Nashik : नाशिक महापालिकेतील राजकीय सस्पेन्स संपला ! 10 स्वीकृत नगरसेवकांची नावे जाहीर, महापालिकेत भाजपचे वर्चस्व

नाशिक : नाशिक महापालिकेतील स्वीकृत नगरसेवकांच्या नियुक्तीचा अनेक दिवसांपासून सुरू असलेला राजकीय सस्पेन्स अखेर संपला आहे. न्यायालयीन लढाई, पक्षांतर्गत मतभेद आणि नियुक्ती प्रक्रियेतील विलंबानंतर आज (दि. २० नोव्हेंबर) दहा स्वीकृत नगरसेवकांच्या नावांवर शिक्कामोर्तब करण्यात आले. महापौर हिमगौरी आडके-आहेर यांच्या अध्यक्षतेखाली झालेल्या महासभेत या नियुक्त्यांची अधिकृत घोषणा करण्यात आली.



महासभेत महापौरांकडून नावांची घोषणा


आज दुपारी दोन वाजता महापालिकेची महासभा आयोजित करण्यात आली होती. सभेच्या सुरुवातीला दिवंगत व्यक्तींना श्रद्धांजली अर्पण करण्यात आली. त्यानंतर सभेपुढील पहिलाच विषय स्वीकृत नगरसेवकांच्या नियुक्तीचा मांडण्यात आला. नगरसचिव संजय नेरकर यांनी नियुक्तीसंदर्भातील प्रस्तावाचे वाचन केले. विभागीय आयुक्त कार्यालयाकडे नोंदणी असलेल्या पक्ष आणि आघाड्यांच्या अधिकृत गटनेत्यांकडून प्राप्त झालेल्या नावांची छाननी तसेच आवश्यक कागदपत्रांची पडताळणी पूर्ण झाल्यानंतर हा प्रस्ताव महासभेसमोर ठेवण्यात आला होता. त्यानंतर महापौर हिमगौरी आडके-आहेर यांनी दहा स्वीकृत नगरसेवकांची नावे जाहीर केली.



भाजपचे ६, तर इतर आघाड्यांचे ४ सदस्य


या नियुक्त्यांमध्ये भाजपने सर्वाधिक सहा जागा मिळवल्या आहेत. तर शिवसेना-मनसे शहर विकास आघाडीला दोन आणि उबाठा व काँग्रेस शहर विकास आघाडीला दोन जागा मिळाल्या आहेत.


नवनियुक्त स्वीकृत नगरसेवकांची संपूर्ण यादी


भाजप (६)


1. अजित चव्हाण


2. हेमंत धात्रक


3. संदीप लेनकर


4. रोहिणी नायडू


5. रामहरी संभेराव


6. चंद्रशेखर पंचाक्षरी


शिवसेना-मनसे शहर विकास आघाडी (२)


1. विनायक आढाव


2. चंद्रकांत लवटे


उबाठा आणि काँग्रेस शहर विकास आघाडी (२)


1. हेमंत गायकवाड


२. बाबासाहेब गायकवाड



नवनियुक्त सदस्यांचा महासभेत सत्कार


स्वीकृत नगरसेवकांच्या नावांची घोषणा होताच सभागृहात टाळ्यांचा कडकडाट झाला. उपस्थित नगरसेवकांनी नवनियुक्त सदस्यांचे स्वागत केले. यावेळी महापौर हिमगौरी आडके-आहेर, महापालिका आयुक्त मनीषा खत्री आणि उपमहापौर विलास शिंदे यांनी नवनियुक्त सदस्यांना व्यासपीठावर बोलावून त्यांचे अभिनंदन केले आणि सत्कार केला. दरम्यान, नाशिक महापालिकेतील स्वीकृत नगरसेवकांच्या नियुक्तीमुळे गेल्या काही महिन्यांपासून सुरू असलेल्या राजकीय चर्चांना अखेर पूर्णविराम मिळाला आहे.

Comments
Add Comment

BMC Action : मालाड येथील नाहर नगर मार्गाचे रुंदीकरण,अडथळा आणणारी १७ बांधकामे हटवली, ‘पी पश्चिम’ विभागाची कारवाई

मुंबई (विशेष प्रतिनिधी): पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी,

Drug Department : औषध विभागाची सात महिन्यांत मोठी कारवाई; 17.73 कोटींचा साठा जप्त, 555 परवाने रद्द

मुंबई : अन्न व औषध प्रशासनाच्या (FDA) औषध विभागाने 1 एप्रिल ते 31 ऑक्टोबर 2026 या सात महिन्यांच्या कालावधीत राज्यभरातील

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा