Donald Trump Philippines: ट्रम्प यांच्या दौऱ्याला फिलिपिन्समध्ये विरोध; मनिलाच्या रस्त्यांवर आंदोलकांचा गोंधळ

फिलिपिन्सची राजधानी मनिला येथे अमेरिकेचे राष्ट्राध्यक्ष डोनाल्ड ट्रम्प यांच्या प्रस्तावित दौऱ्याविरोधात शेकडो आंदोलक रस्त्यावर उतरले. आसियान शिखर परिषदेकडे जाणारा मोर्चा पोलिसांनी अडवल्यानंतर आंदोलक आणि पोलिसांमध्ये धक्काबुक्की झाली. या आंदोलनामुळे मनिलामध्ये तणावाचे वातावरण निर्माण झाले असून शहरात कडेकोट सुरक्षा व्यवस्था तैनात करण्यात आली आहे.

फिलिपिन्सची राजधानी मनिला रविवारी आंदोलनाने हादरली. अमेरिकेचे राष्ट्राध्यक्ष डोनाल्ड ट्रम्प यांच्या प्रस्तावित दौऱ्याला विरोध करण्यासाठी शेकडो आंदोलक रस्त्यावर उतरले. आसियान शिखर परिषदेच्या ठिकाणाकडे निघालेला हा मोर्चा पोलिसांनी अडवल्यानंतर परिस्थिती चिघळली आणि दोन्ही बाजूंमध्ये जोरदार धक्काबुक्की झाली. काही काळ मनिलाच्या रस्त्यांवर तणावाचे वातावरण निर्माण झाले होते. आसियान देशांच्या नेत्यांची 49 वी शिखर परिषद सध्या मनिलात सुरू आहे. जगभरातील प्रमुख नेते या परिषदेसाठी फिलिपिन्समध्ये दाखल होत आहेत. त्याच पार्श्वभूमीवर ट्रम्प यांच्या दौऱ्याविरोधात हे आंदोलन करण्यात आले.


फिलिपिन्समध्ये लोकशाही, सामाजिक न्याय आणि सामान्य जनतेच्या हक्कांसाठी काम करणाऱ्या विविध संघटना एकत्र येऊन 'न्यू पॅट्रियॉटिक अलायन्स' या नावाने आघाडी तयार करण्यात आली आहे. या आघाडीच्या नेतृत्वाखाली आंदोलकांनी शिखर परिषदेच्या ठिकाणापर्यंत जाण्याचा निर्धार केला होता. सकाळपासूनच आंदोलक मनिलाच्या मुख्य रस्त्यांवर जमू लागले होते. हातात फलक, झेंडे आणि घोषणाबाजी करत ते पुढे सरकत होते. मात्र शिखर परिषदेच्या ठिकाणाजवळ पोहोचताच पोलिसांनी मोठा बंदोबस्त लावून मोर्चा अडवला.






सध्या अमेरिका आणि चीन यांच्यात जागतिक पातळीवर आपला प्रभाव वाढवण्यासाठी तीव्र स्पर्धा सुरू आहे. त्यामुळे दक्षिण-पूर्व आशियाई देशांच्या भूमिकेला विशेष महत्त्व प्राप्त झाले आहे. फिलिपिन्स हा या स्पर्धेतील महत्त्वाचा देश मानला जातो. त्यामुळे ट्रम्प यांच्या दौऱ्याकडे केवळ द्विपक्षीय भेट म्हणून न पाहता जागतिक राजकारणाच्या दृष्टीनेही पाहिले जात आहे. फिलिपिन्सच्या अधिकाऱ्यांनी दिलेल्या माहितीनुसार, आसियान शिखर परिषदेच्या मुख्य बैठका संपल्यानंतर मंगळवारी दुपारी ट्रम्प हे अमेरिकेचे परराष्ट्र मंत्री मार्को रुबियो यांच्यासोबत मनिलात दाखल होण्याची अपेक्षा आहे. याच वेळी मार्कोस आसियान संघटनेचे वार्षिक अध्यक्षपद सिंगापूरकडे सोपवणार आहेत.


अमेरिकेत नुकत्याच झालेल्या मध्यावधी निवडणुकीत ट्रम्प यांच्या रिपब्लिकन पक्षाला मोठा पराभव पत्करावा लागला आहे. अशा राजकीय पार्श्वभूमीवर होत असलेल्या या दौऱ्यामुळे ट्रम्प यांच्यावर सर्व जगाचे लक्ष असणार आहे. ते फिलिपिन्समध्ये काय भूमिका मांडतात, चीनबाबत काय बोलतात आणि प्रादेशिक सुरक्षेबाबत काय आश्वासन देतात, याकडे सर्वांचे लक्ष लागले आहे. दरम्यान, मनिलामध्ये पुढील काही दिवसांत आणखी आंदोलने होण्याची शक्यता आहे. त्यामुळे पोलिसांनी संपूर्ण शहरात कडेकोट सुरक्षा व्यवस्था ठेवली आहे. शिखर परिषदेच्या ठिकाणाभोवती मोठा पोलीस बंदोबस्त तैनात करण्यात आला आहे.

Comments
Add Comment

PM Modi Barong Tagalog : पंतप्रधान मोदींचा फिलिपिन्सच्या 'बॅरोंग टॅगालॉग' पोशाखात रॉयल लूक; 'गाला डिनर'मध्ये वेधले जागतिक नेत्यांचे लक्ष!

अनिवासी भारतीयांना आपुलकीची विचारपूस! मनिला : पंतप्रधान नरेंद्र मोदी (PM Narendra Modi) सध्या तीन दिवसांच्या फिलिपिन्स

महिला डायरेक्टरला 'आळशी' म्हणणं कंपनीला पडलं महागात; रोजगार न्यायालयाचा मोठा निर्णय

Danny Luo Unfair Dismissal Case: यूकेमधील एका एआय कंपनीने एका महिला डायरेक्टरला तिच्या सहकारी संचालकांनी 'अत्यंत आळशी' म्हणत

अमेरिका, रशिया आणि चीनचे राष्ट्रप्रमुख एकाच मंचावर, 19 नोव्हेंबरला शेनझेनमध्ये ऐतिहासिक त्रिपक्षीय बैठक

जगातील तीन प्रमुख अण्वस्त्रधारी देशांचे राष्ट्रप्रमुख प्रथमच एकाच मंचावर येणार आहे. अमेरिकेचे राष्ट्राध्यक्ष

UAE Accident : UAE मधील भीषण अपघातात 14 जणांचा मृत्यू; चार भारतीयांचा समावेश

UAE Accident: संयुक्त अरब अमिरातीतील (UAE) फुजैरा येथे झालेल्या भीषण रस्ते अपघातात 14 जणांचा मृत्यू झाला आहे. मृतांमध्ये चार

ASEAN Summit : पंतप्रधान नरेंद्र मोदी यांच्या मनिला दौऱ्याला सुरुवात; आसियान आणि क्वाड परिषदांमध्ये होणार महत्त्वपूर्ण चर्चा

ASEAN Summit : पंतप्रधान नरेंद्र मोदी सोमवारी दोन दिवसांच्या फिलिपिन्स दौऱ्यावर जाणार आहेत. या दौऱ्यात ते आसियान-भारत

Israel Hamas Conflict : 7 ऑक्टोबर हल्ल्याचा सूत्रधार संपवला? इस्रायलच्या कारवाईने हमास हादरला

जेरुसलेम : मध्यपूर्वेतील संघर्ष पुन्हा एकदा तीव्र झाला असून इस्रायली लष्कराने हमासला सर्वात मोठा धक्का दिला