आता विद्यार्थ्यांना मिळणार व्यवसायाचे ज्ञान; NCERT च्या ९ वीच्या पुस्तकात स्टार्टअप्सचे धडे

राष्ट्रीय शैक्षणिक संशोधन आणि प्रशिक्षण परिषदेने इयत्ता नववीच्या विद्यार्थ्यांसाठी अतिशय महत्त्वाचा निर्णय घेतला आहे. नववीच्या वर्गात असल्यापासूनच विद्यार्थ्यांना व्यवसायाचे धडे देण्याच्या निर्णयाचं कौतुक होत आहे. इयत्ता ९ व्हीच्या विद्यार्थ्यांच्या सामाजिक विज्ञानाच्या पुस्तकात विद्यार्थ्यांसाठी स्टार्टअप्स आणि उद्योजकतेवर नवीन धडा सुरु करण्यात आला आहे. NCERT च्या नववीच्या 'अंडरस्टँडिंग सोसायटी : इंडिया अँड बियॉन्ड - पार्ट २' या समाजशास्त्राच्या पुस्तकात आता 'फ्रॉम आयडियाज टू स्टार्टअप्स' या धड्याद्वारे विद्यार्थ्यांना उद्योजकता आणि स्टार्टअप्सच्या जगाची ओळख करून देईल.


यामध्ये विद्यार्थ्यांना व्यावसायिक संधी, बाजारपेठ, व्यवसाय नियोजन, भारताची स्टार्टअप परिसंस्था आणि व्यावसायिक निर्णयप्रक्रियेत AI ची भूमिका यावर भारतीय उद्योजकांच्या खऱ्या गोष्टींमधून, अनुभवातून प्रकाश टाकण्यात आला आहे. या प्रकरणात तीन प्रश्न आहेत. ज्याच्या उत्तरांभोवती हे संपूर्ण प्रकरण आहे. १)उद्योजकतेचा समाज आणि अर्थव्यवस्थेवर कसा परिणाम होतो? २) व्यवसायाची मुख्य कार्यात्मक क्षेत्रे कोणती? ३) एक प्रभावी व्यवसाय योजना कशी तयार केली जाते.






त्यासोबतच या पुस्तकात AI ला सुद्धा महत्त्व दिले आहे. बाजारपेठेचे विश्लेषण आणि व्यवसायाशी संबंधित निर्णयप्रक्रियेत AI ची मदत कशी होऊ शकते, AI चा वापर कसा होऊ शकतो, हे स्पष्ट करण्यात आले आहे. तसेच या पुस्तकात विविध स्टार्टअप्सची सुरुवात कशी झाली, प्रसिद्ध कंपन्या कशा नावारूपाला आल्या तसेच उद्योजकांचे अनुभवसुद्धा मांडले आहेत. जेणेकरून विद्यार्थ्यांना हा विषय अधिक जवळचा वाटेल. सात गृहिणींनी मिळून ८० रुपये जमा करून सुरू झालेल्या 'लिज्जत पापड' आणि हॉटेल व्यावसायिक मोहन सिंग ओबेरॉय यांच्या व्यावसायिक प्रवासासारख्या उदाहरणांद्वारे उद्योजकतेचा शोध घेते. भारतातील वेगवेगळ्या कंपनीच्या गोष्टींमुळे हे प्रकरण अधिकच महत्त्वाचं बनलं आहे.


त्यासोबतच या पुस्तकात विद्यार्थ्यांना शासन, वैयक्तिक वित्त, आयकर आणि उद्योजकता यांसारख्या विषयांची ओळख केलेली आहे. नागरिक, संस्था आणि व्यवसाय समाज आणि आर्थिक विकासात कसे योगदान देतात, हे स्पष्ट करण्यासाठी या पुस्तकात ऐतिहासिक उदाहरणे, सरकारी धोरणे आणि भारतीय व्यावसायिक केस स्टडीजचा वापर केला आहे. वैयक्तिक वित्तावरील एक प्रकरण विद्यार्थ्यांना नवीन करप्रणालीनुसार आयकर स्लॅब कसे काम करतात, त्यासोबत सोडवलेली आकडेमोड आणि सार्वजनिक सेवांच्या निधीमध्ये करांची भूमिका शिकवते. या पाठ्यपुस्तकात भारताची युनिकॉर्न इकोसिस्टम आणि ई-कॉमर्स, फिनटेक, आरोग्यसेवा व ॲग्रीटेक यांसारख्या क्षेत्रांवरही चर्चा केली आहे.

Comments
Add Comment

हरिमौ शक्ती-6 चा धमाका! मलेशियात भारत-मलेशिया सैन्याचा महासराव सुरू; रणनीती नेमकी काय?

नवी दिल्ली : भारत आणि मलेशिया यांच्यातील द्विपक्षीय संरक्षण संबंध अधिक बळकट करणारा ‘हरिमौ शक्ती-6’ हा संयुक्त

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Crime News : 'तुला सरकारी नोकरी लावून देतो' सांगत घातला 40 लाखांचा गंडा; वडापाव विकणाऱ्या दाम्पत्याची मोठी फसवणूक

कल्याण : कल्याणमध्ये वडापावचा व्यवसाय करणाऱ्या एका दाम्पत्याला सरकारी नोकरी मिळवून देण्याचे आमिष दाखवून 40