Nashik : नाशिक कृषी उत्पन्न बाजार समिती अध्यक्षपदी गणेश गीते यांची नियुक्ती

Nashik : नाशिक कृषी उत्पन्न बाजार समितीतील राजकीय संघर्षाला अखेर विराम देत राज्याच्या पणन विभागाने संचालक मंडळ बरखास्त केले आहे. बाजार समितीच्या कारभारासाठी प्रशासकीय मंडळाची स्थापना करण्यात आली असून, भाजपचे ज्येष्ठ नेते तथा माजी नगरसेवक गणेश गीते यांची प्रशासकीय मंडळाच्या अध्यक्षपदी नियुक्ती करण्यात आली आहे. राज्याचे पणन संचालक संजय कदम यांनी १ ऑक्टोबर रोजी याबाबतचे आदेश जारी केले.


नाशिक कृषी उत्पन्न बाजार समितीमध्ये गेल्या काही वर्षांपासून संचालक मंडळातील राजकीय वाद सातत्याने चिघळत होता. राष्ट्रवादी काँग्रेसचे माजी खासदार तथा माजी सभापती देविदास पिंगळे आणि विद्यमान सभापती शिवाजी चुंबळे यांच्या गटांमध्ये वर्चस्वाची लढाई सुरू होती. काही महिन्यांपूर्वी शिवाजी चुंबळे यांनी भाजपमध्ये प्रवेश केल्यानंतर त्यांनी देविदास पिंगळे यांना सभापतिपदावरून हटविले होते. त्यानंतर बाजार समितीतील राजकीय संघर्ष अधिक तीव्र झाला होता. दोन्ही गटांकडून सुरू असलेल्या कुरघोडींमुळे बाजार समितीचा कारभार सातत्याने वादाच्या भोवऱ्यात सापडला होता.






या पार्श्वभूमीवर राज्याच्या पणन विभागाने हस्तक्षेप करीत कृषी उत्पन्न बाजार समिती अधिनियम १९६३ मधील कलम १५-अ अन्वये संचालक मंडळ बरखास्त करण्याचा निर्णय घेतला. त्यानुसार प्रशासकीय मंडळाची स्थापना करण्यात आली असून, अध्यक्षपदी गणेश गीते यांच्यासह माजी आमदार बाळासाहेब सानप, सचिन भास्कर ढिकले आणि बापू पिंगळे यांची सदस्य म्हणून नियुक्ती करण्यात आली आहे. पुढील आदेश होईपर्यंत हे प्रशासकीय मंडळ बाजार समितीचा कारभार पाहणार आहे. या निर्णयामुळे नाशिक कृषी उत्पन्न बाजार समितीमध्ये गेल्या काही वर्षांपासून सुरू असलेल्या पिंगळे विरुद्ध चुंबळे गटांतील संघर्षाला तूर्तास विराम मिळाला असून, बाजार समितीच्या कारभाराची सूत्रे आता प्रशासकीय मंडळाकडे आली आहेत.

Comments
Add Comment

हरिमौ शक्ती-6 चा धमाका! मलेशियात भारत-मलेशिया सैन्याचा महासराव सुरू; रणनीती नेमकी काय?

नवी दिल्ली : भारत आणि मलेशिया यांच्यातील द्विपक्षीय संरक्षण संबंध अधिक बळकट करणारा ‘हरिमौ शक्ती-6’ हा संयुक्त

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Crime News : 'तुला सरकारी नोकरी लावून देतो' सांगत घातला 40 लाखांचा गंडा; वडापाव विकणाऱ्या दाम्पत्याची मोठी फसवणूक

कल्याण : कल्याणमध्ये वडापावचा व्यवसाय करणाऱ्या एका दाम्पत्याला सरकारी नोकरी मिळवून देण्याचे आमिष दाखवून 40