GTA 6 चा काउंटडाउन संपला! न्यूझीलंडमध्ये गेम अनलॉक; भारतात आज मध्यरात्री गेमर्सची प्रतीक्षा संपणार

13 वर्षांच्या प्रतीक्षेनंतर GTA 6 लॉन्च होत आहे. न्यूझीलंडमध्ये गेम अनलॉक झाला असून भारतीय गेमर्सना 19 नोव्हेंबरच्या मध्यरात्री 12 वाजता PS5 आणि Xbox Series X|S वर खेळता येणार आहे. गेमची भारतातील किंमत, प्री-ऑर्डर आणि विक्रीचे अंदाजही चर्चेत आहेत.

गेमिंग विश्वात मोठी उत्सुकता! तब्बल 13 वर्षांच्या प्रतीक्षेनंतर Rockstar Games चा बहुप्रतीक्षित गेम Grand Theft Auto VI (GTA 6) अखेर लॉन्च होण्याच्या उंबरठ्यावर आहे. न्यूझीलंडमध्ये स्थानिक वेळेनुसार मध्यरात्री गेम अनलॉक झाला असून, भारतीय वेळेनुसार दुपारी 4:30 वाजल्यापासून तेथील गेमर्सना खेळण्याची संधी मिळाली आहे. भारतात मात्र GTA 6 आज, 19 नोव्हेंबरच्या मध्यरात्री 12 वाजता PlayStation 5 आणि Xbox Series X|S वर उपलब्ध होणार आहे. 2013 मध्ये GTA V रिलीज झाल्यानंतर गेमिंग चाहत्यांना Rockstar Games च्या पुढील मोठ्या गेमची प्रतीक्षा होती. आता GTA 6 मुळे ही प्रतीक्षा संपणार आहे. सोशल मीडिया, गेमिंग कम्युनिटी आणि ऑनलाइन प्लॅटफॉर्मवर सध्या GTA 6 चीच चर्चा सुरू आहे. गेमच्या रिलीजपूर्वीच प्री-ऑर्डर आणि कमाईचे मोठे आकडे समोर येत असल्याने गेमिंग विश्वात प्रचंड उत्साह आहे.


Rockstar Games च्या ग्लोबल रोलआउट नियोजनानुसार विविध देशांमध्ये स्थानिक वेळेनुसार मध्यरात्री गेम अनलॉक होणार आहे. त्यामुळे टाइम झोननुसार गेमची उपलब्धता वेगवेगळ्या वेळी असेल. भारतीय गेमर्सना 19 नोव्हेंबरच्या रात्री ठीक 12 वाजता GTA 6 खेळता येणार आहे. म्हणजेच मध्यरात्री घड्याळाचे 12 वाजताच गेमर्स Vice City च्या जगात प्रवेश करू शकतील. Sensor Tower च्या अंदाजानुसार, 16 नोव्हेंबरपर्यंत PlayStation 5 आणि Xbox Series X|S वर GTA 6 चे जवळपास 14.94 मिलियन म्हणजे सुमारे 1.5 कोटी प्री-ऑर्डर्स झाल्या आहेत. या प्री-ऑर्डर्समधून अंदाजे 1.45 बिलियन डॉलरची कमाई झाल्याचा दावा करण्यात आला आहे. यामध्ये PS5 चा वाटा सर्वाधिक असून सुमारे 11.13 मिलियन प्री-ऑर्डर्स PlayStation वर, तर 3.81 मिलियन Xbox वर झाल्याचा अंदाज आहे. मात्र, Rockstar Games किंवा Take-Two Interactive यांनी हे आकडे अधिकृतपणे जाहीर केलेले नाहीत.






भारतीय PlayStation Store वरील उपलब्ध माहितीनुसार GTA 6 च्या Standard Edition ची किंमत 5,999 रुपये, तर Ultimate Edition ची किंमत 7,499 रुपये असल्याचे सांगण्यात आले आहे. हा गेम सुरुवातीला केवळ PlayStation 5 आणि Xbox Series X|S वर उपलब्ध होणार आहे. PC गेमर्सना मात्र गेमच्या PC आवृत्तीसाठी आणखी प्रतीक्षा करावी लागणार आहे. Newzoo च्या अंदाजानुसार, GTA 6 लॉन्चच्या पहिल्या आठवड्यात 37 ते 51 मिलियन कॉपी विकू शकतो. त्यामुळे पहिल्या 7 दिवसांतच 3.25 बिलियन ते 5.2 बिलियन डॉलरपर्यंत व्यवसाय होण्याची शक्यता व्यक्त केली जात आहे. GTA 6 च्या लॉन्चमुळे गेमिंग इतिहासातील अनेक विक्रम मोडले जाण्याची शक्यता असून, जगभरातील गेमर्ससाठी आजची मध्यरात्र खास ठरणार आहे.

Comments
Add Comment

Multibagger Stock : एका दिवसात 233% झेप! या फार्मा शेअरने गुंतवणूकदारांना दिला छप्परफाड परतावा

एखादा स्टॉक कधी आश्चर्यकारक कामगिरी करून गुंतवणूकदारांना श्रीमंत करेल आणि दुसरा कधी त्यांना कंगाल करेल, याचा

Vande Bharat Express : नातेवाईकांना निरोप देण्यासाठी वंदे भारतमध्ये चढले अन् अडकले! 12 जणांना 36,000 रुपयांचा दंड

उत्तर प्रदेश : रेल्वे प्रवासात नातेवाईकांना निरोप देण्यासाठी ट्रेनमध्ये चढणे 12 जणांना चांगलेच महागात पडले.

चातुर्मास संपणार, शुभकार्यांना सुरुवात! देवूठनी एकादशीची तारीख आणि पूजा विधी

Devutthani Ekadashi 2026: कार्तिक महिन्यातील शुक्ल पक्षातील एकादशी तिथीला 'देवउठनी एकादशी' किंवा 'प्रबोधिनी एकादशी' असे म्हणतात.

आयसीसी क्रमवारीत मोठी उलथापालथ! अर्शदीप सिंगची जबरदस्त झेप, तर 'या' नवख्या खेळाडूने रचला जागतिक विक्रम

आंतरराष्ट्रीय क्रिकेट परिषदेने जाहीर केलेल्या ताज्या क्रमवारीत अनेक दिग्गज आणि युवा खेळाडूंनी मोठी झेप घेतली

Pax Silica : सेमीकंडक्टरपासून सुपर इंटेलिजन्सपर्यंत... भारतासह १० देशांचा AI पुरवठा साखळी सुरक्षित करण्याचा ऐतिहासिक निर्णय!

आजच्या डिजिटल युगात कृत्रिम बुद्धिमत्ता (AI) ही केवळ मनोरंजनाची किंवा साधी संगणकीय सुविधा राहिलेली नाही, तर ती

ऑस्ट्रेलियन क्रिकेटमध्ये मोठा भूकंप; कर्णधार पॅट कमिन्सवर फसवणुकीचा आरोप, कॅमरन बेनक्रॉफ्टच्या 5 विधानांनी उडाली खळबळ!

सँडपेपरगेट प्रकरण हे ऑस्ट्रेलियन क्रिकेटच्या इतिहासातील एक काळा अध्याय आहे. या प्रकरणामुळे ऑस्ट्रेलियन