Nashik Kumbh Mela : सिंहस्थ कुंभमेळ्यासाठी 4 हजार CCTV कॅमेऱ्यांचे जाळे, सुरक्षा आणि गर्दी नियंत्रणासाठी प्रशासनाचा मोठा प्लॅन

कुंभमेळ्याच्या काळात सीसीटीव्ही यंत्रणेवर प्रभावी देखरेख ठेवण्यासाठी सर्व कॅमेरे कमांड अँड कंट्रोल यंत्रणेशी जोडण्याचे नियोजन आहे. यामुळे गर्दीवर लक्ष ठेवणे, वाहतुकीचे नियमन करणे आणि आपत्कालीन परिस्थितीत तातडीने प्रतिसाद देणे अधिक सुलभ होणार आहे.

Nashik Kumbh Mela : आगामी सिंहस्थ कुंभमेळ्याच्या पार्श्वभूमीवर नाशिक आणि त्र्यंबकेश्वरमध्ये भाविकांच्या सुरक्षेसाठी प्रशासनाने तयारीला वेग दिला आहे. कुंभमेळ्यादरम्यान लाखो भाविक दाखल होण्याची शक्यता असल्याने गर्दीचे नियोजन, वाहतूक नियंत्रण आणि सुरक्षेच्या दृष्टीने आधुनिक तंत्रज्ञानाचा वापर केला जाणार आहे. यासाठी नाशिक आणि त्र्यंबकेश्वर परिसरात सुमारे ४ हजार सीसीटीव्ही कॅमेरे बसविण्याचे काम सुरू असून, या संपूर्ण यंत्रणेचे तांत्रिक मूल्यांकन करण्यात येणार आहे.


यासंदर्भात कुंभमेळा आयुक्त शेखर सिंह यांनी महापालिका आयुक्त आणि नाशिक म्युनिसिपल स्मार्ट सिटी डेव्हलपमेंट कॉर्पोरेशनच्या मुख्य कार्यकारी अधिकाऱ्यांना शनिवारी (दि. २१) बैठकीसाठी बोलावले आहे. या बैठकीत सीसीटीव्ही यंत्रणा आणि ऑप्टिकल फायबर केबल (OFC) नेटवर्कच्या कामांचा सविस्तर आढावा घेतला जाणार आहे.



सीसीटीव्ही आणि नेटवर्क कनेक्टिव्हिटीची तपासणी


सिंहस्थ कुंभमेळ्यासाठी सुरक्षेच्या दृष्टीने सीसीटीव्ही कॅमेरे, ओएफसी नेटवर्क आणि बॅकहॉल कनेक्टिव्हिटीची कामे हाती घेण्यात आली आहेत. कुंभमेळा प्राधिकरण, महापालिका आणि स्मार्ट सिटी कंपनीच्या माध्यमातून सुरू असलेल्या या कामांची कार्यक्षमता तपासली जाणार आहे. यामध्ये सध्या अस्तित्वात असलेले ओएफसी मार्ग, नेटवर्कची क्षमता, कनेक्टिव्हिटी, सीसीटीव्ही कॅमेऱ्यांची ठिकाणे, त्यांची कार्यस्थिती आणि नियंत्रण कक्षाशी असलेली जोडणी यांची पाहणी केली जाणार आहे. तसेच प्रमुख रस्ते, घाट, गर्दीची ठिकाणे, वाहतूक जंक्शन, पार्किंग क्षेत्रे आणि संवेदनशील भागांमध्ये आणखी कॅमेरे बसविण्याची आवश्यकता आहे का, याचाही आढावा घेतला जाणार आहे.






