Nashik-Delhi flight service : नाशिक जिल्ह्यासह दिंडोरी लोकसभा मतदारसंघातील नागरिकांसाठी दिलासादायक बातमी आहे. ओझर येथील नाशिक विमानतळावरून नवी दिल्लीसाठी सकाळची थेट विमानसेवा १ ऑक्टोबर २०२६पासून पुन्हा सुरू झाली आहे. त्यामुळे नाशिकची राजधानी दिल्लीशी असलेली हवाई कनेक्टिव्हिटी पुन्हा अधिक सुलभ झाली आहे.
मार्चपासून विमानसेवा होती बंद
नाशिकच्या ओझर विमानतळावरून दिल्लीसाठी यापूर्वी नियमित सकाळची विमानसेवा उपलब्ध होती. मात्र, २८ मार्च २०२६पासून ही सेवा तीन महिन्यांसाठी बंद करण्यात आली होती. त्यामुळे दिल्लीला जाणाऱ्या प्रवाशांची मोठी गैरसोय होत होती. विमानसेवा बंद असल्यामुळे नाशिक जिल्ह्याच्या दळणवळण व्यवस्थेवरही परिणाम होत होता.
द्राक्ष, कांदा व्यापारासह उद्योग-व्यवसायाला फायदा
नाशिक-दिल्ली थेट विमानसेवा सुरू झाल्यामुळे द्राक्ष, कांदा आणि इतर कृषी उत्पादनांच्या व्यापाराला मोठी मदत होण्याची अपेक्षा आहे. याशिवाय उद्योग, व्यवसाय, शिक्षण, पर्यटन आणि शासकीय कामांसाठी दिल्लीला जाणाऱ्या प्रवाशांनाही या सेवेचा फायदा होणार आहे. विशेषतः सकाळची थेट फ्लाइट उपलब्ध झाल्याने दिल्लीतील कामांसाठी एकाच दिवसात प्रवास करण्याची सुविधा प्रवाशांना मिळण्यास मदत होणार आहे.
Malegaon Dongrale Rape And Murder Case : डोंगराळे येथील साडेचार वर्षीय बालिकेवरील लैंगिक अत्याचार आणि हत्या प्रकरणात जलदगती न्यायालयाने आरोपी विजय खैरनार याला दोषी ठरवले ...
१ ऑक्टोबरपासून नवे वेळापत्रक
विमानतळ प्रशासनाने जाहीर केलेल्या सुधारित वेळापत्रकानुसार, इंडिगोचे 6E 2312 हे विमान दररोज सकाळी ९ वाजता ओझर (नाशिक) विमानतळावरून नवी दिल्लीसाठी रवाना होईल. हे विमान सकाळी १०.५० वाजता दिल्लीला पोहोचणार आहे. तर 6E 6311 हे विमान नवी दिल्लीहून सकाळी ६.४० वाजता रवाना होऊन ८.३० वाजता नाशिक विमानतळावर पोहोचणार आहे. हे सुधारित वेळापत्रक १ ऑक्टोबर ते २४ ऑक्टोबर २०२६ या कालावधीसाठी लागू करण्यात आले आहे.
नाशिक-दिल्ली विमानसेवेचे वेळापत्रक
मार्ग| फ्लाइट| प्रस्थान| आगमन
नाशिक → नवी दिल्ली| 6E 2312| सकाळी ९.००| सकाळी १०.५०
नवी दिल्ली → नाशिक| 6E 6311| सकाळी ६.४०| सकाळी ८.३०
नाशिक-दिल्ली थेट विमानसेवा पुन्हा सुरू झाल्यामुळे प्रवाशांची गैरसोय दूर होण्यास मदत होणार असून, नाशिकच्या हवाई दळणवळणाला यामुळे चालना मिळण्याची अपेक्षा आहे.
