Nashik MHADA Lottery : नाशिकमध्ये 17 लाखांपासून हक्काचे घर ! म्हाडाची 111 घरे सोडतीशिवाय मिळणार

या घरांसाठी अर्ज करताना १० हजार रुपये अनामत रक्कम भरावी लागणार आहे. तर अर्ज शुल्क ७०८ रुपये निश्चित करण्यात आले आहे. त्यामुळे नाशिकमध्ये स्वतःचे घर घेऊ इच्छिणाऱ्या आणि अल्प उत्पन्न गटात मोडणाऱ्या नागरिकांसाठी ही एक महत्त्वाची संधी ठरणार आहे.

नाशिक : स्वतःच्या घराचे स्वप्न पाहणाऱ्या नाशिककरांसाठी आनंदाची बातमी आहे. म्हाडाच्या नाशिक मंडळाने सर्वसामान्यांसाठी परवडणाऱ्या दरात घरे उपलब्ध करून दिली आहेत. विशेष म्हणजे, या घरांसाठी कोणतीही सोडत काढली जाणार नाही. ‘प्रथम येणाऱ्यास प्रथम प्राधान्य’ या तत्त्वावर या घरांची विक्री केली जाणार आहे. १७ लाखांपासून २१ लाख रुपयांपर्यंतच्या किमतीत एकूण १११ घरे खरेदी करण्याची संधी नागरिकांना मिळणार आहे.



सोडतीची प्रतीक्षा संपली, थेट घर खरेदीची संधी


म्हाडाच्या नाशिक मंडळाला पाथर्डी शिवार, म्हसरूळ शिवार, चेहडी शिवार आणि दसक शिवार या भागांमध्ये २० टक्के सर्वसमावेशक गृहनिर्माण योजनेअंतर्गत घरे उपलब्ध झाली होती. यापूर्वी या घरांची विक्री सोडतीच्या माध्यमातून करण्यात आली होती. मात्र, दोनपेक्षा अधिक वेळा सोडत काढूनही काही घरे विक्रीविना रिक्त राहिली. त्यामुळे आता या शिल्लक घरांची विक्री ‘प्रथम येणाऱ्यास प्रथम प्राधान्य’ या तत्त्वावर करण्याचा निर्णय म्हाडाने घेतला आहे. त्यानुसार गुरुवारपासून १११ घरांच्या विक्री प्रक्रियेला सुरुवात झाली आहे. एखाद्या घरासाठी सर्वात आधी अर्ज करून आवश्यक अनामत रक्कम भरणाऱ्या पात्र अर्जदाराला घर वितरित केले जाणार आहे.



अर्ज कसा करायचा ? पात्रता काय ?


१९ ते २२ नोव्हेंबरदरम्यान अर्जविक्री आणि अर्जस्वीकृती प्रक्रिया राबवली जाणार आहे. अर्ज सादर केल्यानंतर ४८ तासांच्या आत घराच्या एकूण किमतीच्या एक टक्का रक्कम भरणे अर्जदारासाठी बंधनकारक असणार आहे. ही घरे अल्प उत्पन्न गटासाठी राखीव असल्याने ज्या कुटुंबांचे वार्षिक उत्पन्न ९ लाख रुपयांपर्यंत आहे, त्यांनाच या योजनेसाठी अर्ज करता येणार आहे. इच्छुक नागरिकांना म्हाडाच्या अधिकृत संकेतस्थळावरून अर्ज करता येईल. त्याचबरोबर उपलब्ध घरांची माहिती आणि अर्ज प्रक्रियेचे तपशीलही या संकेतस्थळावर मिळणार आहेत.


अधिकृत संकेतस्थळ : https://bookmyhome.mhada.gov.in







कोणत्या परिसरात किती घरे ? किंमत किती ?


म्हाडाच्या नाशिक मंडळाने चार वेगवेगळ्या परिसरांमध्ये ही १११ घरे उपलब्ध करून दिली आहेत.


