दुसऱ्या कसोटी सामन्यात पाकिस्तानने श्रीलंकेला 8 गडी राखून नमवलं, WTC गुणतालिकेत झाला असा बदल

पाकिस्तानने श्रीलंकेविरुद्धची कसोटी मालिका 1-0 ने आपल्या खिशात घातली आहे. दुसऱ्या कसोटी सामन्यात पाकिस्तानने श्रीलंकेला 8 गडी राखून पराभूत केलं. यासह वर्ल्ड टेस्ट चॅम्पियनशिप गुणतालिकेत बदल पाहायला मिळाला आहे.

श्रीलंका आणि पाकिस्तान यांच्यात दोन सामन्यांची कसोटी मालिका पार पडली. ही मालिका पाकिस्तानने 1-0 ने जिंकली. पहिला कसोटी सामना ड्रॉ झाला होता. तर दुसऱ्या कसोटी सामन्यात पाकिस्तानने श्रीलंकेला 8 गडी राखून पराभूत केलं. दुसऱ्या कसोटी सामन्यात नाणेफेकीचा कौल पाकिस्तानच्या बाजूने लागला आणि प्रथम गोलंदाजी स्वीकारली. हा निर्णय योग्यच ठरला असं म्हणावं लागेल. कारण पहिल्या डावात श्रीलंकेची दाणादाण उडली. श्रीलंकेचा संपूर्ण संघ अवघ्या 98 धावांवर बाद झाला. तर पाकिस्तानने पहिल्या डावात 325 धावा करत 227 धावांची आघाडी घेतली. पाकिस्तानची आघाडी मोडून काढण्याचं मोठं आव्हान श्रीलंकेपुढे होते. श्रीलंकेने दुसऱ्या डावात 316 धावा केल्या आणि 89 धावा केल्या. यासह पाकिस्तानला दुसऱ्या डावात विजयासाठी 90 धावंचं आव्हान मिळालं. पाकिस्तानने हे आव्हान 2 गडी गमवून पूर्ण केलं.



पाकिस्तानचा कर्णधार बाबर आझम म्हणाला की...


पाकिस्तानचा कर्णधार बाबर आझम म्हणाला की, 'आम्ही ड्रेसिंग रूममध्ये असे वातावरण टिकवून ठेवण्याचा निश्चय केला होता, जिथे कोणीही घाबरत नाही आणि प्रत्येकजण विश्वास ठेवत राहतो. कधीकधी गोष्टी तुमच्या मनाप्रमाणे घडतात, तर कधीकधी त्या तुमच्या हातून निसटतात. तुम्हाला स्थिर आणि एकाग्र राहावे लागते, आणि जर गोष्टी तुमच्या हातातून निसटत असतील, तर त्या परत कशा आणायच्या याचा मार्ग तुम्हाला शोधावा लागतो. हे तेव्हाच शक्य आहे जेव्हा तुम्ही एकजूट राहता. मला वाटते की या संघाने ते खूप चांगल्या प्रकारे केले. प्रत्येकाने दबावाखाली आपली भूमिका पार पाडली आणि संपूर्ण सामन्यात आम्हाला काही उत्कृष्ट कामगिरी पाहायला मिळाली. अब्बास उत्कृष्ट होता आणि रिझवानचे यष्टीरक्षण अपवादात्मक होते.' बाबर आझम पुढे म्हणाला की, 'पहिल्या डावात केलेल्या कामगिरीमुळे आम्हाला खूप आत्मविश्वास मिळाला. तो डाव आमच्यासाठी विशेष महत्त्वाचा होता. आम्ही आमची गुणवत्ता दाखवली आणि नंतर त्याच कामगिरीवर पुढे वाटचाल केली. मला वाटते की या कसोटी सामन्यात आमच्यासाठी हे एक महत्त्वपूर्ण योगदान होते.'










वर्ल्ड टेस्ट चॅम्पियनशिप 2025-27 गुणतालिकेत काय घडलं?


