अहिल्यानगर (प्रतिनिधी) : अहिल्यानगर येथील छत्रपती संभाजीनगर रोडवरील सुरभी हॉस्पिटल्स प्रा. लि. कंपनीच्या माध्यमातून गुंतवणूकदारांची आणि कंपनीची तब्बल 2 कोटी 74 लाख रुपयांची आर्थिक फसवणूक केल्याप्रकरणी तोफखाना पोलिस ठाण्यात डॉ. राकेश कांतीलाल गांधी व इतर संचालक व संबंधितांविरुद्ध गंभीर स्वरूपाचा गुन्हा दाखल करण्यात आला आहे. फिर्यादी अमित रसिकलाल कोठारी यांनी दिलेल्या फिर्यादीनुसार हा गुन्हा नोंदवण्यात आला आहे.
फिर्यादीत दिलेल्या तक्रारीनुसार, दिनांक 07 डिसेंबर 2017 ते 31 मार्च 2023 या कालावधीत हा आर्थिक गैरव्यवहार घडल्याचे समोर आले आहे. सुरभी हॉस्पिटलची स्थापना 2017 मध्ये झाली असून, कंपनीच्या सुरुवातीच्या संचालक मंडळात डॉ. राकेश कांतीलाल गांधी, डॉ. आशिष अजित भंडारी, इम्रान शफी शेख, अमित नागनाथ पवळे, सुनील ज्ञानदेव आवारे, विनायक जगन्नाथ शिंदे, विजय माणिकराव निकम व विलास सखाराम व्यवहारे यांचा समावेश होता. कंपनीचे संचालक व पदाधिकाऱ्यांनी उच्च परताव्याचे आमिष दाखवून गुंतवणूकदारांकडून व कंपनीच्या माध्यमातून मोठी गुंतवणूक करून घेतली.
मुंबई: महाराष्ट्रातील ग्रामीण राजकारणात लवकरच प्रचाराचा धुरळा उडणार आहे! ओबीसी आरक्षणाच्या कायदेशीर पेचामुळे मागील अनेक महिन्यांपासून रखडलेल्या ...
दरम्यान, कंपनीच्या कायदेशीर ऑडिट रिपोर्ट व फॉरेन्सिक ऑडिट अहवालाचे अवलोकन केले असता, कंपनीच्या बँक खात्यांचा अधिकार असलेल्या संचालकानी स्वतःच्या व कुटुंबीयांच्या आर्थिक फायद्यासाठी बनावट दस्तावेज तयार केल्याचे व आर्थिक गैरव्यवहार केल्याचे उघडकीस आले. आयपीडी विभागातील 230 रुग्णांच्या बिलांची नोंद हॉस्पिटलच्या बुक्स ऑफ अकाउंटमध्ये न दाखवता, तसेच कोविड काळातील व इतर रुग्णांच्या उपचारापोटी मिळालेली रोख रक्कम स्वतःकडे ठेवून कंपनीची जवळपास 2 कोटी 30 लाख रुपयांची फसवणूक करण्यात आली. तसेच, समृद्धी हेल्थकेअर नावाच्या फर्मसोबत बेकायदेशीर सामंजस्य करार करून कुठलीही सेवा न देता स्वतःच्या व कुटुंबाच्या फायद्यासाठी कंपनीचा निधी वापरण्यात आला.
या शिवाय, कंपनीचे रेकॉर्ड, पावत्या आणि आर्थिक व्यवहार लपवण्यासाठी व पुरावे नष्ट करण्यासाठी डिसेंबर 2023 मध्ये कंपनीचे सर्व रेकॉर्ड स्वतःच्या घरी नेऊन नष्ट करण्यात आले. या प्रकरणी तोफखाना पोलीस ठाण्यात भारतीय न्यायसंहिता तसेच जुन्या भारतीय दंड संहितेच्या विविध कलमांन्वये कलम 409, 420, 467, 468, 471, 201 व 34 प्रमाणे गुन्हा दाखल करण्यात आला असून, पुढील तपास तोफखाना पोलिस ठाण्याचे पोलीस उपनिरीक्षक परशुराम दळवी करत आहेत.