Asian Games 2026: भारतीय हॉकी संघाने नागोयात रचला इतिहास; सुवर्णपदकासह 2028 लॉस एंजेलिस ऑलिम्पिकचे तिकीट कन्फर्म

एशियन गेम्स 2026 स्पर्धेच्या पुरूष हॉकी स्पर्धेच्या अंतिम सामन्यात भारत आणि मलेशिया हे संघ आमनेसामने आले होते. या सामन्यात अतितटीची लढत पाहायला मिळाली. पण भारताने आघाडी घेतली आणि सुवर्ण पदकावर नाव कोरलं.

नवी दिल्ली: पुरूष हॉकी स्पर्धेत भारत आणि मलेशिया यांच्यात एशियन गेम्स 2026 स्पर्धेचा अंतिम सामना रंगला. भारताने मलेशियाला 5-1 गोलने पराभवाची धूळ चारून सुवर्ण पदकावर नाव कोरलं. यासह भारताने सलग दुसऱ्या एशियन गेम्स स्पर्धेत जेतेपदाला गवसणी घातली आहे. यापूर्वी असं कधीच घडलं नव्हतं.






या सामन्यात पहिल्या क्वॉर्टरपासून चुरशीची लढाई पाहायला मिळाली. 12व्या मिनिटाला भारताने एक गोलची आघाडी घेतली. भारतीय संघाला मिळालेला पेनाल्टी कॉर्नर पंचांनी पुन्हा घेण्याची परवानगी दिली. या सुवर्णसंधीचा पुरेपूर फायदा घेत कर्णधार हरमनप्रीत सिंगने अप्रतिम आणि अचूक ड्रॅगफ्लिकद्वारे चेंडू गोलपोस्टमध्ये धाडला. या गोलसह भारताला 1-0 अशी शानदार सुरुवात मिळाली. पण पुढच्या मिनिटाला भ्रमनिरास झाला. भारताने आघाडी घेतल्यानंतर अवघ्या एकाच मिनिटात मलेशियाने सामन्यात पुनरागमन केले. मैदानाबहेरील बाजूने मारलेला एक लांब पल्ल्याचा शॉट भारतीय गोलकीपर सूरज करकेराकडून जज करण्यात मोठी चूक झाली आणि चेंडू गोल लाईन ओलांडून आत गेला. या गोलमुळे सामना 1-1 अशा बरोबरीत आला.


दुसऱ्या क्वार्टरमध्ये भारताने आक्रमक चढाया वाढवल्या, ज्याचा फायदा म्हणून भारताला आणखी एक पेनाल्टी कॉर्नर मिळाला. 24व्या मिनिटाला जुगराज सिंगने गोल मारला. ड्रॅगफ्लिक घेण्यासाठी अमित रोहिदाससोबत जुगराज सिंग सज्ज झाला. जुगराजने कोणताही दबाव न घेता अत्यंत शांत डोक्याने आणि ताकदीने चेंडू मलेशियाच्या गोलपोस्टमध्ये धाडला आणि भारताला सामन्यात 2-1 अशी पुन्हा एकदा महत्त्वपूर्ण आघाडी मिळवून दिली.






सामन्याच्या तिसऱ्या क्वार्टरमध्ये भारताला आणखी एक पेनाल्टी कॉर्नर मिळाला. कर्णधार हरमनप्रीत सिंगने शॉट मारला, पण त्याला थेट गोल करता आला नाही. त्यानंतर मैदानावर कमालीचा ड्रामा पाहायला मिळाला. पंचांनी हा पेनाल्टी कॉर्नर पुन्हा घेण्याचा निर्णय दिला, ज्याच्या विरोधात मलेशियाने रिव्ह्यू घेतला. रिव्ह्यू नंतर पंचांनी निर्णय बदलून तो 'लाँग कॉर्नर' केला. हार्दिक सिंगने 41व्या मिनिटाला गोल मारला.


सामन्याच्या अंतिम क्षणांमध्ये भारतीय संघाने मलेशियाच्या संरक्षणाची पूर्णपणे दाणादाण उडवली. 54 व्या मिनिटाला भारताचा स्टार फॉरवर्ड अभिषेकने मलेशियाच्या डिफेंडर्सना चकवत गोलपोस्टच्या अगदी जवळ असलेल्या शिलानंद लाक्राकडे अचूक पास दिला. शिलानंदने योग्य वेळी योग्य ठिकाणी उपस्थित राहत या उत्कृष्ट चालीचा सुरेख शेवट केला. यासह भारताला 4-1 अशी मजबूत मिळाली. हरमनप्रीत कौरने पेनल्टी कॉर्नरच्या माध्यमातून 57व्या मिनिटाला आणखी गोल मिळवून देत 5-1 अशी आघाडी मिळवून विजय निश्चित केला.








  • एशियन गेम्स 2026 स्पर्धेत भारताच्या पुरुष हॉकी संघाने मलेशियाविरुद्धच्या अंतिम सामन्यात सुवर्ण पदक जिंकले आहे. यामुळे भारतीय हॉकीच्या इतिहासात अनेक मोठे आणि अभूतपूर्व जागतिक विक्रम नोंदवण्यात आले आहे.

