अमरावती: रायगड येथील दुर्घटनेची बातमी ताजी असतानाच अमरावतीमधून एक अत्यंत दुर्दैवी घटना समोर आली आहे. शहरात फिरायला आलेल्या दोन तरुणांचा रत्नापूर तलावामध्ये बुडून मृत्यू झाला आहे. या घटनेमुळे परिसरात एकच शोककळा पसरली आहे.
मिळालेल्या माहितीनुसार, संध्याकाळच्या सुमारास काही तरुण मातोश्री वृद्धाश्रम परिसरातील रत्नापूर तलावाच्या परिसरात फिरण्यासाठी आले होते. यादरम्यान काही जण पाण्यात उतरले, मात्र पाण्याचा अंदाज न आल्याने ते बुडायला लागले. उपस्थित स्थानिकांनी तातडीने धाव घेऊन त्यांना वाचवण्याचा प्रयत्न केला.
रत्नागिरी: आंतरराष्ट्रीय कॅरम खेळाडू आणि शिवछत्रपती पुरस्कार विजेती, रत्नागिरी जिल्ह्याचे नाव जागतिक पातळ ...
या दुर्घटनेत दोन तरुणांचा बुडून मृत्यू झाला आहे. घटनेची माहिती मिळताच पोलिसांनी तात्काळ घटनास्थळी धाव घेतली. तसेच, अग्निशमन दलाचे जवानही घटनास्थळी दाखल झाले असून, तलावाच्या परिसरातून शोधकार्य सुरू आहे. रायगडपाठोपाठ घडलेल्या या घटनेमुळे पुन्हा एकदा पर्यटन आणि जलस्रोतांच्या ठिकाणी सुरक्षिततेचा प्रश्न ऐरणीवर आला आहे.