Devon Conway Injury: भारताविरुद्धच्या ५ सामन्यांच्या एकदिवसीय (ODI) मालिकेला ४ नोव्हेंबर पासून सुरुवात होणार आहे. परंतु, या पूर्वीच यजमान न्यूझीलंड संघाला मोठा धक्का बसला आहे. कारण सलामीवीर डेव्होन कॉनवे ऑकलंडमधील पहिल्या एकदिवसीय सामन्यातून बाहेर झाला आहे. सरावादरम्यान झालेल्या दुखापतीमुळे (Concussion) त्याला हा निर्णय घ्यावा लागला आहे. त्यामुळे भारत आणि न्यूझीलंड यांच्यातील एकदिवसीय मालिका सुरू होण्यापूर्वीच न्यूझीलंडच्या अडचणी वाढताना दिसत आहेत.
मंगळवारी ईडन पार्कवर न्यूझीलंडच्या सर्व सत्रावेळी, कॉनवेची धडक वेगवान गोलंदाज मॅट हेन्रीशी झाली, ज्यामुळे त्याच्या डोक्याला दुखापत झाली आहे. त्याला रुग्णालयात दाखल करण्यात आले आहे. त्यामुळे त्याला भारताविरुद्धच्या पहिल्या एकदिवसीय सामन्यातून बाहेर पडावे लागले आहे. न्यूझीलंडचे अनेक प्रमुख खेळाडू आधीच दुखापतीमुळे या मालिकेला मुकणार आहेत. आता या यादीत कॉनवेचाही समावेश झाला आहे.
Jiya Shankar Breakup Rumours: 'वेड' फेम अभिनेत्री जिया शंकर नेहमीच चर्चेचा विषय असते. कधी तिच्या ग्लॅमर लूकने तर कधी तिच्या पर्सनल लाईफमुळे. गेल्या अनेक दिवसांपासून जिया ...
या अपघाताची माहिती न्यूझीलंड क्रिकेटने प्रसिद्धीपत्रकाद्वारे जाहीर केली आहे. न्यूझीलंडचे दोन खेळाडू डेव्हन कॉनवे आणि मॅट हेन्री हे सराव सत्रादरम्यान झेल पकडण्याचा प्रयत्न करत असताना यांची एकमेकांशी जोरदार धडक झाली. धडकेनंतर संघाच्या वैद्यकीय पथकाने तातडीने दोन्ही खेळाडूंवर उपचार केले. तसेच त्यांच्या डोक्याला दुखापत झाली आहे का, याचीही तपासणी वैद्यकीय पथकाकडून करण्यात आली. त्यामुळे ४ नोव्हेंबर रोजी भारताविरुद्ध होणाऱ्या पहिल्या एकदिवसीय सामन्यात तो खेळू शकणार नाही.
दरम्यान, या अपघातात जखमी झालेल्या मॅट हेन्रीच्या दुखापतीचे नेमके स्वरूप अद्याप स्पष्ट झालेले नसून पहिल्या एकदिवसीय सामन्यात त्याच्या खेळण्याबाबतही संभ्रम कायम आहे. न्यूझीलंड क्रिकेट संघात डेव्होन कॉनवे हा सलामीवीर तर आहेच त्याचबरोबर तो यष्टीरक्षक म्हणून देखील भूमिका बजावत आहे. जर कॉनवे उपलब्ध नसेल तर, त्याच्या जागी टीम सायफर्ट खेळणाची शक्यता आहे.
न्यूझीलंडच्या दुखापतींचे सत्र काही थांबता थांबेना. याआधी संघाचे दोन महत्त्वाचे खेळाडू मार्क चॅपमन आणि रचिन रवींद्र हे देखील एकदिवसीय मालिकेतून बाहेर झाले आहेत. मार्क चॅपमन हॅमस्ट्रिंगच्या दुखापतीतून सावरत आहे, तर रचिन रवींद्र अद्याप खांद्याच्या दुखापतीतून पूर्णपणे तंदुरुस्त झालेला नाही. त्यामुळे भारताविरुद्धच्या महत्त्वाच्या मालिकेपूर्वी न्यूझीलंडसमोर खेळाडूंच्या उपलब्धतेचे मोठे संकट उभे राहिले आहे.
