भारतीय चित्रपट इतिहासात थरारक सिनेमा म्हणून दृश्यमची ख्याती आहे. मल्याळम चित्रपटाच्या कथानकावर बॉलिवूडमध्ये दृष्यम चित्रपट तयार केला. बॉलिवूड कलाकार अजय देवगण याने या चित्रपटात मुख्य नायकाची भूमिका बजावली. त्याने या पात्राला योग्य न्याय दिला आणि विजय साळगावकर म्हणून चित्रपट चाहत्यांच्या घरात मन करून गेला. या चित्रपटातील तब्बूची मीरा ही भूमिकाही गाजली. त्यामुळे या चित्रपटाचा पुढचा भाग काय असेल? याबाबत कायम उत्सुकता राहिली. आतापर्यंत या चित्रपटाचे दोन भाग प्रदर्शित झाले आणि चाहत्यांनी त्याला भरभरून प्रतिसाद दिला. आता तिसरा भागही प्रदर्शित झाला आहे. 'दृश्यम द कन्क्लुजन'अर्थात 'दृश्यम 3', एका नव्या कथानकासह आणि थक्क करणाऱ्या ट्विस्टसह हा चित्रपट परत आला आहे. या चित्रपटाच्या पार्ट 2 मध्ये विजय साळगावकर आणि कुटुंबियांवरील संकट टळल्याचं दिसलं. त्यामुळे या भागात काय ट्विस्ट असेल याबाबच चर्चा रंगली आहे. दृश्यम पार्ट 3 मध्ये एका नव्या पात्राची एन्ट्री झाली आहे. त्यामुळे अजय देवगण साकारत असलेल्या विजय साळगावकरचं कुटुंब पुन्हा अडचणीत आलं आहे. त्यामुळे पोलिसांसोबतचा लपंडाव पुन्हा सुरू झाला आहे.
दृश्यम चित्रपटाच्या दोन भागांमध्ये 2 ऑक्टोबर ही तारीख गाजली. कारण या तारखेच्या अवतीभवती कथानक फिरत होतं. सर्व काही 2 ऑक्टोबरला घडलं असंच दाखवलं गेलं. त्यावरून बरेच मीम्स सोशल मीडियावर व्हायरल झाले आहेत आणि होत आहेत. पण आता 2 ऑक्टोबरनंतर 23 जुलै या तारखेचा ट्विस्ट या चित्रपटात आला आहे. कारण दृश्यम 3 चित्रपटाचं पूर्ण कथानक या तारखेवरच अडकलं आहे. कारण या दिवशी विजय साळगावकर या पात्राने सॅमच्या सांगाड्याचे अवशेष फॉरेंसिक लॅबमधून काढून दुसऱ्या बॉडीचे अवशेष टाकले होते. दृष्यम 2 मध्ये हा ट्विस्ट होता. त्यामुळे विजय आणि त्याच्या कुटुंबियांना कोर्टाने क्लिन चीट दिली होती.
ठाणे: कायमच आपल्या दमदार अभिनयामुळे चाहत्यांमध्ये अभिनेता पृथ्विक प्रताप चर्चेत राहतो. महाराष्ट्राची हास्यजत्रा, टिव्ही सिरियल आणि अनेक मराठी ...
23 जुलैच्या रात्री विजय साळगावकर सॅमच्या अवशेषांसोबत जे काही केलं होतं. त्या अवशेषाचा एक तुकडा एसपी राजवीर तोमरच्या हाती लागला आहे. या जोरावर मीरा आणि तिचा पती महेश हे साळगावकरवर राग काढण्याचा निर्णय घेतात. त्याच्या रात्रीच्या पुराव्यामुळे विजय आणि त्याचं कुटुंबिय पुन्हा एकदा पोलिसांच्या रडारवर येतं. पण आता यातून विजय साळगावरचं कुटुंब वाचतं का? आतापर्यंत रचलेल्या गोष्टीत अपयश येतं? हे सर्व तुम्हाला चित्रपट पाहिल्यावर लक्षात येईल.