क्राइस्टचर्चमधील ऐतिहासिक हॅगली ओव्हलवर खेळल्या जात असलेल्या दुसऱ्या अनधिकृत कसोटी सामन्याच्या पहिल्या दिवशी न्यूझीलंड 'अ' विरुद्धच्या सामन्यात भारतीय फलंदाजांची अवस्था बिकट झाली होती. नाणेफेक जिंकून प्रथम गोलंदाजी करण्याचा निर्णय घेतल्यानंतर न्यूझीलंडच्या गोलंदाजांनी भारतीय डावाला सुरुवातीलाच जोरदार धक्के दिले. पहिल्याच षटकात सलामीवीर यशस्वी जैस्वाल अवघ्या काही चेंडूंवर पायचीत होऊन माघारी परतला. चार चेंडूंचा खेळ संपल्यानंतर फ्रेझर शीट्सने भारताला पहिला मोठा धक्का दिला.
या सुरुवातीच्या धक्क्यातून संघाला बाहेर काढण्यासाठी साई सुदर्शन आणि देवदत्त पडिक्कल यांनी सावध फलंदाजी करत मोर्चा सांभाळला. या दोन्ही फलंदाजांनी दुसऱ्या विकेटसाठी 91 धावांची महत्त्वपूर्ण भागीदारी रचत भारताचा डाव सावरला. लंच ब्रेकपर्यंत भारतीय संघाने 1 बाद 87 धावांपर्यंत मजल मारली. मात्र, जॅरॉड मॅकेने साई सुदर्शनला मिचेल हेकरवी झेलबाद करत ही जोडी फोडली. सुदर्शनने 63 चेंडूंमध्ये 41 धावा केल्या. त्यानंतर फलंदाजीसाठी आलेल्या यश राठोडलाही मोठी खेळी करता आली नाही. ब्रेट रँडलच्या गोलंदाजीवर हेकरने त्याला 13 धावांवर बाद केले, ज्यामुळे भारताची धावसंख्या 3 बाद 131 झाली.
आयपीएल स्पर्धेत पाच वेळा जेतेपदावर नाव कोरणाऱ्या मुंबई इंडियन्सची कामगिरी गेल्या काही वर्षात निराशाजनक राहिली आहे. हार्दिक पांड्या कर्णधारपदी ...
दुसऱ्या बाजूने देवदत्त पडिक्कलने 12 चौकारांच्या मदतीने आपले शानदार अर्धशतक पूर्ण केले. मात्र, तो वैयक्तिक 80 धावांवर शेठच्या गोलंदाजीवर त्रिफळाचीत झाला. पडिक्कल बाद झाल्यानंतर भारतीय डावात पडझड झाली. शेठने त्यानंतरच्या षटकात स्मृती रविचंद्रनला शून्यावर आणि वॉशिंग्टन सुंदरला 8 धावांवर बाद केले. पाहता पाहता भारताची धावसंख्या 6 बाद 160 झाली.
अशा बिकट परिस्थितीत कर्णधार ध्रुव जुरेलने कॅप्टन इन्चार्ज खेळी करत संघाची धुरा सांभाळली. त्याने मानव सुथारसोबत 22 धावांचे योगदान देत सातव्या विकेटसाठी 62 धावांची भागीदारी केली. त्यानंतर आकाश दीपसोबत मिळून जुरेलने दिवस संपेपर्यंत किल्ला लढवला. दिवसाचा खेळ थांबला तेव्हा या दोघांनी आठव्या विकेटसाठी नाबाद 69 धावांची भागीदारी केली होती.
दिवस संपला तेव्हा ध्रुव जुरेल 99 धावांवर नाबाद खेळत आहे. त्याचे शतक पूर्ण होण्यासाठी फक्त एका धावेची गरज आहे. न्यूझीलंड 'अ' संघाकडून फ्रेझर शीट्सने 19 षटकांत 50 धावा देत 4 बळी घेतले. ब्रेट रँडेल, जॅरॉड मॅके आणि जेडन लेनॉक्स यांनी प्रत्येकी 1 गडी बाद केला.