दोन वर्षांनंतर हर्षद अतकरी छोट्या पडद्यावर; 'येतेच आता मी नांदायला'मध्ये साकारणार अभिजीत थोरात

'येतेच आता मी नांदायला' या झी मराठीच्या आगामी मालिकेतून अभिनेता हर्षद अतकरी जवळपास दोन वर्षांनंतर पुन्हा एकदा छोट्या पडद्यावर दिसणार आहे. प्रत्येक कलाकाराला आपल्या अभिनयातील वेगवेगळ्या पैलूंना प्रेक्षकांसमोर आणण्याची इच्छा असते.

Yetach Ata Mi Nandayla: 'येतेच आता मी नांदायला' या झी मराठीच्या आगामी मालिकेतून अभिनेता हर्षद अतकरी जवळपास दोन वर्षांनंतर पुन्हा एकदा छोट्या पडद्यावर दिसणार आहे. प्रत्येक कलाकाराला आपल्या अभिनयातील वेगवेगळ्या पैलूंना प्रेक्षकांसमोर आणण्याची इच्छा असते. काही भूमिका या कलाकारासाठी खास असतात, कारण त्या त्याला काहीतरी नवीन शिकवतात आणि त्याच्या अभिनयाला एक वेगळी ओळख देतात. अशाच एका झी मराठीच्या आगामी मालिकेतून 'येतेच आता मी नांदायला’ मध्ये हर्षद ‘अभिजीत थोरात’ ही व्यक्तिरेखा साकारत आहे. आपल्या या नव्या भूमिकेबद्दल आणि शूटिंगच्या अनुभवाबद्दल हर्षदने मनमोकळेपणाने सांगितले आहे.



हर्षद अतकरी काय म्हणाला?


माझ्या व्यक्तिरेखेचं नाव अभिजीत थोरात आहे. ही व्यक्ती साताऱ्यात लहानाची मोठी झाली आहे. अत्यंत बिनधास्त, बेफिकीर, कोणालाही न जुमानणारा, खूप हुशार, कोणतंही काम करून देणारा आणि आईवर प्रचंड प्रेम करणारा असा हा अभिजीत आहे. झी मराठीसोबत काम करण्याची इच्छा खूप वर्ष पासून होतीच. अनेक शोसाठी होता होता राहिलं. पण या मालिकेसाठी जेव्हा कॉल आला, तेव्हा असं वाटलं की उशिरा का होईना, एक उत्तम प्रोजेक्ट मिळाला. कॉल आला तेव्हा एकाच फोनमध्ये मी होकार दिला. कारण इतकं उत्तम पात्र आणि भूमिका मिळणं हे नशीबच आहे, असे हर्षद म्हणाला.







तर काही भूमिका आपल्याला खूप काही शिकवत असतात. ही भूमिकाही तशीच आहे. भूमिकेच्या तयारीबद्दल सांगायचं झालं तर सगळ्यात आधी सातारी भाषा, तिचा लहेजा आणि बोलण्याची पद्धत शिकलो. सध्या शूटिंगसुद्धा साताऱ्यातच सुरू असल्यामुळे इथल्या लोकांचं निरीक्षण करत आहे. त्याचा या व्यक्तिरेखेसाठी नक्कीच फायदा होतोय.आतापर्यंत केलेल्या भूमिकांपेक्षा ही भूमिका नक्कीच वेगळी आहे, कारण असा रोल मी याआधी कधीच केला नाहीये. गावाकडचा रोल केला असला तरी गावचा रांगडेपणा आणि स्वॅग असलेली भूमिका पहिल्यांदाच करायला मिळतेय. त्याचबरोबर या पात्राच्या खूप वेगवेगळ्या छटा आहेत. खरंतर मी अशा भूमिकेसाठी इतकी वर्षं थांबलो होतो. मी मनापासून आभार मानतो की मला ही भूमिका करण्याची संधी दिली.


