Nitesh Rane: "MPSC विद्यार्थ्यांनो निश्चिंत राहा, सरकार तुमच्या पाठीशी", मंत्री नितेश राणे यांचा विश्वास

मंत्री नितेश राणे यांनी आज पुण्यातील शास्त्री पेठ येथे MPSC ची पूर्वतयारी करणाऱ्या विद्यार्थ्यांच्या आंदोलनाला भेट देऊन त्यांच्या मागण्या, अडचणी आणि प्रश्न जाणून घेतले. यावेळी विद्यार्थ्यांशी प्रत्यक्ष संवाद साधत त्यांच्या मनातील प्रश्न जाणून घेतले.

मुंबई: महाराष्ट्र लोकसेवा आयोगाच्या (एमपीएससी) कारभाराविरोधात आणि विविध मागण्यांसाठी पुण्यात सुरू असलेल्या विद्यार्थ्यांच्या आंदोलनाला राज्याचे मत्स्यव्यवसाय व बंदरे विकास मंत्री नितेश राणे यांनी रविवारी भेट दिली. शास्त्री पेठ येथील आंदोलनस्थळी विद्यार्थ्यांशी संवाद साधून त्यांच्या मागण्या, परीक्षा पद्धतीतील अडचणी आणि आयोगाच्या कारभाराबाबतच्या तक्रारी त्यांनी जाणून घेतल्या. विद्यार्थ्यांच्या मागण्यांबाबत सरकार सकारात्मक असून, त्या सरकारपर्यंत प्रभावीपणे पोहोचवून त्यावर निर्णय होण्यासाठी पाठपुरावा करण्याचे आश्वासन मंत्री राणे यांनी दिले.






विद्यार्थ्यांशी संवाद साधताना मंत्री नितेश राणे म्हणाले, ‘मी मंत्री म्हणून नव्हे, तर तुमचा भाऊ आणि मित्र म्हणून येथे आलो आहे. विद्यार्थी म्हणून तुम्ही महाराष्ट्राच्या भविष्यासाठी अत्यंत महत्त्वाचे आहात. त्यामुळे येथे कोणतेही राजकारण किंवा राजकीय वक्तव्य करण्यासाठी आलो नसून, तुमच्या भावना आणि मागण्या समजून घेण्यासाठी आलो आहे,’ असे राणे यांनी सांगितले. मुख्यमंत्री देवेंद्र फडणवीस यांनी विद्यार्थ्यांच्या शिष्टमंडळाला सुमारे पावणेतीन तास वेळ देऊन त्यांच्या मागण्या ऐकून घेतल्या असून, १३ पैकी १२ मागण्या मान्य झाल्याचे विद्यार्थ्यांनी मला सांगितले. सरकार विद्यार्थ्यांच्या मागण्यांबाबत सकारात्मक भूमिका घेत असल्याने राजकीय व्यवस्था आणि राजकीय नेत्यांना बाजूला ठेवून विद्यार्थ्यांनी सरकारशी संवाद साधावा, असे आवाहनही त्यांनी केले.


 


एमपीएससीच्या कारभाराबाबत तयार करण्यात आलेल्या समितीतील अधिकाऱ्यांशी आपला संपर्क असल्याचे सांगत राणे म्हणाले, "विद्यार्थ्यांच्या मनातील प्रश्न आणि परीक्षा प्रक्रियेतील त्रुटी समितीसमोर मांडल्या जात आहेत. अधिकारी प्रामाणिकपणे अहवाल देतील आणि भविष्यात एमपीएससीच्या परीक्षांसाठी विद्यार्थ्यांना आंदोलन करण्याची वेळ येणार नाही, अशा पद्धतीने सुधारणा करण्यासाठी प्रयत्न होतील. परीक्षा पद्धतीबाबत विद्यार्थ्यांची वस्तुनिष्ठ पद्धतीची मागणी आहे. ही भावना समितीच्या अहवालातही प्रतिबिंबित झाली तर संभ्रम राहणार नाही", असेही त्यांनी सांगितले.






"मुख्यमंत्री हे राज्याचे प्रमुख आणि कुटुंबप्रमुख आहेत. ते विद्यार्थ्यांच्या भविष्याशी खेळणार नाहीत. सरकार तुमच्या पाठीशी आहे. तुमच्या मागण्यांबाबत आवश्यक त्या प्रक्रिया पूर्ण केल्या जातील. हे राजकारणाचे व्यासपीठ नाही. व्यवस्थेतील चुका आणि त्रुटी दूर करण्यासाठी सर्वांनी एकत्र प्रयत्न करायला हवेत. एमपीएससीमधील वयोमर्यादा वाढविण्याच्या मागणीसाठी मी सुद्धा पूर्वी आंदोलन केले आहे. चुका सुधारण्यासाठी सरकार काम करत आहे. मात्र, संविधानाला गालबोट लागता कामा नये. संवैधानिक पदांबाबत आवश्यक प्रक्रिया पूर्ण करण्यासाठी सरकारला संधी दिली पाहिजे. विद्यार्थ्यांच्या मागण्यांवर सकारात्मक निर्णय झाल्यानंतर याच आंदोलनस्थळी जल्लोष होईल. त्यामुळे निश्चिंत राहा", असा विश्वास मंत्री राणे यांनी दिला.

Comments
Add Comment

Pavana Dam: पवना धरणग्रस्तांना संपादित क्षेत्राइतकी पर्यायी जमीन; कमाल मर्यादा 4 एकर

Pavana Dam: गेल्या सहा दशकांपासून प्रलंबित असलेल्या पवना धरणग्रस्तांच्या पुनर्वसनाचा प्रश्न मार्गी लावण्यासाठी

Maharashtra Drought : राज्यातील दुष्काळी तालुक्यांत अनावश्यक बांधकामांना स्थगिती

मुंबई : राज्यातील ३१० दुष्काळग्रस्त तालुक्यांमध्ये निर्माण झालेल्या टंचाईसदृश परिस्थितीवर मात करण्यासाठी

Eknath Shinde : उपमुख्यमंत्री एकनाथ शिंदे यांच्या हेलिकॉप्टरमध्ये तांत्रिक बिघाड; पायलटने उड्डाण रोखले

सोलापुर : उपमुख्यमंत्री एकनाथ शिंदे यांच्या पंढरपूर दौऱ्यादरम्यान त्यांच्या

कार्तिकी वारीसाठी 5 कोटींचा निधी! चंद्रभागेच्या घाटावर उतरले उपमुख्यमंत्री एकनाथ शिंदे, स्वतः हातात पाइप घेऊन केली स्वच्छता

पंढरपूर : कार्तिकी एकादशी यात्रेसाठी पंढरपुरात दाखल होणाऱ्या लाखो वारकऱ्यांना स्वच्छ, सुरक्षित आणि दर्जेदार

Pimpri Chinchwad : पिंपरी-चिंचवड वाहतूक पोलिसांचा मोठा निर्णय; 350 बॉडी कॅमेऱ्यांची करडी नजर, आता चुकूनही नियम मोडू नका

पुणे : वाहतूक नियमांची अंमलबजावणी करताना पारदर्शकता आणि उत्तरदायित्व वाढवण्यासाठी पिंपरी-चिंचवड वाहतूक

Sanjay Pandey : माजी पोलीस आयुक्त संजय पांडे यांना मोठा दिलासा; सर्वोच्च न्यायालयाकडून पुनामिया यांची याचिका फेटाळली

मुंबई : माजी मुंबई पोलीस आयुक्त संजय पांडे यांच्याविरोधात दाखल करण्यात आलेले दोन एफआयआर रद्द करण्याच्या मुंबई