वर्ल्ड टेस्ट चॅम्पियनशिप 2025-2027 च्या अंतिम फेरीत खेळण्याची पाकिस्तान आणि श्रीलंकेची आशा संपुष्टात आली आहे. कारण दोन्ही संघ गुणतालिकेत शेवटच्या स्थानावर आहे. त्यामुळे या सामन्यातील जयपराजयाचा काहीही फरक पडलेला नाही. श्रीलंकेचा संघ आठव्या, तर पाकिस्तानचा संघ नवव्या स्थानावर आहे. श्रीलंकेने आठ कसोटी सामन्यांपैकी फक्त एकच विजय मिळवता आहे. श्रीलंकेचा तीन सामन्यात पराभव आणि चार सामने अनिर्णित राहिले आहेत. त्यामुळे विजयी टक्केवारी 13.54 इतकी खाली घसरली आहे. दुसरीकडे, पाकिस्तानचा या चक्रातील हा तिसरा विजय असला तरी, त्यांनी 11 पैकी तब्बल सात सामने गमावले आहेत, तर एक सामना अनिर्णित राहिला आहे. त्यामुळे पाकिस्तानची विजयी टक्केवारी 12.12 टक्के आहे. दरम्यान, या स्पर्धेच्या गुणतालिकेत दक्षिण आफ्रिकेने आपले अव्वल स्थान कायम आहे. न्यूझीलंड दुसऱ्या, ऑस्ट्रेलिया तिसऱ्या आणि भारतीय संघ चौथ्या क्रमांकावर आहे.

Comments
Add Comment

Rising Stars Asia Cup: वनडे फॉरमेटच्या पहिल्याच परीक्षेत अभिषेक शर्मा नापास; अवघ्या 13 चेंडूंतच डाव आटोपला!

अभिषेक शर्मा टी20 फॉरमेटमधील सर्वोत्तम फलंदाज आहे. हे त्याने आपल्या फलंदाजीने सिद्ध करून दाखवलं आहे. त्यामुळे

Asia Cup Rising Stars 2026 : नाणेफेक नेपाळने जिंकली आणि भारताच्या वाटेला प्रथम फलंदाजी, कर्णधार तिलक वर्मा म्हणाला...

आशिया कप रायझिंग स्टार्स 2026 स्पर्धेत भारत ए आणि नेपाळ आमनेसामने आले आहे. साखळी फेरीत भारताचा पहिलाच सामना असून

IND vs NZ 1st Test: केएल राहुल-यशस्वी जयस्वालचं न्यूझीलंडला जोरदार प्रत्युत्तर, 10 वर्षानंतर न्यूझीलंडने पाहिला असा दिवस

[caption id="attachment_1077112" align="aligncenter" width="800"] भारत आणि न्यूझीलंड यांच्यात पहिला कसोटी सामना वेलिंग्टनमध्ये खेळला जात आहे.

IND vs NZ 1st Test: दुसऱ्या दिवसावर टीम इंडियाची पकड, दिवसअखेर 1 गडी बाद 159 धावा

भारत आणि न्यूझीलंड यांच्यात पहिला कसोटी सामना होत आहे. या सामन्याच्या दुसऱ्या दिवशी न्यूझीलंडने 6 गडी गमवून 243

भारताने न्यूझीलंडला 3-2 ने पराभवाची धूळ चारली, शताब्दी हॉकी मालिकेत टीम इंडियाची विजयी सलामी

भारत आणि न्यूझीलंड या दोन्ही देशांमधील ऐतिहासिक क्रीडा संबंधांना 100 वर्षे पूर्ण झाल्याच्या निमित्ताने

कॅमरन बेनक्रॉफ्टच्या आरोपानंतर पॅट कमिन्स घरातून बाहेर पडणं झालं कठीण! पत्रकारांकडून प्रश्नांचा भडीमार

ऑस्ट्रेलिया आणि दक्षिण अफ्रिका यांच्यात 2018 मध्ये कसोटी मालिका पार पडली होती. या मालिकेतील एका सामन्यात