पुणे शिक्षक मतदारसंघाचा तिढा कायम! पंतप्रधान मोदी आणि उपमुख्यमंत्री शिंदे भेटीत काय घडलं?

विधान परिषदेच्या पुणे शिक्षक मतदारसंघाच्या जागेवरून महायुतीतील तिढा अद्याप कायम असल्याचे उपमुख्यमंत्री एकनाथ शिंदे यांच्या वक्तव्यामुळे स्पष्ट झाले आहे.

मुंबई: विधान परिषदेच्या पुणे शिक्षक मतदारसंघाच्या जागेवरून महायुतीतील तिढा अद्याप कायम असल्याचे उपमुख्यमंत्री एकनाथ शिंदे यांच्या वक्तव्यामुळे स्पष्ट झाले आहे. भाजपने या मतदारसंघातून कौस्तुभ गावडे यांना उमेदवारी जाहीर केली असतानाच शिवसेनेने मंगेश चिवटे यांना पक्षाचा एबी फॉर्म देऊन त्यांची उमेदवारी कायम ठेवली आहे. पुणे शिक्षक मतदारसंघाच्या जागेबाबत मुख्यमंत्री देवेंद्र फडणवीस आणि उपमुख्यमंत्री सुनेत्रा पवार यांच्यासोबत चर्चा झाली होती. या चर्चेत पुणे शिक्षक मतदारसंघाची जागा शिवसेना लढवेल आणि मंगेश चिवटे हे पक्षाचे उमेदवार असतील, अशी भूमिका ठरल्याचे शिंदे यांनी सोमवारी सांगितले.


पंतप्रधान नरेंद्र मोदी यांच्या भेटीनंतर दिल्लीत पत्रकारांशी बोलताना शिंदे यांनी विधान परिषद निवडणुकीच्या उमेदवारीबाबत महायुतीत चर्चा सुरू असल्याचे सांगितले. अर्ज दाखल करण्याची प्रक्रिया सुरू असून मंगळवारी अर्ज भरण्याची अंतिम मुदत आहे. त्यानंतर अर्ज मागे घेण्याची प्रक्रिया होणार असल्याने या कालावधीत महायुतीमध्ये आणखी चर्चा होईल, असे शिंदे यांनी स्पष्ट केले. ‘‘मी सध्या दिल्लीत आहे. महाराष्ट्राचे विषय आम्ही आमच्या पातळीवर सोडवू. अजून वेळ आहे, प्रक्रिया सुरू आहे,’’ असे त्यांनी सांगितले.







दुष्काळावर पंतप्रधान मोदींशी चर्चा


शिंदे यांनी यावेळी पंतप्रधान नरेंद्र मोदी यांच्यासोबत झालेल्या भेटीचीही माहिती दिली. महाराष्ट्रातील दुष्काळाच्या परिस्थितीवर या भेटीत सविस्तर चर्चा झाली. पिण्याचे पाणी, चाऱ्याची उपलब्धता आणि पिकांचे नुकसान याबाबत मोदी यांनी माहिती घेतली. राज्य सरकारने शेतकऱ्यांना मदत करण्याचे आश्वासन दिले असून केंद्र सरकारही त्यांच्या पाठिशी असल्याचे मोदी यांनी सांगितल्याचे शिंदे यांनी नमूद केले. महाराष्ट्रातील दुष्काळी परिस्थितीचा आढावा घेण्यासाठी केंद्राचे पथक शेतकऱ्यांच्या बांधावर जाऊन सर्वेक्षण करणार असल्याचेही त्यांनी सांगितले. सरकारच्या तिजोरीवर पहिला अधिकार बळीराजाचा आहे. तो संकटात असताना आम्ही हात आखडता घेणार नाही. शेतकऱ्यांची दिवाळी काळी होणार नाही,’ असे आश्वासन शिंदे यांनी दिले.







केंद्रीय मंत्रिमंडळ विस्तारावर योग्य वेळी निर्णय


केंद्रीय मंत्रिमंडळ विस्ताराबाबत पंतप्रधान मोदी यांच्याशी चर्चा झाली का, या प्रश्नावर शिंदे यांनी या निर्णयाचा अधिकार पंतप्रधानांकडे असल्याचे सांगितले. ‘‘एनडीएचे प्रमुख पंतप्रधान नरेंद्र मोदी आहेत. निर्णय घेण्याचे अधिकार त्यांनाच आहेत. ते योग्य वेळी निर्णय घेतील,’’ असे ते म्हणाले.
- दरम्यान, केंद्रीय मंत्रिमंडळाच्या संभाव्य विस्तारात उपमुख्यमंत्री एकनाथ शिंदे यांच्या शिवसेनेला दोन मंत्रिपदे मिळण्याची शक्यता वर्तविण्यात येत आहे. या दोन जागांसाठी खासदार श्रीकांत शिंदे आणि उबाठा गटातून शिंदे यांच्या शिवसेनेत प्रवेश केलेले खासदार बंडू जाधव यांच्या नावांची चर्चा असल्याची माहिती सूत्रांच्या हवाल्याने समोर आली आहे. यापूर्वी खासदार ओमराजे निंबाळकर यांच्या नावाचीही मंत्रिपदासाठी चर्चा होती.

Comments
Add Comment

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Food And Drug Administration : FDA ची राज्यभरात मोठी कारवाई; 7 महिन्यांत 152.65 कोटींचा अन्नसाठा जप्त, 1,688 जणांना अटक

मुंबई : राज्यातील अन्नपदार्थांची गुणवत्ता आणि सुरक्षितता राखण्यासाठी अन्न व औषध प्रशासनाने (FDA) मोठी कारवाई केली

पाणीटंचाईग्रस्त गावांना टँकरद्वारे तातडीने पाणीपुरवठा करा, मंत्री गुलाबराव पाटील यांचे निर्देश

राज्यात संभाव्य दुष्काळसदृश परिस्थितीचे सावट लक्षात घेता राज्य सरकार आता अलर्ट मोडवर आले आहे. ज्या गावांमध्ये

IAS officers Transfers : राज्यातील चार वरिष्ठ सनदी अधिकाऱ्यांच्या बदल्या

मुंबई: राज्य शासनाने शुक्रवारी (२० नोव्हेंबर) चार वरिष्ठ सनदी अधिकाऱ्यांच्या (IAS) बदल्यांचे आदेश जारी केले.

Revenue Department : दोन लाखांवरील रोख व्यवहारांची माहिती आता आयकर विभागाला जाणार, महसूल विभागाचा निर्णय

मुंबई : जमीन किंवा मालमत्तेच्या खरेदी-विक्री व्यवहारात दोन लाख रुपये किंवा त्यापेक्षा अधिक रक्कम रोखीने दिल्यास

सैनिकी शाळांतील प्रवेश आता केवळ गुणवत्तेच्या आधारेच; मुख्यमंत्री फडणवीस यांचे निर्देश

राज्यातील सैनिकी शाळांमध्ये पारदर्शक, उत्तरदायी आणि गुणवत्तापूर्ण व्यवस्था निर्माण करण्यावर नव्या धोरणात भर