मुंबई : अभिनेता विजयेंद्र कुमेरिया (Vijayendra Kumaria) यांच्या वैयक्तिक आयुष्याबद्दल मोठी बातमी समोर आली. "नागिन" फेम अभिनेता विजयेंद्र कुमारिया आणि पत्नी प्रीती भाटिया यांचा घटस्फोट झाल्याची स्पष्ट माहिती समोर आली आहे. २०१२ मध्ये विजयेंद्र कुमेरिया आणि प्रीती भाटिया ह्यांचं लग्न झालं होत त्यांच्या लग्नाला १४ वर्ष पूर्ण झाली होती.
विजयेंद्रने अलीकडेच दिलेल्या मुलाखतीमध्ये प्रीती भाटियासोबत घटस्फोट (Divorced) झाल्याचा स्पष्ट केलं आहे. महत्वाची बाब म्हणजे बऱ्याच काळापासून ते दोघे वेगळे होण्याबाबत सोशल मीडियावर (Social Media) चर्चा सुरु होती. सर्वात आधी २०२३ मध्ये त्यांच्या विभक्त होण्याबाबतची माहिती समोर आली होती. आता हे जोडपं गेल्या ४ वर्षांपासून वेगळे रहात होते हे विजयेंद्र यांनी स्पष्ट देखील केलं आहे.
‘भूल भुलैया’ मधला छोटा पंडित असो, ‘हंगामा’ मधला राजा असो किंवा ‘वेलकम’ मधला तो अतरंगी अभिनेता… राजपाल यादव यांनी गेली अनेक दशकं आपल्या विनोदाने ...
विजयेंद्र यांनी चार वर्षानंतर व्यक्त होत सांगितलं की, पत्नीसोबत होणारे सततचे मतभेद, वादविवाद यामुळे एकत्र संसार करणं कठीण होत होतं. काडीमोड घेण्यापूर्वी एकमेकांना समजून घेऊन समस्या सोडवण्याचा प्रयत्न देखील केला होता. पण ते काही जमलं नाही. त्यामुळे 2022 मध्ये आम्ही परस्पर संमतीने वेगळे झालो. 2025 मध्ये आम्हाला कायदेशीर आदेश प्राप्त झाला. विजयेंद्रने पुढे असे देखील स्पष्ट केले कि, "हा निर्णय (Decision) आम्ही एका रात्रीत घेतला नाही. आम्ही खूप प्रयत्न केले एकमेकांना समजून घेयायचा,आमच्या मुलीसाठी आम्ही हे नातं टिकवण्याचा प्रयत्न करत होतो. मुलगी लहान असल्यामुळे आम्हाला हा निर्णय घेणे अधिकच कठीण होतं. आमच्या मुलीला वेगवेगळं का होईना प्रेम मिळणं आम्हाला जास्त महत्वाचं वाटतं."
विजयेंद्र यांनी पुढे स्पष्ट केलं की, मला वैयक्तिक आयुष्यातील बदल जाणून घ्यायला आणि स्वीकार करायला वेळ लागला आणि माझ्यासाठी ते फार कठीण होतं. असं असताना चाहत्यांनी कोणतेही तर्क लावू नये, अथवा वेगळे होण्याबाबद कोणतेही अफवा पसरवू नये. म्हणूनच आम्ही काडीमोड घेतल्याची बातमी जाहीरपणे बोलायला मी वेळ घेतला.
