Nashik : नाशिक-वलसाड महामार्गावर भीषण अपघात ! सावळ घाटात खासगी बस उलटली; दोघांचा मृत्यू, सात प्रवासी जखमी

Nashik : नाशिक-वलसाड महामार्गावरील पेठ तालुक्यातील करंजाळीलगतच्या सावळ घाटात खासगी बस उलटून झालेल्या भीषण अपघातात दोन प्रवाशांचा मृत्यू झाला, तर सात जण जखमी झाले. मंगळवारी रात्रीच्या सुमारास हा अपघात झाला. घाट परिसरात दाट धुके असल्याने दृश्यमानता मोठ्या प्रमाणात कमी झाली होती. त्यामुळे चालकाचे बसवरील नियंत्रण सुटून हा अपघात झाल्याचा प्राथमिक अंदाज प्रशासनाने व्यक्त केला आहे.अपघातग्रस्त बस नाशिक येथील चौधरी ट्रॅव्हल्सची असल्याची माहिती स्थानिक अधिकाऱ्यांनी दिली. ही बस नाशिकहून अहमदाबादच्या दिशेने निघाली होती. बसमध्ये सुमारे २५ प्रवासी असल्याचे सांगण्यात आले आहे.



दाट धुक्यामुळे दृश्यमानता कमी


पेठ आणि दिंडोरी तालुक्यात मंगळवारी रात्री कमालीचे धुके होते. घटनास्थळी अवघ्या दोन फुटांपर्यंतचीही दृश्यमानता नसल्याचे सांगण्यात आले. त्यामुळे चालकाला रस्त्याचा अंदाज घेण्यात अडचण आली असावी आणि त्यातून बसवरील नियंत्रण सुटल्याचा प्राथमिक अंदाज प्रशासनाने व्यक्त केला आहे. करंजाळी घाटात सध्या रस्त्याचे काम सुरू आहे. मात्र, ज्या ठिकाणी बसचा अपघात झाला, त्या भागात रस्त्याचे काम सुरू नसल्याचे घटनास्थळी पाहणी करणाऱ्या अधिकाऱ्यांनी स्पष्ट केले.



अपघाताची माहिती मिळताच प्रशासनाची धाव


रात्री सुमारे ११ वाजता अपघाताची माहिती मिळताच पोलीस निरीक्षक आणि उपविभागीय पोलीस अधिकाऱ्यांनी घटनास्थळी धाव घेतली. विविध भागांतून चार रुग्णवाहिका तातडीने घटनास्थळी पाठवण्यात आल्या. अपघातग्रस्त बसमधील सर्व प्रवाशांना बाहेर काढून उपचारासाठी दिंडोरी ग्रामीण रुग्णालयात दाखल करण्यात आले. प्राथमिक उपचारानंतर मध्यरात्री सुमारे दोन वाजता आठ जणांना नाशिक जिल्हा शासकीय रुग्णालयात हलवण्यात आले.






दोघांचा मृत्यू; सात जखमी


या अपघातात राहुल ओझा आणि महेंद्र पाल (४८, वडोदरा, गुजरात) यांचा मृत्यू झाला. तर प्रमिला राऊत (५३, पाटीलनगर, सिडको, नाशिक), यश देसाई (३०, अहमदाबाद), आरती देसाई (२८, अहमदाबाद), बाल विमल जगदीश (६५, इरोड, तामिळनाडू), नयन वासाने (२७, इंदिरानगर, गुजरात), स्वाती सुरेश बडाणे (४८, गोपालनगर, कामटवाडे, नाशिक) आणि सुरेश बडाणे (५८, नाशिक) हे जखमी झाले. जखमींपैकी दोन रुग्णांना नाशिक जिल्हा शासकीय रुग्णालयात दाखल करण्यात आले आहे. चार जखमींवर उपचार करून त्यांना रुग्णालयात दाखल करण्यात आले नाही. तर एका प्रवाशाची तपासणी करण्यात आली असून त्याला कोणतीही दुखापत झाली नसल्याचे प्रशासनाने सांगितले.



अपघातामुळे महामार्गावर वाहतूक कोंडी


बस रस्त्यातच उलटल्याने नाशिक-वलसाड महामार्गावर मोठी वाहतूक कोंडी झाली. मदतकार्यासाठी घटनास्थळी पोहोचणाऱ्या स्थानिक अधिकारी आणि यंत्रणांनाही या वाहतूक कोंडीतून मार्ग काढावा लागला. पोलिस आणि स्थानिक प्रशासनाच्या मदतीने अपघातग्रस्त प्रवाशांना तातडीने रुग्णालयात हलवण्यात आले.

Comments
Add Comment

BJP OBC MORCHA : भाजप ओबीसी मोर्चाची राष्ट्रीय कार्यकारिणी जाहीर; विविध पदांवर नव्या नियुक्त्या

भारतीय जनता पक्षाने शनिवारी आपल्या ओबीसी मोर्चाच्या नव्या राष्ट्रीय पदाधिकारी आणि कार्यकारिणी सदस्यांची यादी

JEE Main 2027 : Session 1 साठी नोंदणी उद्या संपणार; चुकवू नका ही शेवटची संधी

JEE Main 2027 Session 1 परीक्षेसाठी नोंदणी करण्याची मुदत उद्या, २२ नोव्हेंबर २०२६ रोजी संपणार आहे. राष्ट्रीय चाचणी संस्थेने (NTA)

घरात बनवलेले नूडल्स ठरले जीवघेणे; 7 वर्षीय चिमुकलीचा मृत्यू, मोठी बहीण गंभीर

घरात बनवलेल्या नूडल्सने एका कुटुंबाचा घास घेतला आहे. नूडल्स खाल्ल्यानंतर ७ वर्षीय मुलीचा मृत्यू झाला असून तिची

मुंबई-अहमदाबाद बुलेट ट्रेन प्रकल्पाला वेग; सुरत-बिलीमोरा मार्गावर वीज यंत्रणा सुरू

देशातील पहिल्या बुलेट ट्रेन प्रकल्पाच्या दिशेने आणखी एक मोठं पाऊल पडलं आहे. मुंबई-अहमदाबाद हाय स्पीड रेल

Apple Maps India update : Google Maps ला तगडी टक्कर! Apple Maps आता मराठीत बोलणार; पाहा नवीन ३डी आणि हायटेक फीचर्स!

वॉशिंग्टन : देशातील प्रवाशांसाठी रस्ते शोधणे आणि प्रवासाचे नियोजन अधिक सोपे व्हावे, यासाठी 'ॲपल' (Apple) कंपनीने

Pune Camp 8 hotels license suspended : पुणेकरांनो सावधान! बाहेर खाताय ? कॅम्पमधील ८ प्रसिद्ध हॉटेल्सवर FDA ची मोठी कारवाई!

पुणे : पुणे शहरातील खवय्यांच्या आरोग्याची सुरक्षा सुनिश्चित करण्यासाठी अन्न व औषध प्रशासन (FDA) आणि महापालिकेने