पाथर्डी गाव - ४८ घरे : लाईफ ३६० प्रकल्पातील या घरांचे क्षेत्रफळ ४२.७० ते ४६.०२ चौरस मीटर आहे. घरांची किंमत १९ लाख २८ हजार ३३२ रुपयांपासून २० लाख ३६ हजार ६४४ रुपयांपर्यंत आहे.


म्हसरूळ गाव - ३० घरे : येथील घरांचे क्षेत्रफळ ३९.५९ चौरस मीटर असून प्रत्येक घराची किंमत १६ लाख ८९ हजार १५६ रुपये आहे.


चेहडी - १० घरे : साई सृष्टी प्रकल्पातील या घरांचे क्षेत्रफळ ४५.०६ चौरस मीटर आहे. प्रत्येक घराची किंमत २१ लाख १६ हजार ६८६ रुपये आहे.


दसक शिवार - २३ घरे : येथील घरांचे क्षेत्रफळ ४३.८९ ते ६०.९७ चौरस मीटर असून घरांची किंमत १७ लाख ६९ हजार ३२३ ते १८ लाख ४४ हजार ३४३ रुपये आहे.



अनामत रक्कम आणि अर्ज शुल्क किती ?


या घरांसाठी अर्ज करताना १० हजार रुपये अनामत रक्कम भरावी लागणार आहे. तर अर्ज शुल्क ७०८ रुपये निश्चित करण्यात आले आहे. त्यामुळे नाशिकमध्ये स्वतःचे घर घेऊ इच्छिणाऱ्या आणि अल्प उत्पन्न गटात मोडणाऱ्या नागरिकांसाठी ही एक महत्त्वाची संधी ठरणार आहे. सोडतीची प्रतीक्षा न करता थेट अर्ज आणि अनामत रक्कम भरून घर मिळवण्याची ही संधी असल्याने इच्छुकांनी अर्ज करण्यापूर्वी म्हाडाच्या अधिकृत संकेतस्थळावर उपलब्ध अटी व नियम तपासणे आवश्यक आहे.

Comments
Add Comment

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा

Thane News : अनधिकृत गौण खनिज उत्खनन भोवले; ठाण्यात 52 जणांसह कंपन्यांवर गुन्हे दाखल करण्याचे आदेश

Thane News: ठाणे तालुक्यात अनधिकृत गौण खनिज उत्खनन, साठवणूक आणि वाहतूक केल्याप्रकरणी दंडाची रक्कम न भरणाऱ्या 52 जणांवर

Food And Drug Administration : FDA ची राज्यभरात मोठी कारवाई; 7 महिन्यांत 152.65 कोटींचा अन्नसाठा जप्त, 1,688 जणांना अटक

मुंबई : राज्यातील अन्नपदार्थांची गुणवत्ता आणि सुरक्षितता राखण्यासाठी अन्न व औषध प्रशासनाने (FDA) मोठी कारवाई केली

पाणीटंचाईग्रस्त गावांना टँकरद्वारे तातडीने पाणीपुरवठा करा, मंत्री गुलाबराव पाटील यांचे निर्देश

राज्यात संभाव्य दुष्काळसदृश परिस्थितीचे सावट लक्षात घेता राज्य सरकार आता अलर्ट मोडवर आले आहे. ज्या गावांमध्ये

Mahavitaran : महावितरणची राज्यभरात मोठी कारवाई, 3 दिवसांत 250 वीजचोरीची प्रकरणे उघड, 6.27 कोटींचा गैरवापर उघड

मुंबई  : राज्यात वीजचोरी आणि अनधिकृत वीज वापराविरोधात महावितरणने विशेष मोहीम राबवली आहे. या मोहिमेत अवघ्या 3

रावणाचे उदात्तीकरण आणि प्रभू श्रीरामांचा अपमान खपवून घेणार नाही, हिंदु जनजागृती समिती आक्रमक

नुकत्याच प्रदर्शित झालेल्या 'रामायण' चित्रपटात मूळ कथेचा विपर्यास करून रावणाचे उदात्तीकरण आणि प्रभू श्रीराम,