मुंबई (विशेष प्रतिनिधी) : मुंबई महापालिकेच्यावतीने महापालिका मुख्यालयासमोरील आझाद मैदान येथील जुन्या क्रिडा भवनाच्या जागेवर आता टाऊन हॉल जिमखान्याचे बांधकाम करण्यात येणार आहे. यापूर्वीचा टाऊन हॉल जिमखाना उभारणीचा प्रस्ताव परत पाठवल्यानंतर आता सुधारीत आराखड्यानुसार नगरसेवकांच्या 320 आसनांसह पत्रकार कक्ष, महापौर, उपमहापौर, विरोधी पक्षनेत्यांची दालने व कार्यालये तसेच पत्रकार कक्ष आदींची रचना करत नव्याने बांधकामाचा प्रस्ताव स्थायी समितीला सादर करण्यात आला आहे. यामध्ये मात्र, याचा बांधकामाचा खर्च मागील वेळे प्रमाणेच 36 कोटी रुपये एवढा असून कंत्राटदारही तेच म्हणजे ठक्कर कंस्ट्रक्शन प्रायव्हेट लिमिटेड कंपनी आहे. त्यामुळे पुढील सव्वा दोन वर्षांमध्ये ही वास्तू उभारुन सन 2029 मध्ये महापालिकेचे सभागृह हे नवीन वास्तूत भरले जाण्याची दाट शक्यता आहे.
मुंबई (सचिन धानजी) : रुग्णालयांमधील आगीच्या दुर्घटनांच्या पार्श्वभूमीवर मुंबईतील महापालिका रुग्णालयांचे ऑडीट करण्यात आले असून त्यामध्ये नायर ...
महापालिका मार्ग, मुंबई येथील फोर्ट विभागातील सी.एस. नं. 1444 आणि भाग क्र. 4/729 या भूखंडावर महानगरपालिका टाऊनहॉल जिमखान्याचा विकास करण्यासाठी यापूर्वी एप्रिल 2026 मध्ये प्रस्ताव सादर झाला होता. परंतु, सध्याच्या महापालिका सभागृहाची जागा अपुरी पडत असल्याने टाऊन हॉलच्या जिमखान्यांच्या वास्तूत सभागृह उभारण्याची मागणी सभागृहनेत्यांनी स्थायी समितीत करून हा प्रस्ताव परत पाठवून सभागृहासह नवीन आराखडा बनवून सुधारीत आरखड्यासह सादर करण्याचे निर्देश दिले होते. त्यानुसार सुधारीत आराखड्यानुसार महापालिकेने पुन्हा निविदा मागवून हा प्रस्ताव सादर केला आहे.
मुंबई : मुंबई महानगरपालिकेच्या विविध विभागांमधील विद्युत वापराच्या पद्धतींचे आता सर्वकष मूल्यांकन करण्यात येणार असून यासाठी विजेच्या वापराचा ...
या संकल्पनात्मक सुधारित आरखड्यामध्ये सांस्कृतिक दालन, वाहनतळ, बॅडमिंटन कोर्ट, व्यायामशाळा, इनडोर खेळाकरिता जागा महापौर दालन व कार्यालय, उपमहापौर दालन व कार्यालय, महापालिका विरोधी पक्ष नेता दालन व कार्यालय तसेच प्रशस्त 320 नगरसेवक बसण्या करिता सभागृह, पत्रकार कक्ष आदींचा समावेश केला आहे. या बांधकामांमध्ये तळघर 1 अधिक तळघर 2 अधिक तळमजला आणि वरचे 4 मजले, 5 व्या मजल्याचा अंशतः भाग आणि व्युइंग गॅलरी, टेरेस मजल्यावरील काचेचा घुमट, कार लिफ्ट, कॅप्सूल लिफ्ट, स्टॅक पार्किंग इत्यादींचा समावेश आहे.
त्यामुळे स्थायी समितीने महापालिका सभागृहाचे बांधकाम अंतर्भूत करण्यासाठी हा प्रस्ताव परत पाठवला होता, तोच प्रस्ताव सुधारीत आराखडयानुसार पुन्हा निविदा मागवून सादर करण्यात आलेला आहे. त्यामुळे हा प्रस्ताव मंजूर झाल्यास येत्या दिवाळीनंतर या कामाच्या भूमिपुजनाचा बार उडवून देत प्रत्यक्षात बांधकामाला गती देण्याचा प्रयत्न केला जाईल असे बोलले जात आहे.