नवी दिल्ली: हॉकी इंडियाने 'आशियाई चॅम्पियन्स ट्रॉफी पंजाब 2026' साठी भारतीय पुरुष हॉकी संघाची अधिकृत घोषणा केली आहे. आगामी 27 ऑक्टोबर ते 5 नोव्हेंबर दरम्यान पंजाबमधील जालंधर आणि मोहाली येथे ही स्पर्धा रंगणार आहे. जपानमधील आशियाई क्रीडा स्पर्धेत भारताला ऐतिहासिक सुवर्णपदक मिळवून देत विजेतेपद यशस्वीपणे राखणाऱ्या मुख्य संघावरच निवड समितीने पुन्हा एकदा विश्वास दाखवला असून, संघाचे नेतृत्व स्टार drag-flicker हरमनप्रीत सिंग याच्याकडेच सोपवण्यात आले आहे.
टी20 क्रिकेटमध्ये एक काळ गाजवलेला आणि अभिषेक शर्मा-प्रभसिमरन सिंगसारख्या खेळाडूंना घडवणाऱ्या युवराज सिंगकडे मोठी जबाबदारी आली आहे. आयपीएल 2027 ...
संघामध्ये सातत्य आणि युवा खेळाडूंना संधी
मायदेशात आशियातील आघाडीच्या हॉकी संघांशी सामना करण्यासाठी संघात मोठे बदल न करता सातत्य राखण्यावर भर देण्यात आला आहे. आशियाई क्रीडा स्पर्धेत यश मिळवून देणारा बहुतांश संघ कायम ठेवण्यात आला आहे. गोलकीपर कृष्ण बहादूर ठाकूर याचे संघात दमदार पुनरागमन झाले आहे, तर युवा डिफेंडर अमनदीप लाक्रा आणि मिडफिल्डर आदित्य अर्जुन लालागे यांना वरिष्ठ संघात स्वतःचे स्थान बळकट करण्याची आणखी एक सुवर्णसंधी मिळाली आहे. याशिवाय, 18 सदस्यांच्या मुख्य संघाव्यतिरिक्त मिडफिल्डर विष्णू कांत सिंग आणि फॉरवर्ड अंगद बीर सिंग यांना राखीव खेळाडू म्हणून स्थान देण्यात आले आहे.
भारत आणि वेस्ट इंडिज (India vs West Indies) यांच्यातील पाच सामन्यांच्या टी-20 मालिकेतील रोमांचक चौथा सामना उद्या म्हणजेच बुधवार, 14 ऑक्टोबर 2026 रोजी हैदराबादमधील ...
मुख्य प्रशिक्षकाची प्रतिक्रिया
भारतीय संघाचे मुख्य प्रशिक्षक क्रेग फुल्टन यांनी आनंद व्यक्त करत म्हणाले की, "पंजाबमध्ये आशियाई चॅम्पियन्स ट्रॉफी खेळणे ही अत्यंत विशेष बाब असेल. या संघात युवा आणि अनुभवी खेळाडूंचा सुरेख संगम पाहायला मिळतो. मायदेशातील प्रेक्षकांकडून मिळणाऱ्या ऊर्जेचा आणि पाठिंब्याचा पुरेपूर लाभ घेण्यासाठी आम्ही उत्सुक आहोत. भारतात स्पर्धा खेळण्यासारखा दुसरा आनंद नाही आणि या वातावरणाची आम्हाला नक्कीच उणीव भासत होती."
अफगाणिस्तान आणि बांगलादेश कसोटीचा निकाल लागणार अशी स्थिती चौथ्या दिवसापर्यंत होती. बांगलादेशने चौथ्या दिवसापर्यंत मजबूत पकड मिळवली होती. ...
पंजाबमध्ये आंतरराष्ट्रीय हॉकीचे पुनरागमन
ही स्पर्धा भारतीय हॉकीसाठी विशेष महत्त्वाची ठरत आहे, कारण याद्वारे पंजाबमध्ये आंतरराष्ट्रीय हॉकीचे शानदार पुनरागमन होत आहे. पंजाबने भारतीय हॉकीला मोठे योगदान दिले असून अनेक पिढ्यांचे दिग्गज खेळाडू या राज्याने देशाला दिले आहेत. जालंधरच्या सुरजीत हॉकी स्टेडियमवर साखळी सामने तर मोहालीच्या आंतरराष्ट्रीय हॉकी स्टेडियमवर उपांत्य आणि अंतिम सामने पार पडणार आहेत. या उच्चस्तरीय सामन्यांमुळे हॉकीचेखोलवर नाते असलेल्या या प्रदेशातील क्रीडाप्रेमींना आशियातील सर्वोत्तम हॉकीपटूंचा खेळ जवळून अनुभवता येईल.