Varsha Turkar Murder Case : पतीच्या मैत्रिणीच्या हत्येसाठी पत्नीने दिली 13 लाखांची सुपारी; वर्षा तुरकर हत्या प्रकरणाचा उलगडा

पतीचे दुसऱ्या महिलेसोबत प्रेमसंबंध असल्याच्या रागातून पत्नीनेच या महिलेच्या हत्येचा कट रचल्याचा आरोप आहे.

गोंदिया : गोंदिया जिल्ह्यातील बोंडराणी जंगलात झालेल्या वर्षा तुरकर हत्या प्रकरणाचा उलगडा करण्यात पोलिसांना यश आले आहे. पतीचे दुसऱ्या महिलेसोबत प्रेमसंबंध असल्याच्या रागातून पत्नीनेच या महिलेच्या हत्येचा कट रचल्याचा आरोप आहे. या प्रकरणात पोलिसांनी चार आरोपींना अटक केली असून, अन्य दोन आरोपींचा शोध सुरू आहे. ( Gondia Crime News)






दिवाळीसाठी माहेरी आलेल्या वर्षा तुरकर यांची हत्या


मृत वर्षा तुरकर (वय 34) या पुण्यातील धानोरी परिसरात राहत होत्या. दिवाळीच्या सुट्टीनिमित्त त्या मध्यप्रदेशातील बालाघाट जिल्ह्यातील खैरलांजी येथील माहेरी आल्या होत्या. 14 नोव्हेंबर 2026 रोजी त्या आपला मित्र नितेश अग्रवाल याच्यासोबत तिरोडा येथे गेल्या होत्या.


तेथून परतत असताना बोंडराणी येथील शिवमंदिराजवळील जंगल परिसरात सायंकाळी 5.30 ते 6 वाजण्याच्या सुमारास तीन जणांनी त्यांच्यावर हल्ला केला. आरोपींनी वर्षा यांच्या पोटावर आणि पाठीवर चाकूने वार केल्याने त्यांचा मृत्यू झाला. या प्रकरणी 15 नोव्हेंबर रोजी दवनीवाडा पोलीस ठाण्यात अज्ञात आरोपींविरोधात भारतीय न्याय संहितेच्या कलम 103(1) अंतर्गत गुन्हा दाखल करण्यात आला होता.



200 CCTV कॅमेऱ्यांची तपासणी


हत्येचा तपास करताना पोलिसांनी तिरोडा ते खैरलांजी, खैरलांजी ते वाराशिवनी, वाराशिवनी ते बालाघाट आणि बालाघाट ते गोंदिया या मार्गावरील सुमारे 200 CCTV कॅमेऱ्यांचे फुटेज तपासले. या फुटेजमध्ये काही संशयित मोटारसायकलवरून नितेश अग्रवाल यांच्या कारचा पाठलाग करताना दिसून आले.


तांत्रिक विश्लेषण आणि गोपनीय माहितीच्या आधारे पोलिसांनी संशयितांची ओळख पटवली. त्यानंतर गोंदिया येथून इमरान करीम शेख (वय 26) याला ताब्यात घेऊन चौकशी केली. या चौकशीतून हत्येच्या कटाची माहिती समोर आल्याचे पोलिसांनी सांगितले.



13 लाख रुपयांची सुपारी दिल्याचा आरोप


पोलीस तपासानुसार, नितेश अग्रवाल आणि वर्षा तुरकर यांच्यातील प्रेमसंबंधांमुळे नितेशची पत्नी मोना अग्रवाल नाराज होती. याच कारणातून तिने कुणाल कुंभळकर याच्या मदतीने शाहरुख खान पठाण याच्याशी संपर्क साधला. त्यानंतर वर्षा यांच्या हत्येसाठी 13 लाख रुपयांची सुपारी दिल्याचा आरोप आहे.



चार आरोपी अटकेत; दोघांचा शोध सुरू


या प्रकरणात इमरान करीम शेख, शाहरुख खान फिरोज खान पठाण, कुणाल श्यामलाल कुंभळकर आणि मोना नितेश अग्रवाल या चार जणांना अटक करण्यात आली आहे. तर नलिन ऊर्फ नायलान शेख आणि क्रिशा राऊत या अन्य दोन संशयितांचा शोध सुरू असल्याची माहिती पोलिसांनी दिली आहे.


या हत्येमागील कारण आणि कटातील प्रत्येक आरोपीची भूमिका याबाबत पुढील तपास सुरू आहे.


Comments
Add Comment

LPG tanker : ज्वलनशील पदार्थांची अवैध उतराई करणाऱ्यांवर कठोर कारवाई करा- मंत्री प्रताप सरनाईक

मुंबई : एलपीजी, प्रोपिलीन यांसारख्या ज्वलनशील पदार्थांची टँकरमधून ढाबे अथवा अनधिकृत गोदामांमध्ये होणारी उतराई

राज्यात आता ३१० तालुके दुष्काळी - मुख्यमंत्र्यांशी चर्चेनंतर हातकणंगले, गडहिंग्लजचा नव्याने समावेश

मुंबई : राज्यातील दुष्काळी तालुक्यांची संख्या ३१० वर पोहोचली आहे. विक्रमगड, वाडा, दिंडोरी आणि चिपळूण या सोबतच

Chandrashekhar Bawankule : दुष्काळात शेतकऱ्यांना वसुलीसाठी त्रास देणाऱ्या फायनान्स कंपन्यांवर कारवाई -महसूलमंत्री चंद्रशेखर बावनकुळे

मुंबई : राज्यातील दुष्काळी परिस्थिती आणि पाणीटंचाईच्या पार्श्वभूमीवर शेतकऱ्यांना दिलासा देण्यासाठी सरकारने

पोलीस भरतीच्या सरावासाठी राज्यातील मैदाने विनामूल्य उपलब्ध होणार

मुंबई : पोलीस दलात भरती होण्याचे स्वप्न उराशी बाळगून तयारी करणाऱ्या राज्यातील लाखो तरुणांसाठी दिलासादायक

Jalgaon : रेल्वे प्रवाशांसाठी मोठी बातमी ! भुसावळमार्गे धावणाऱ्या नऊ एक्सप्रेसचे मार्ग बदलले

रेल्वेने प्रवास करणाऱ्या प्रवाशांसाठी महत्त्वाची बातमी समोर आली आहे. उत्तर मध्य रेल्वेच्या झाशी विभागातील

Prahaar Marathi News Live, 19 November 2026 : राष्ट्रपती द्रौपदी मुर्मू यांच्याकडे तीन देशांच्या राजदूतांचे ओळखपत्र सादर

Prahaar Marathi News Live दिनांक 19 नोव्हेंबर 2026 च्या लाईव्ह ब्लॉगमध्ये महाराष्ट्रातील राजकीय घडामोडी, स्थानिक बातम्या,