जवळपास दोन वर्षांनंतर मी पुन्हा टेलिव्हिजनवर दिसणार आहे आणि तेही याआधी कधीही न केलेल्या व्यक्तिरेखेतून. सुरुवातीला थोडी धाकधूक होती की प्रेक्षक मला अशा भूमिकेत स्वीकारतील का? पण प्रोमोला मिळालेला प्रतिसाद पाहून खूप बरं वाटलं. आतापर्यंत केलेल्या शोजपैकी सगळ्यात छान प्रतिसाद या प्रोमोला आणि माझ्या व्यक्तिरेखेला मिळतोय, असेही हर्षद म्हणाला.


पुढे बोलताना, जसं मी सांगितलं, याआधी असा रोल मी कधीच केला नव्हता. त्यात ज्या मोठ्या स्तरावर प्रोमोचं शूटिंग झालं, तोसुद्धा माझ्यासाठी पहिलाच अनुभव होता. हे शूट करताना मला खूप मजा आली. प्रोमोमध्ये माझ्या व्यक्तिरेखेची एन्ट्री JCB वर डान्स करताना दाखवली आहे. त्यासाठी मी जवळपास दीड तास JCB वर मनसोक्त नाचत होतो!, अश्या भावना हर्षदने व्यक्त केल्या.


हर्षदची दोन वर्षांनंतरची छोट्या पडद्यावरची पुनरागमनाची ही वेळ आणि त्याची आजवर कधीही न पाहिलेली भूमिका यामुळे प्रेक्षकांमध्ये या मालिकेबद्दल उत्सुकता निर्माण झाली आहे. हर्षदने या आधी छोट्या पडद्यावर दुर्वा, सारे तुझ्याचसाठी, कुण्या राजाची गं तू राणी, फुलाला सुगंध मातीचा या मालिकांमधून प्रेक्षकांचे मन जिंकले आहे.

Comments
Add Comment

OM MOVIE REVIEW : 'पुष्पा'लाही मागे टाकणार ? धनुष-ममूटींचा 'OM: Operation Mole' चित्रपटगृहात दाखल; वाचा प्रेक्षकांचा पहिला रिव्ह्यू!

मुंबई : दाक्षिणात्य सिनेसृष्टीतील दिग्गज कलाकार धनुष, ममूटी आणि अभिनेत्री साई पल्लवी यांच्या प्रमुख भूमिका

Bigg Boss 20 Extension: TRP चा धमाका! 'बिग बॉस 20' आणखी 2 ते 4आठवडे वाढणार?

Bigg Boss 20 Extension: सर्वाधिक चर्चेत असणारा रिॲलिटी शो ‘बिग बॉस 20’ बद्दल एक मोठी बातमी समोर येत आहे. 6 सप्टेंबर 2026 रोजी सुरू

Kriti Sanon Dating: लंडन, ग्रीस आणि आता वाढदिवसाची पोस्ट! क्रिती-कबीरच्या नात्याबद्दल चाहत्यांमध्ये उत्सुकता

Kriti Sanon Dating: बॉलीवूड अभिनेत्री क्रिती सॅनॉन सध्या तिच्या चित्रपटांपेक्षा तिच्या वैयक्तिक आयुष्यामुळे जास्त चर्चेत

IFFI 2026 मध्ये मराठी सिनेमाचा डंका! 13 मराठी चित्रपट महोत्सवात झळकणार

गोव्यात 20 ते 28 नोव्हेंबरदरम्यान 57 व्या भारतीय आंतरराष्ट्रीय चित्रपट महोत्सव (इफ्फी) पार पडणार असून यंदाच्या

Samantha Ruth Prabhu news : समंथा प्रभू आणि राज निदिमोरू यांच्या घरी चिमुकल्या 'देव'चे आगमन; पहिला फोटो शेअर करत व्यक्त केला आनंद

मुंबई : लोकप्रिय अभिनेत्री समंथा रूथ प्रभू (Samantha Prabhu) आणि चित्रपट निर्माते राज निदिमोरू (Raj Nidimoru) यांच्या संसारात एका

15 दिवसांत Ramayana ची 1500 कोटींहून अधिकची कमाई; आता 'धुरंधर: द रिव्हेंज' आणि 'दंगल'चा रेकॉर्ड मोडित काढणार

मुंबई: नितेश तिवारी दिग्दर्शित, 'रामायण' चित्रपटाची बॉक्स ऑफिसवर जोरदार चर्चा होताना दिसत आहे. 5 नोव्हेंबर 2026 रोजी