  • इतिहासात पहिल्यांदाच सलग सुवर्ण पदकावर बाजी मारली आहे. भारतीय पुरुष हॉकी संघाने यापूर्वी 1966, 1998, 2014 आणि 2023 मध्ये एशियन गेम्समध्ये सुवर्ण पदके जिंकली आहेत. मात्र, भारताला इतिहासात कधीही सलग दोन एशियन गेम्समध्ये सुवर्ण पदक जिंकता आले नव्हते. 2026 मध्ये विजय मिळवल्यानंतर भारत पहिल्यांदाच आपले विजेतेपद राखण्यात यशस्वी ठरला आहे.

  • एशियन गेम्समध्ये हरमनप्रीत सिंगने दोन वेळा सुवर्ण पदक जिंकवणारा पहिला भारतीय कर्णधार ठरला आहे. कर्णधार हरमनप्रीत सिंग याने 2023 (हांगझोऊ) आणि आता 2026 (नागोया) या दोन्ही स्पर्धांमध्ये भारतीय संघाचे नेतृत्व केले आहे. एशियन गेम्सच्या इतिहासात भारतीय हॉकी संघाने सलग दोनवेळा सुवर्ण पदके जिंकले.

  • मनप्रीत सिंगने वैयक्तिक पातळी महाविक्रम केला आहे. भारताचा सर्वात अनुभवी खेळाडू मनप्रीत सिंगकडे पाहिले जाते. मनप्रीत सिंग 2014 (इंचेऑन), 2023 (हांगझोऊ) आणि 2026 (नागोया) अशा तीन सामन्यांवेळी सुवर्ण पदक विजेत्या संघांचा भाग होता. एशियन गेम्सच्या इतिहासात 3 सुवर्ण पदके जिंकणारा तो एकमेव आणि पहिला भारतीय हॉकी खेळाडू ठरला आहे.

  • दक्षिण कोरियाला मागे टाकत भारताने आपले दुसरे स्थान भक्कम केले आहे. पुरुष हॉकीमध्ये आतापर्यंत पाकिस्तानने सर्वाधिक 8 वेळा सुवर्ण पदक जिंकले आहे. भारत आणि दक्षिण कोरिया हे दोन्ही देश प्रत्येकी 4 सुवर्ण पदकांसह संयुक्तपणे दुसऱ्या स्थानावर आहेत. 2026 मध्ये मिळवलेल्या विजयामुळे भारताच्या सुवर्ण पदकांची संख्या 5 पर्यंत गेली आहे. भारताने दक्षिण कोरियाला मागे टाकून एशियन गेम्स हॉकीच्या इतिहासात दुसरा सर्वात यशस्वी संघ बनला आहे.

  • लॉस एंजेलिस ऑलिम्पिक 2028 साठी भारतीय संघ पात्र झाला आहे. या सुवर्ण पदकाचा सर्वात मोठा फायदा म्हणजे भारतीय संघाला कोणत्याही पात्रता फेऱ्या न खेळता 2028 च्या लॉस एंजेलिस ऑलिम्पिक खेळांसाठी थेट तिकीट मिळालं आहे.

Comments
Add Comment

भारताने न्यूझीलंडला 3-2 ने पराभवाची धूळ चारली, शताब्दी हॉकी मालिकेत टीम इंडियाची विजयी सलामी

भारत आणि न्यूझीलंड या दोन्ही देशांमधील ऐतिहासिक क्रीडा संबंधांना 100 वर्षे पूर्ण झाल्याच्या निमित्ताने

कॅमरन बेनक्रॉफ्टच्या आरोपानंतर पॅट कमिन्स घरातून बाहेर पडणं झालं कठीण! पत्रकारांकडून प्रश्नांचा भडीमार

ऑस्ट्रेलिया आणि दक्षिण अफ्रिका यांच्यात 2018 मध्ये कसोटी मालिका पार पडली होती. या मालिकेतील एका सामन्यात

न्यूझीलंडला धक्का! दक्षिण अफ्रिकेने बांगलादेशला 9 गडी राखून नमवलं, वर्ल्ड टेस्ट चॅम्पियनशिप गुणतालिकेत मोठा उलटफेर

दक्षिण अफ्रिकेने पहिल्या कसोटी सामन्यात बांगलादेशचा धुव्वा उडवला. या सामन्यात दक्षिण अफ्रिकेने बांगलादेशला 9

रायझिंग स्टार्स आशिया कप स्पर्धेला आजपासून सुरूवात, जाणून भारताचा सामना कधी आणि पूर्ण शेड्यूल

रायझिंग स्टार्स आशिया कप 2026 स्पर्धेला आजपासून सुरूवात होणार आहे. वनडे फॉर्मेटमध्ये ही स्पर्धा होत असून एकूण 8 संघ

IND vs NZ 1st Test: पहिल्या कसोटी सामन्यात मोहम्मद सिराजला बसवण्याचा निर्णय योग्यच! प्रशिक्षकांनी दिलं असं कारण

भारत आणि न्यूझीलंड कसोटी सामन्यातील पहिल्या सत्रात भारताच्या वेगवान गोलंदाजांनी पकड मिळवली. पण त्यानंतर ही पकड

न्यूझीलंडविरुद्धच्या कसोटीत बुमराहचा ऐतिहासिक पराक्रम; माजी दिग्गज गोलंदाज जवागल श्रीनाथचा विक्रम मोडीत!

[caption id="attachment_1076800" align="aligncenter" width="800"] भारत न्यूझीलंड कसोटी मालिकेतून वेगवान गोलंदाज जसप्रीत बुमराहने पुन्हा एकदा मैदानात