Asian Games 2026 : जागतिक तिरंदाजीत भारताचा डंका! दक्षिण कोरियाचा पराभव करत रिकर्व तिरंदाजी संघाने जिंकले सुवर्णपदक

भारतीय महिला रिकर्व तिरंदाजी संघाने आशियाई क्रीडा स्पर्धेत ऐतिहासिक कामगिरी करत प्रथमच सुवर्णपदक पटकावले. अंतिम सामन्यात भारतीय संघाने विद्यमान विश्वविजेत्या दक्षिण कोरियाचा 5-3 असा पराभव केला. अंकिता भक्त, कीर्ती शर्मा आणि कुमकुम महोदय यांचा भारतीय संघ या सामन्यात मैदानात उतरला होता.

भारतीय महिला रिकर्व तिरंदाजी संघाने आशियाई क्रीडा स्पर्धेत ऐतिहासिक कामगिरी करत प्रथमच सुवर्णपदक पटकावले. अंतिम सामन्यात भारतीय संघाने विद्यमान विश्वविजेत्या दक्षिण कोरियाचा 5-3 असा पराभव केला. अंकिता भक्त, कीर्ती शर्मा आणि कुमकुम महोदय यांचा भारतीय संघ या सामन्यात मैदानात उतरला होता.


सामना सुरुवातीपासूनच चुरशीचा झाला. वेगवान वाऱ्यामुळे तिरंदाजांना अडचणींचा सामना करावा लागला. पहिल्या दोन सेटमध्ये दोन्ही संघांची बरोबरी झाली. दोन्ही सेटमध्ये भारत आणि दक्षिण कोरियाने अनुक्रमे 54 आणि 56 गुण मिळवत प्रत्येकी एक सेट पॉइंट मिळवला.


तिसऱ्या सेटमध्ये मात्र दक्षिण कोरियाच्या खेळाडूंची कामगिरी खालावली. कोरियन संघाने सलग तीन वेळा 8 गुण मिळवल्याने त्यांची एकूण गुणसंख्या 52 राहिली. याचा फायदा घेत भारतीय तिरंदाजांनी 55 गुण मिळवत हा सेट आपल्या नावावर केला.






चौथ्या सेटमध्ये दक्षिण कोरियाने 54 गुण मिळवले. भारताकडून कीर्तीने सुरुवातीला 8 गुण मिळवले. त्यानंतर हा स्कोअर 9 करण्यात आला. भारताची एकूण गुणसंख्या 54 झाली आणि चौथा सेट बरोबरीत सुटला. त्यामुळे भारताने 5-3 अशी आघाडी कायम ठेवत सुवर्णपदकावर आपले नाव कोरले.





यापूर्वी भारतीय महिला संघाने उपांत्य फेरीत चीनचा 5-1 असा पराभव करत आशियाई क्रीडा स्पर्धेच्या अंतिम फेरीत प्रथमच प्रवेश केला होता. 2023 मध्ये हांगझोऊ येथे झालेल्या आशियाई क्रीडा स्पर्धेत भारतीय महिला कंपाउंड संघाने कांस्यपदक जिंकले होते.


भारतीय तिरंदाजीचे प्रशिक्षक लोकेश चंद यांनी या विजयाचे महत्त्व सांगताना दक्षिण कोरियाच्या संघाचा अनुभव आणि कामगिरीचा उल्लेख केला. दक्षिण कोरिया हा 10 वेळा ऑलिम्पिक चॅम्पियन राहिला असून 1978 नंतर अंतिम सामन्यात त्यांना पराभव पत्करावा लागला नव्हता. अशा अनुभवी संघाविरुद्ध युवा भारतीय खेळाडूंनी मिळवलेला विजय विशेष ठरला.


Comments
Add Comment

हरिमौ शक्ती-6 चा धमाका! मलेशियात भारत-मलेशिया सैन्याचा महासराव सुरू; रणनीती नेमकी काय?

नवी दिल्ली : भारत आणि मलेशिया यांच्यातील द्विपक्षीय संरक्षण संबंध अधिक बळकट करणारा ‘हरिमौ शक्ती-6’ हा संयुक्त

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Crime News : 'तुला सरकारी नोकरी लावून देतो' सांगत घातला 40 लाखांचा गंडा; वडापाव विकणाऱ्या दाम्पत्याची मोठी फसवणूक

कल्याण : कल्याणमध्ये वडापावचा व्यवसाय करणाऱ्या एका दाम्पत्याला सरकारी नोकरी मिळवून देण्याचे आमिष दाखवून 40