Nitesh Rane : मंत्री नितेश राणे यांच्या अध्यक्षतेखाली महाराष्ट्र सागरी मंडळ संचालक मंडळाची ८९ वी बैठक संपन्न

रखडलेल्या बंदर प्रकल्पांना एक वर्षाची अंतिम मुदत; मुंबई वॉटर मेट्रोला गती देण्याचे मंत्री नितेश राणे यांचे निर्देश

मुंबई : महाराष्ट्रातील दीर्घकाळ रखडलेल्या बंदर प्रकल्पांना काम पूर्ण करण्यासाठी एक वर्षाची अंतिम मुदत देण्याचा निर्णय महाराष्ट्र सागरी मंडळाच्या संचालक मंडळाच्या बैठकीत घेण्यात आला. या कालावधीत काम पूर्ण न झाल्यास संबंधित प्रकल्प रद्द करण्यात येतील, असे मत्स्यव्यवसाय आणि बंदरे मंत्री तथा मंडळाचे अध्यक्ष नितेश राणे यांनी स्पष्ट केले. मुंबई वॉटर मेट्रोसह महत्त्वाकांक्षी सागरी प्रकल्पांना गती देण्याचे निर्देशही त्यांनी दिले.


महाराष्ट्र सागरी मंडळाच्या संचालक मंडळाची 89 वी बैठक 18 नोव्हेंबर रोजी मंडळाच्या कार्यालयात नितेश राणे यांच्या अध्यक्षतेखाली पार पडली. यावेळी परिवहन व बंदरे विभागाचे अपर मुख्य सचिव संजय सेठी, मंडळाचे मुख्य कार्यकारी अधिकारी प्रदीप पी. आणि वित्त विभागाचे उपसचिव सु. सि. पाटील उपस्थित होते.






वारंवार मुदतवाढ देण्यास नकार


काही कंपन्यांना 2018 मध्ये बंदर प्रकल्पांचे कार्यादेश देण्यात आले होते. या प्रकल्पांची मूळ मुदत 2020 पर्यंत होती. मात्र, कोविड काळ आणि पर्यावरणीय मंजुरीच्या प्रक्रियेमुळे त्यांना तीन ते चार वेळा मुदतवाढ देण्यात आली. काही प्रकल्पांना पर्यावरणीय मंजुरी मिळाली असली, तरी खारफुटीशी संबंधित उच्च न्यायालयाची परवानगी अद्याप प्रलंबित असल्याची माहिती बैठकीत देण्यात आली.


यावर बोलताना नितेश राणे यांनी सांगितले की, पर्यावरणीय मंजुरीच्या प्रक्रियेचा आधार घेऊन प्रकल्प अनिश्चित काळासाठी रखडवता येणार नाहीत. वारंवार मुदतवाढ दिल्याने प्रकल्पांचा खर्च, व्यवहार्यता आणि सार्वजनिक उपयोगिता यावर परिणाम होतो. त्यामुळे आता एक वर्षाची अंतिम संधी दिली जाईल. त्यानंतर मुदतवाढीचा प्रस्ताव पुन्हा मंडळासमोर आणू नये, असेही त्यांनी स्पष्ट केले.



मुंबई वॉटर मेट्रो प्रकल्पाला गती देण्याचे निर्देश


मुंबई वॉटर मेट्रो हा महत्त्वाकांक्षी प्रकल्प असून तो वेळेत पूर्ण करण्यासाठी आवश्यक प्रशासकीय आणि तांत्रिक प्रक्रियांना गती द्यावी, असे निर्देश राणे यांनी दिले.


याशिवाय महाराष्ट्र सागरी धोरण 2026 चा मसुदा संचालक मंडळाच्या मान्यतेसाठी सादर करण्यात आला. दिघी येथील मत्स्य उतराई केंद्राच्या निविदा प्रक्रियेवर आणि रेवदंडा येथील रो-रो जेट्टीच्या बांधकाम प्रस्तावावरही बैठकीत चर्चा झाली.



रखडलेल्या प्रकल्पांची यादी सादर करण्याचे आदेश


सर्व विलंबित प्रकल्पांची सविस्तर यादी पुढील बैठकीत सादर करण्याचे निर्देश संबंधित यंत्रणांना देण्यात आले. या यादीत प्रकल्प मंजुरीचे वर्ष, मूळ मुदत, दिलेल्या मुदतवाढी, विलंबाची कारणे, आवश्यक परवानग्यांची सद्यस्थिती आणि कामाची प्रगती यांचा समावेश असेल.


प्रत्येक प्रकल्पाचा स्वतंत्रपणे विचार करण्याऐवजी सर्व प्रलंबित प्रकल्पांचा एकत्रित आढावा घेऊन समान निकषांनुसार निर्णय घेतले जातील, असेही राणे यांनी सांगितले.


Comments
Add Comment

दादर रेल्वे स्थानकाचे नाव लवकरच ‘चैत्यभूमी’ होणार! विधिमंडळ अधिवेशनात आवश्यक पूर्तता करण्याची मुख्यमंत्री देवेंद्र फडणवीस यांची ग्वाही

मुंबई : भारतरत्न डॉ. बाबासाहेब आंबेडकर महापरिनिर्वाण दिनानिमित्त मुंबईतील चैत्यभूमी येथे येणाऱ्या

Nagpur Winter Session: नागपूरमध्ये विधिमंडळाचे हिवाळी अधिवेशन 7 ते 18 डिसेंबरदरम्यान

मुंबई: राज्य विधिमंडळाचे यंदाचे हिवाळी अधिवेशन 7 ते 18 डिसेंबर या कालावधीत नागपूर येथे होणार आहे. बुधवारी

प्रदेशाध्यक्ष रवींद्र चव्हाणांनी घेतली भाजपच्या सर्व मंत्र्यांची बैठक; ‘सेवादूत अभियाना’च्या अंमलबजावणीचा आढावा

मुंबई : भाजपचा संघटनात्मक विस्तार अधिक व्यापक करण्याबरोबरच पक्षसंघटना आणि सरकार यांच्यातील समन्वय

Prahaar Marathi News Live, 18 November 2026 : मुंबईत वॉटर मेट्रो, रो-रो सेवा आणि नवीन जेट्टी! मंत्री नितेश राणे यांच्या बैठकीत मोठे निर्णय

Prahaar Marathi News Live दिनांक 18 नोव्हेंबर 2026 च्या लाईव्ह ब्लॉगमध्ये महाराष्ट्रातील राजकीय घडामोडी, स्थानिक बातम्या,

IPL 2027 Retention: आयपीएल लिलावापूर्वी हेड, मिचेल स्टार्कसह दिग्गजांना दाखवला बाहेरचा रस्ता; पाहा सर्व 10 संघांची यादी

आयपीएल 2027 स्पर्धेच्या लिलावापूर्वी सर्व फ्रेंचायझींनी संघातून रिलीज केलेल्या खेळाडूंची यादी जाहीर केली आहे.

MS Dhoni CSK Mentor : धोनीची नवी इनिंग सुरू! IPL 2027 मध्ये CSK च्या मेंटरपदाची धुरा सांभाळणार

चेन्नई सुपर किंग्सने अधिकृतपणे जाहीर केले आहे की, त्यांचे दिग्गज माजी कर्णधार महेंद्रसिंग धोनी आयपीएल २०२७ च्या