कमांड अँड कंट्रोल यंत्रणेशी जोडणार


कुंभमेळ्याच्या काळात सीसीटीव्ही यंत्रणेवर प्रभावी देखरेख ठेवण्यासाठी सर्व कॅमेरे कमांड अँड कंट्रोल यंत्रणेशी जोडण्याचे नियोजन आहे. यामुळे गर्दीवर लक्ष ठेवणे, वाहतुकीचे नियमन करणे आणि आपत्कालीन परिस्थितीत तातडीने प्रतिसाद देणे अधिक सुलभ होणार आहे. यासाठी ओएफसी रूट मॅप, नेटवर्क टोपोलॉजी, कॅमेऱ्यांची ठिकाणे आणि संबंधित पायाभूत सुविधांची माहिती सादर करण्याच्या सूचना देण्यात आल्या आहेत. याशिवाय अतिरिक्त बँडविड्थ, नेटवर्क उपकरणे आणि इतर तांत्रिक सुविधांची गरजही तपासली जाणार आहे.



स्मार्ट सिटी डेटा सेंटरमध्ये आधुनिक सुविधा


स्मार्ट सिटीच्या डेटा सेंटरमध्ये प्रायव्हेट ५जी, मॅनेज्ड वाय-फाय, पीटीटीएक्स, सीसीटीव्ही डेटा आणि इतर आयटी सुविधा उपलब्ध करून देण्याचे नियोजन आहे. त्यासाठी आवश्यक सर्व्हर रॅक आणि तांत्रिक पायाभूत सुविधांची उपलब्धताही तपासली जाणार आहे. एकूणच, आगामी सिंहस्थ कुंभमेळ्यात लाखो भाविकांची सुरक्षितता सुनिश्चित करण्यासाठी नाशिक प्रशासनाकडून तंत्रज्ञानाधारित सुरक्षा व्यवस्था उभारण्यावर भर दिला जात आहे. त्यामुळे कुंभमेळ्यादरम्यान शहरातील गर्दी, वाहतूक आणि सुरक्षेचे व्यवस्थापन अधिक प्रभावी करण्याचा प्रशासनाचा प्रयत्न असणार आहे.

Comments
Add Comment

Revenue Department : दोन लाखांवरील रोख व्यवहारांची माहिती आता आयकर विभागाला जाणार, महसूल विभागाचा निर्णय

मुंबई : जमीन किंवा मालमत्तेच्या खरेदी-विक्री व्यवहारात दोन लाख रुपये किंवा त्यापेक्षा अधिक रक्कम रोखीने दिल्यास

सैनिकी शाळांतील प्रवेश आता केवळ गुणवत्तेच्या आधारेच; मुख्यमंत्री फडणवीस यांचे निर्देश

राज्यातील सैनिकी शाळांमध्ये पारदर्शक, उत्तरदायी आणि गुणवत्तापूर्ण व्यवस्था निर्माण करण्यावर नव्या धोरणात भर

India Electric Ship : भारतातील पहिल्या इलेक्ट्रिक हायड्रोफॉइल जहाजाची महाराष्ट्रात यशस्वी चाचणी- मंत्री नितेश राणे यांनी दिली माहिती

मुंबई : जलवाहतुकीसाठी पर्यावरणपूरक आणि आधुनिक तंत्रज्ञानाचा वापर करण्याच्या दिशेने महाराष्ट्राने महत्त्वाचे

Pune Cyber Crime : विश्वास नांगरे पाटील यांच्या नावाचा गैरवापर; पुण्यातील महिला डॉक्टरची 3 लाखांची फसवणूक

पुणे : सायबर गुन्हेगारांकडून नागरिकांची फसवणूक करण्यासाठी वेगवेगळ्या पद्धतींचा वापर केला जात आहे. आता वरिष्ठ

IBPS Mains Result 2026 : IBPS PO मुख्य परीक्षेचा निकाल जाहीर; 7,565 पदांसाठी भरती, पात्र उमेदवारांना मुलाखतीची संधी

Education News: बँकिंग क्षेत्रात नोकरीच्या शोधात असलेल्या उमेदवारांसाठी महत्त्वाची बातमी आहे. इन्स्टिट्यूट ऑफ बँकिंग

जमीन व्यवस्थापन, पायाभूत सुविधा आणि कृषी उत्पादकतेवर भर; मुख्यमंत्री फडणवीसांची नीती आयोगासोबत बैठक

महाराष्ट्राच्या सर्वांगीण विकासासाठी दीर्घकालीन नियोजन, जमिनीचे योग्य व्यवस्थापन, पायाभूत सुविधा