Solapur Crime News: सोलापूर जिल्ह्यातील मंगळवेढा तालुक्यात कौटुंबिक वादातून एका व्यक्तीची हत्या झाल्याची धक्कादायक घटना समोर आली आहे. किसन गडहिरे असे मृत व्यक्तीचे नाव असून, या प्रकरणात त्यांचे सासरे अतुल कसबे यांच्यावर हत्येचा आरोप करण्यात आला आहे. डोक्यात दगड घालून आणि तलवारीने वार करून ही हत्या करण्यात आल्याची माहिती समोर आली आहे. या घटनेमुळे परिसरात खळबळ उडाली आहे.
Mumbai News: मुंबईतील चांदिवली परिसरातील नहार शक्ती विभागात कारने दोन दुचाकींना धडक दिल्याची घटना घडली आहे. या अपघातात चार जण जखमी झाल्याची माहिती समोर आली ...
दुसऱ्या विवाहावरून कुटुंबात वाद
मिळालेल्या माहितीनुसार, किसन गडहिरे यांनी पत्नीच्या लहान बहिणीशी विवाह केला होता. या विवाहावरून पहिली पत्नी, सासरे आणि इतर कुटुंबीयांमध्ये नाराजी निर्माण झाली होती. या पार्श्वभूमीवर कुटुंबात वाद सुरू असल्याचे सांगितले जात आहे.
वादाचे रूपांतर हाणामारीत
मिळालेल्या माहितीनुसार, या वादादरम्यान किसन गडहिरे यांनी आपले सासरे अतुल कसबे आणि मेहुण्यावर तलवारीने हल्ला केल्याचा आरोप आहे. त्यानंतर झालेल्या संघर्षात अतुल कसबे यांनी किसन यांच्या डोक्यात दगड घातला आणि तलवारीने वार केले. या हल्ल्यात किसन यांचा मृत्यू झाल्याचे सांगितले जात आहे.
मंगळवेढा पोलिसांकडून तपास सुरू
या घटनेप्रकरणी मंगळवेढा पोलीस ठाण्यात गुन्हा दाखल करण्यात आल्याची माहिती आहे. पोलिसांकडून घटनेचा पुढील तपास सुरू असून, वादाचे नेमके कारण आणि हल्ल्याची परिस्थिती तपासली जात आहे. या प्रकरणातील आरोप आणि घटनाक्रमाबाबत अधिकृत तपशील समोर आल्यानंतरच संपूर्ण चित्र स्पष्ट होईल.