मराठवाडा पदवीधर मतदारसंघातून सतीश चव्हाण यांना पुन्हा उमेदवारी - उपमुख्यमंत्री सुनेत्रा पवार यांचा निर्णय

मुंबई : विधान परिषदेच्या मराठवाडा पदवीधर मतदारसंघातून राष्ट्रवादी काँग्रेसकडून विद्यमान आमदार सतीश चव्हाण यांना पुन्हा उमेदवारी देण्यात आली आहे. उपमुख्यमंत्री सुनेत्रा पवार यांच्या नेतृत्वाखालील राष्ट्रवादी काँग्रेसने त्यांच्या नावावर शिक्कामोर्तब केले. महायुतीच्या जागावाटपात मराठवाडा पदवीधर मतदारसंघ राष्ट्रवादी काँग्रेसच्या वाट्याला आला असून, त्यानुसार चव्हाण यांना पुन्हा संधी देण्यात आली आहे.


मराठवाडा पदवीधर मतदारसंघाची निवडणूक २३ ऑक्टोबरला होणार असून २७ ऑक्टोबरला मतमोजणी होणार आहे. उमेदवारी अर्ज दाखल करण्याची अंतिम मुदत ६ ऑक्टोबर आहे. अर्जांची छाननी ७ ऑक्टोबरला, तर अर्ज मागे घेण्याची अंतिम मुदत ९ ऑक्टोबर आहे. दरम्यान, सतीश चव्हाण यांनी या मतदारसंघाचे सलग तीन वेळा प्रतिनिधित्व केले आहे. २००८, २०१४ आणि २०२०च्या निवडणुकीत त्यांनी विजय मिळविला होता. उमेदवारी जाहीर झाल्यानंतर पदवीधरांचे प्रश्न यापुढेही नेटाने मांडण्याची भूमिका चव्हाण यांनी व्यक्त केली. महायुतीच्या नेत्यांनी विश्वास टाकून पुन्हा संधी दिल्याबद्दल त्यांनी आभार मानत हा विश्वास सार्थ ठरविण्याची ग्वाही दिली.






मराठवाडा पदवीधर मतदारसंघातून चव्हाण यांना पुन्हा संधी देण्याचा निर्णय महायुतीच्या जागावाटपाच्या चर्चेनंतर झाला. यापूर्वी भाजपकडून या मतदारसंघासाठी इच्छुकांची नावे चर्चेत होती. मात्र, अखेर महायुतीच्या जागावाटपात हा मतदारसंघ राष्ट्रवादी काँग्रेसकडे कायम राहिला आणि चव्हाण यांच्या उमेदवारीचा मार्ग मोकळा झाला. दरम्यान, महाविकास आघाडीत या मतदारसंघासाठी राष्ट्रवादी काँग्रेस (शरदचंद्र पवार) पक्षाकडूनही उमेदवाराच्या नावाची चर्चा सुरू आहे. त्यामुळे महायुतीकडून चव्हाण यांची उमेदवारी निश्चित झाल्यानंतर आता विरोधकांकडून कोणाला रिंगणात उतरविले जाते, याकडे लक्ष लागले आहे.

Comments
Add Comment

हरिमौ शक्ती-6 चा धमाका! मलेशियात भारत-मलेशिया सैन्याचा महासराव सुरू; रणनीती नेमकी काय?

नवी दिल्ली : भारत आणि मलेशिया यांच्यातील द्विपक्षीय संरक्षण संबंध अधिक बळकट करणारा ‘हरिमौ शक्ती-6’ हा संयुक्त

अ‍ॅमस्टरडॅमच्या महापौरांनी घेतली मुंबईच्या महापौर रितू तावडे यांची भेट

मुंबई ( विशेष प्रतिनिधी) : मुंबईच्या महापौर रितू तावडे यांची अ‍ॅमस्टरडॅम नगरीच्‍या महापौर फेम्के हलसेमा यांनी आज,

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

भांडुप संकुलातील नवीन जलशुद्धीकरण प्रकल्प कामाला गती; अतिरिक्त आयुक्त अभिजीत बांगर यांचे निर्देश

मुंबई (विशेष प्रतिनिधी) : मुंबईची दीर्घकालीन जलसुरक्षा सुनिश्चित करण्याच्या दृष्टीने भांडुप नवीन जलशुद्धीकरण

Andheri Kurla Road : अंधेरी-कुर्ला मार्गावरील वाहतूक कोंडी कमी होणार, तब्बल १३.४० मीटर रुंदीच्या रस्त्यावरील अडथळे दूर करणार

मुंबई (विशेष प्रतिनिधी) रस्त्यांवरील वाहतुकीचे अडथळे दूर करून वाहतूक अधिक सुरळीत करण्याच्या दृष्टीने मुंबई

Crime News : 'तुला सरकारी नोकरी लावून देतो' सांगत घातला 40 लाखांचा गंडा; वडापाव विकणाऱ्या दाम्पत्याची मोठी फसवणूक

कल्याण : कल्याणमध्ये वडापावचा व्यवसाय करणाऱ्या एका दाम्पत्याला सरकारी नोकरी मिळवून देण्याचे आमिष दाखवून 40