Manipur News : मणिपूरमध्ये लष्कराचे वाहन नदीत कोसळले; कॅप्टनचा मृत्यू, 3 जवान गंभीर जखमी

पोलिसांनी दिलेल्या माहितीनुसार, वाहनात 8 व्या बिहार रेजिमेंटचे जवान होते.

मणिपूर : मणिपूरच्या पूर्व इम्फाळ जिल्ह्यात लष्करी जवानांना घेऊन जाणारे वाहन नदीत कोसळल्याने एका कॅप्टनचा मृत्यू झाला, तर अन्य तीन जवान जखमी झाले. बुधवारी दुपारी सुमारे 2 वाजण्याच्या सुमारास लमलाई चालू परिसरात हा अपघात घडला. पोलिसांनी दिलेल्या माहितीनुसार, वाहनात 8 व्या बिहार रेजिमेंटचे जवान होते.






या अपघातात 29 वर्षीय कॅप्टन हनुमान राम यांच्यासह चार जवान जखमी झाले होते. सर्व जखमींना उपचारासाठी बाबिना रुग्णालयात दाखल करण्यात आले. मात्र, उपचारादरम्यान कॅप्टन हनुमान राम यांचा मृत्यू झाला. अन्य तीन जवानांवर उपचार सुरू असून त्यांची प्रकृती गंभीर असल्याचे सांगण्यात येत आहे.


जखमी जवानांमध्ये शिपाई माळी जयेश हिम्मत (24), शिपाई राकेश सरपेटे (37) आणि अग्निवीर अखिलेश कुमार शाह (19) यांचा समावेश आहे. वाहन नदीत नेमके कशामुळे कोसळले, याबाबत अधिक तपास सुरू आहे.



मणिपूरमध्ये 3 म्यानमार नागरिकांना अटक


दरम्यान, मणिपूरच्या चुराचंदपूर जिल्ह्यात पोलिसांनी एका वेगळ्या कारवाईत 10 किलोहून अधिक संशयित अमली पदार्थ जप्त केले असून, तीन म्यानमार नागरिकांना अटक केली आहे. मंगळवारी बेहियांग गावात ही कारवाई करण्यात आली.


बेहियांग पोलीस ठाण्याच्या पथकाने पावखानपियांग मिलुन (38), लिआनसिअनमिंथांग मिलुन (27) आणि पौखंटुआंग मिलुन (27) यांना ताब्यात घेतले. हे तिघेही म्यानमारमधील रहिवासी असल्याची माहिती पोलिसांनी दिली.



7.4 किलो WY गोळ्या आणि 3 किलो अफू जप्त


पोलिसांनी आरोपींकडून अंदाजे 7.4 किलो WY गोळ्या आणि 3 किलो अफू जप्त केले. याशिवाय तीन मोबाईल फोन आणि दोन केन्बो मोटरसायकलीही जप्त करण्यात आल्या आहेत.


या तिघांविरोधात अमली पदार्थ आणि मनोविकारावर परिणाम करणारे पदार्थ प्रतिबंधक कायदा (NDPS) तसेच परदेशी नागरिक कायद्याच्या संबंधित कलमांनुसार गुन्हा दाखल करण्यात आला आहे. या प्रकरणाचा पुढील तपास सुरू आहे.


Comments
Add Comment

Vande Bharat Express : नातेवाईकांना निरोप देण्यासाठी वंदे भारतमध्ये चढले अन् अडकले! 12 जणांना 36,000 रुपयांचा दंड

उत्तर प्रदेश : रेल्वे प्रवासात नातेवाईकांना निरोप देण्यासाठी ट्रेनमध्ये चढणे 12 जणांना चांगलेच महागात पडले.

Pax Silica : सेमीकंडक्टरपासून सुपर इंटेलिजन्सपर्यंत... भारतासह १० देशांचा AI पुरवठा साखळी सुरक्षित करण्याचा ऐतिहासिक निर्णय!

आजच्या डिजिटल युगात कृत्रिम बुद्धिमत्ता (AI) ही केवळ मनोरंजनाची किंवा साधी संगणकीय सुविधा राहिलेली नाही, तर ती

AI महासत्तेकडे भारताची मोठी झेप! अमेरिका आणि 8 देशांसोबत 'Pax Silica' करार; भारताला काय फायदा?

कृत्रिम बुद्धिमत्ता म्हणजेच AI आता फक्त संगणकापुरता विषय राहिलेला नाही. ती देशाच्या अर्थव्यवस्थेचा आणि

Yogi Aditynath : “भूतकाळ लक्षात ठेवला तरच भविष्य सुरक्षित राहील” : ‘बटेंगे तो कटेंगे’ घोषणेवर मुख्यमंत्री योगी आदित्यनाथ यांचे सविस्तर स्पष्टीकरण

नवी दिल्ली : उत्तर प्रदेशमध्ये (Uttar Pradesh) आगामी विधानसभा निवडणुकांचे वारे वाहू लागले असतानाच, मुख्यमंत्री योगी

झारखंडमधील एनटीपीसी प्रकल्पात कन्व्हेयर बेल्टचा सांगाडा कोसळला, 3 कामगारांचा जागीच मृत्यू

झारखंडमधील चतरा जिल्ह्यातील टंडवा येथे असलेल्या राष्ट्रीय औष्णिक ऊर्जा महामंडळाच्या प्रकल्पात बुधवारी एक

विश्वासाला तडा! नातवानेच 87 वर्षांच्या निवृत्त नौदल अधिकाऱ्याला लुटले, मित्रासोबत मिळून उडवले तब्बल 29.5 लाख रुपये!

ज्या वयात कुटुंबाची साथ आणि प्रेमाची सर्वाधिक गरज असते, त्याच वयात घरच्याच व्यक्तीने विश्वासघात केल्याचा