अहिल्यानगर: राज्यातील शाळांमध्ये भाषा, गणित आणि इंग्रजी या विषयांसाठी घेण्यात येणारी संकलित मूल्यमापन चाचणी क्रमांक एक आता डिसेंबर महिन्यात होणार आहे. यापूर्वी ही परीक्षा नोव्हेंबर महिन्याच्या शेवटच्या आठवड्यात होणार होती. मात्र, दिवाळीच्या दीर्घ सुट्टीनंतर लगेचच परीक्षा घेतल्यास विद्यार्थ्यांना अभ्यासाची उजळणी करण्यासाठी पुरेसा वेळ मिळणार नाही, तसेच सुट्टीनंतर काही विद्यार्थी शाळेत उशिरा हजर झाल्यास ते परीक्षेपासून वंचित राहण्याची शक्यता होती.
मुंबई: नैसर्गिक आपत्तीमुळे नुकसान झालेल्या मच्छिमारांना केंद्र सरकारने राष्ट्रीय आपत्ती प्रतिसाद निधीच्या (एनडीआरएफ) माध्यमातून दिल्या जाणाऱ्या ...
सर्व बाबींचा विचार करून शिक्षक भारती संघटनेने परीक्षा पुढे ढकलण्याची मागणी शिक्षणमंत्री दादाजी भुसे यांच्याकडे केली होती. शिक्षक भारती संघटनेच्या या मागणीला यश आले असून, आता ही परीक्षा 2, 3 आणि 5 डिसेंबर 2026 रोजी घेण्याचे निश्चित करण्यात आले आहे. यासंदर्भात शिक्षक नेते तथा शिक्षक भारती संघटनेचे राज्यसचिव सुनील गाडगे यांनी सांगितले की, विद्यार्थ्यांचे शैक्षणिक हित लक्षात घेऊन परीक्षांचे वेळापत्रक निश्चित होणे आवश्यक आहे.
मुंबई : महाराष्ट्र राज्य मंत्रिमंडळाच्या बैठकीत विविध विभागांशी संबंधित १२ महत्त्वपूर्ण निर्णय घेण्यात आले आहेत. यात विद्यार्थी, वाहनधारक, आणि ...
दिवाळीच्या दीर्घ सुट्टीनंतर लगेच परीक्षा घेतल्यास विद्यार्थ्यांना अभ्यासाची पुरेशी तयारी करता येणार नाही. तसेच ग्रामीण भागातील अनेक विद्यार्थी सुट्टीनंतर काही दिवस उशिराने शाळेत दाखल होण्याची शक्यता असते. त्यामुळे कोणताही विद्यार्थी परीक्षेपासून वंचित राहू नये आणि सर्व विद्यार्थ्यांना तयारीसाठी पुरेसा वेळ मिळावा, या भूमिकेतून शिक्षक भारतीने ही मागणी केली होती. शिक्षणमंत्र्यांनी शिक्षकांच्या या रास्त मागणीची दखल घेऊन परीक्षा पुढे ढकलण्याचा निर्णय घेतल्याने विद्यार्थी आणि शिक्षकांना दिलासा मिळाला आहे.