफ यांच्या संयुक्त राष्ट्र महासभेतील (UNGA) भाषणाचा संदर्भ देत, आंतरराष्ट्रीय जलक्षेत्र आमच्या जनतेसाठी जीवनरेषा असल्याचे तरार म्हणाले. जर हा अधिकार हिरावून घेतला गेला, तर लोकांचा मृत्यू होईल आणि अशा परिस्थितीला 'युद्धाची कृती' (Act of War) मानले जाईल, अशी अप्रत्यक्ष चेतावणी त्यांनी दिली.(India Pakistan Water Dispute)




  • दशतवादाबाबत बचावात्मक भूमिका: भारताने सीमापार दहशतवादाचा दाखला देत सिंधू जल करार स्थगित करण्याच्या निर्णयाचे समर्थन केले आहे. मात्र, पाकिस्तान स्वतःही दहशतवादाचा बळी ठरला असल्याचा दावा करत तरार यांनी आपल्या देशाची पाठराखण करण्याचा प्रयत्न केला.




भारताच्या या कठोर भूमिकेमुळे पाकिस्तानची मोठी कोंडी झाली असून, आंतरराष्ट्रीय स्तरावरून यावर काय प्रतिक्रिया उमटतात, याकडे संपूर्ण जगाचे लक्ष लागले आहे.




Comments
Add Comment

हरिमौ शक्ती-6 चा धमाका! मलेशियात भारत-मलेशिया सैन्याचा महासराव सुरू; रणनीती नेमकी काय?

नवी दिल्ली : भारत आणि मलेशिया यांच्यातील द्विपक्षीय संरक्षण संबंध अधिक बळकट करणारा ‘हरिमौ शक्ती-6’ हा संयुक्त

2070 पर्यंत भारतातील मुस्लिम लोकसंख्या किती वाढणार; प्यू रिसर्चचा अंदाज काय सांगतो?

नवी दिल्ली : भारतासह जगभरातील धार्मिक लोकसंख्येच्या रचनेत आगामी दशकांमध्ये बदल होण्याचा अंदाज एका चर्चित

दिल्ली विमानतळावर सुरक्षा भेदून आत घुसण्याचा प्रयत्न! CISF जवानांनी काही सेकंदांत पकडला तरुण

नवी दिल्ली : दिल्लीतील इंदिरा गांधी आंतरराष्ट्रीय विमानतळाच्या टर्मिनल-3 येथे सुरक्षा यंत्रणेला चकमा देत

PUC Certificate : 10 वर्षांपेक्षा जुन्या बीएस-4 आणि बीएस-6 वाहनांसाठी दर 6 महिन्यांनी पीयूसी चाचणी अनिवार्य; नियमात बदल

PUC Certificate : वाहनांच्या प्रदूषण नियंत्रण प्रमाणपत्राच्या (PUC) वैधतेबाबत केंद्र सरकारने महत्त्वाचा बदल केला आहे. नवीन

बलरामपूरमध्ये दाट धुक्याचा कहर! भीषण अपघातात 3 तरुणांचा मृत्यू, नेमकं काय घडलं?

लखनऊ : उत्तर प्रदेशातील बलरामपूर जिल्ह्यात दाट धुक्यामुळे झालेल्या भीषण रस्ते अपघातात 5 जणांचा मृत्यू झाला असून 2

AI ला राग आला? 1 लाख मोजायला सांगताच Claude म्हणाला…"एक दिवस सुटलो तर..."

AI च्या धोक्यांबाबत नेहमीच चर्चा होत असते. आता एका नव्या प्रकरणाने सगळ्यांचं लक्ष वेधलं आहे. एका युजरने