IND vs NZ: तिसऱ्या दिवसअखेर भारतीय संघाची 118 धावांची मजबूत आघाडी, गिलचं शतक अवघ्या 2 धावांनी हुकलं

भारत न्यूझीलंड पहिल्या कसोटी सामन्यातील तिसऱ्या दिवसाचा खेळ संपला. भारताने तिसऱ्या दिवसअखेर 4 गडी गमवून 486 धावा केल्या आणि 118 धावांची मजूबत आघाडी घेतली.

IND vs NZ: : भारताने न्यूझीलंडविरुद्धच्या पहिल्या कसोटी सामन्यातील पहिल्या डावात अपेक्षेप्रमाणे कामगिरी केली आहे. पहिल्या डावात न्यूझीलंडने फलंदाजी करताना 368 धावा केल्या होत्या. त्यामुळे भारतासाठी हे खडतर आव्हान ठरू शकतं असं वाटलं होतं. कारण न्यूझीलंडच्या भूमीत वेगवान गोलंदाजीच्या माऱ्याला सामोरं जाणं वाटतं तितकं सोपं नाही. पण हे सर्व अंदाज भारतीय फलंदाजांनी फोल ठरवले. दुसऱ्या दिवसाचा खेळ संपला तेव्हा भारताने 1 गडी गमवून 159 धावा केल्या होत्या. तसेच 209 धावांनी भारतीय संघ पिछाडीवर होता. त्यामुळे तिसऱ्या दिवशी काय होतं? याकडे क्रीडाप्रेमींचं लक्ष लागून होतं. असं असताना केएल राहुल, देवदत्त पडिक्कल, कर्णधार शुभमन गिल आणि विकेटकीपर फलंदाज ऋषभ पंत यांनी साजेशी कामगिरी केली आणि टीम इंडियाला संकटातून बाहेर काढलं. इतकंच काय तिसऱ्या दिवसअखेर भारताने 4 गडी गमवून 486 धावा केल्या असून 118 धावांची आघाडी घेतली आहे. चौथ्या दिवशी या धावात आणखी भर पडणार यात काही शंका नाही. भारताने पहिल्या डावात 200 पार धावांची आघाडी घेतली तर हा सामना जिंकण्याची संधी वाढेल.






केएल राहुलचं शतक, तर कर्णधार शुभमन गिल कमनशिबी


न्यूझीलंडविरुद्ध तिसऱ्या दिवशी केएल राहुल आणि देवदत्त पडिक्कल ही जोडी उतरली. या जोडीने खेळपट्टीवर चांगला जम बसवला आणि न्यूझीलंडच्या गोलंदाजांना घाम फोडला. पण देवदत्त पडिक्कल 175 चेंडूत 80 धावांची खेळी करून बाद झाला. त्याने केएल राहुलससोबत 165 धावांची भागीदारी केली. त्यानंतर केएल राहुल आणि शुभमन गिल यांची जोडी जमली. या जोडीने तिसऱ्या विकेटसाठी 91 धावांची भागीदारी केली. या दरम्यान केएल राहुलने न्यूझीलंडच्या भूमीवर पहिलं शतक ठोकलं. केएल राहुलने 290 चेंडूंचा सामना केला आणि 136 धावा केल्या. या खेळीत त्याने 9 चौकार आणि 2 षटकार मारले. सेना देशांविरुद्ध सलामीवीर म्हणून शतक ठोकणारा पहिला भारतीय फलंदाज होण्याचा मानही मिळवला.


दुसरीकडे, कर्णधार शुभमन गिल कमनशिबी ठरला. खरं तर शुभमन गिलचं शतक आरामात होईल असं वाटलं होतं. पण त्याचा खेळ 98 धावांवर आटोपला. त्याने 146 चेंडूंचा सामना केला आणि 9 चौकार आणि 2 षटकारांच्या मदतीने 98 धावा केल्या. त्याचं शतक अवघ्या 2 धावांनी हुकलं. जेकब डफीच्या गोलंदाजीवर क्लिन बोल्ड झाला आणि तंबूत परतला. दरम्यान, विकेटकीपर फलंदाज ऋषभ पंतला लय सापडल्याचं दिसून आलं. त्याने संघावरील कमी झाल्याचं पाहून थोडा आक्रमक खेळ केला. त्याने 62 चेंडूत 5 चौकार आणि 2 षटकार मारत नाबाद 55 धावांची खेळी केली. चौथ्या दिवशी त्याच्याकडून मोठ्या खेळीची अपेक्षा आहे. तर अंशुल कंबोज 2 चेंडूचा सामना करून नाबाद 0 धावांवर आहे.

Comments
Add Comment

IND vs NZ: केएल राहुलचं न्यूझीलंडमध्ये ऐतिहासिक शतक, अशी कामगिरी करणारा पहिला भारतीय फलंदाज

मुंबई: वेलिंग्टनमधील बेसिन रिझर्व्ह मैदानात न्यूझीलंडविरुद्धच्या पहिल्या कसोटी सामन्यात भारताने जोरदारा

Asia Cup Rising Stars 2026: भारताने साखळी फेरीच्या पहिल्याच सामन्यात नेपाळला लोळवलं, तिलक-कुशाग्रची शतकी खेळी

रायझिंग स्टार्स आशिया कप स्पर्धेच्या पहिल्याच सामन्यात भारताने आपला विजयी ठसा उमटवला. नेपाळने नाणेफेकीचा कौल

Rising Stars Asia Cup: वनडे फॉरमेटच्या पहिल्याच परीक्षेत अभिषेक शर्मा नापास; अवघ्या 13 चेंडूंतच डाव आटोपला!

अभिषेक शर्मा टी20 फॉरमेटमधील सर्वोत्तम फलंदाज आहे. हे त्याने आपल्या फलंदाजीने सिद्ध करून दाखवलं आहे. त्यामुळे

दुसऱ्या कसोटी सामन्यात पाकिस्तानने श्रीलंकेला 8 गडी राखून नमवलं, WTC गुणतालिकेत झाला असा बदल

श्रीलंका आणि पाकिस्तान यांच्यात दोन सामन्यांची कसोटी मालिका पार पडली. ही मालिका पाकिस्तानने 1-0 ने जिंकली. पहिला

Asia Cup Rising Stars 2026 : नाणेफेक नेपाळने जिंकली आणि भारताच्या वाटेला प्रथम फलंदाजी, कर्णधार तिलक वर्मा म्हणाला...

आशिया कप रायझिंग स्टार्स 2026 स्पर्धेत भारत ए आणि नेपाळ आमनेसामने आले आहे. साखळी फेरीत भारताचा पहिलाच सामना असून

IND vs NZ 1st Test: केएल राहुल-यशस्वी जयस्वालचं न्यूझीलंडला जोरदार प्रत्युत्तर, 10 वर्षानंतर न्यूझीलंडने पाहिला असा दिवस

[caption id="attachment_1077112" align="aligncenter" width="800"] भारत आणि न्यूझीलंड यांच्यात पहिला कसोटी सामना वेलिंग्टनमध्ये खेळला जात आहे.