Pandharpur Special Trains : कार्तिकी वारीसाठी भाविकांना दिलासा, मध्य रेल्वेच्या 36 विशेष गाड्या धावणार

विठुरायाच्या दर्शनासाठी लाखो भाविक पंढरपूरकडे निघाले आहेत. कार्तिकी एकादशीच्या सोहळ्यासाठी होणारी गर्दी लक्षात घेऊन मध्य रेल्वेने मोठा निर्णय घेतला आहे. १७ नोव्हेंबर ते २३ नोव्हेंबर या आठवडाभरात मिरज-लातूर आणि सोलापूर-मिरज मार्गावर एकूण ३६ अनारक्षित विशेष गाड्या चालवण्यात येणार आहेत. भाविकांना पंढरपूरला पोहोचणे सोपे व्हावे, यासाठीच ही विशेष व्यवस्था करण्यात आली आहे.


मिरज ते लातूर - दिवसाची सेवा


सकाळी मिरजेहून सुटणारी गाडी दुपारी लातूरला पोहोचणार आहे. तर दुपारी लातूरहून सुटणारी गाडी रात्री उशिरा मिरजेला परतणार आहे. ही सेवा १७ ते २३ नोव्हेंबर दरम्यान दररोज उपलब्ध असेल. या गाड्या अरग, सलगरे, कवठे महांकाळ, ढालगाव, सांगोला, पंढरपूर, कुर्डुवाडी, बार्शी, धाराशिव, येडशी अशा महत्त्वाच्या स्थानकांवर थांबतील. गर्दी आणखी वाढण्याची शक्यता असल्याने १९ ते २२ नोव्हेंबर दरम्यान रात्रीची आणखी एक जोडी चालवली जाणार आहे. रात्री १० वाजता मिरजेहून निघालेली गाडी पहाटे लातूरला पोहोचेल. तर सकाळी ६ वाजता लातूरहून निघालेली गाडी दुपारी मिरजेला येईल.






सोलापूर - मिरज मार्गावरही गाड्या


सोलापूरहून सकाळी ७ वाजता निघणारी गाडी दुपारी १२.२० वाजता मिरजेला पोहोचेल. तर दुपारी १ वाजता मिरजेहून सुटणारी गाडी सायंकाळी ७.१० वाजता सोलापूरला पोहोचेल. ही सेवा देखील १७ ते २३ नोव्हेंबर दरम्यान दररोज सुरू राहील. मोहोळ, माढा, कुर्डुवाडी, पंढरपूर, सांगोला, कवठे महांकाळ यांसारख्या स्थानकांवर या गाड्यांना थांबा देण्यात आला आहे.


तिकीट कसे काढायचे?


या सर्व गाड्या पूर्णपणे अनारक्षित असतील. प्रत्येक गाडीला १६ सामान्य डबे आणि २ गार्डच्या डब्यासह एकूण १८ डबे असतील. भाविकांना यूटीएस प्रणालीतून किंवा रेलवन अ‍ॅपवरून तिकीट काढता येणार आहे. यासाठी मेल-एक्स्प्रेस गाड्यांचे सामान्य दर लागू होतील. कार्तिकी वारीला दरवर्षी प्रचंड गर्दी होते. त्यामुळे रेल्वेच्या या निर्णयामुळे वारकऱ्यांचा प्रवास अधिक सुखकर आणि सुरक्षित होणार आहे.

Comments
Add Comment

Bharat Gogawale: दुष्काळग्रस्तांना रोजगाराची हमी! पात्र कुटुंबांना कामापासून वंचित ठेवू नका; मंत्री भारत गोगावले यांचे निर्देश

मुंबई: दुष्काळाच्या पार्श्वभूमीवर 'व्हीबी जी राम जी'अंतर्गत घ्यावयाची कामे आणि प्रलंबित देयके यांचा रोहयो

Women Reservation in Cooperative Sector: सहकारात महिलांना 33 टक्के प्रतिनिधित्व, तरुणांसाठीही राखीव जागांचा प्रस्ताव

मुंबई : राज्यातील सहकार क्षेत्राला नवी दिशा देण्याच्या उद्देशाने महाराष्ट्र सरकार नवीन सहकार धोरण जाहीर

MHT CET 2027: विद्यार्थ्यांसाठी मोठी बातमी! 11अभ्यासक्रमांच्या CET परीक्षा दोनदा होणार; संभाव्य वेळापत्रक जाहीर

मुंबई: महाराष्ट्र राज्य सामाईक प्रवेश परीक्षा कक्षाने म्हणजेच सीईटी सेलने शैक्षणिक वर्ष 2027-28 साठी पदवी आणि

Bharat Scouts and Guides: देवेंद्र फडणवीस यांची 13 व्या राष्ट्रीय अध्यक्षपदी बिनविरोध निवड

महाराष्ट्राचे मुख्यमंत्री देवेंद्र फडणवीस यांची 'भारत स्काउट्स अँड गाईड्स'च्या १३ व्या राष्ट्रीय अध्यक्षपदी

Ajit Pawar Tribute: अजितदादांचे विकासाचे स्वप्न पूर्ण करणे हीच खरी श्रद्धांजली! एकनाथ शिंदे भावूक

पुणे:  पुणे येथे केंद्रीय गृह व सहकार मंत्री अमित शहा यांच्या हस्ते स्वर्गीय अजित पवार यांच्या अर्धाकृती

Chipi Airport: चिपी-नवी मुंबई विमानसेवेला 16.74 कोटींचे ‘व्हीजीएफ’ अनुदान

मुंबई(सुहास शेलार): सिंधुदुर्गातील चिपी विमानतळावरून नवी मुंबईसाठी विमानसेवा चालविणाऱ्या ‘जस्ट उडो एव्हिएशन