Jalna : क्रिकेट खेळताना आला अ‍ॅटॅक, ३२ वर्षीय फलंदाजाचा खेळपट्टीवर मृत्यू

जालना : आनंदासाठी आणि फिटनेससाठी मैदानी खेळ खेळण्याचा सल्ला डॉक्टरांकडून तरुणाईला सतत दिला जातो. पण धकाधकीच्या जीवनात अनेकजण तब्येतीकडे दुर्लक्ष करतात. सकस आहाराऐवजी फास्टफूडवर जगतात. नियमित व्यायाम करणे टाळतात. यामुळे एखाद्या दिवशी नेहमीपेक्षा जास्त धावपळ झाली तरी हृदयावर ताण येतो. रक्तदाबात चढउतार सुरू होतात. श्वास घेण्यास त्रास होतो. या एरवी छोट्या दिसणाऱ्या समस्यांकडे वेळेत लक्ष दिले नाही तर काही वेळा या समस्या जीवघेण्या ठरतात. काहीसा असाच प्रकार जालना जिल्ह्यात घडला आहे. या घटनेचा व्हिडीओ व्हायरल होत आहे.





क्रिकेट खेळताना धाव काढून झाल्यावर दोन फलंदाज धावपट्टीवरच एकमेकांशी बोलत होते. नंतर एक फलंदाज फलंदाजीसाठी गेला तर दुसरा अर्थात नॉन स्ट्रायकर एंडचा फलंदाज त्याच्या क्रिझच्या दिशेने जाऊ लागला. पण आधीचे श्रम त्याला त्रासदायक ठरले. तो क्रिझकडे जात असताना छातीत असह्य वेदना होऊ लागल्यामुळे खेळपट्टीवरच कोसळला. थोड्याच वेळात या खेळाडूचा हृदयविकाराच्या झटक्याने मृत्यू झाला. सहकारी खेळाडूंनी डॉक्टरांना बोलावले. डॉक्टरांनी तपासणी करुन खेळाडूचा हृदयविकाराच्या झटक्याने मृत्यू झाल्याचे सांगितले. धक्कादायक बाब म्हणजे हृदयविकाराच्या झटक्याने मृत्यू झालेल्या खेळाडूचे वय फक्त ३२ वर्षे एवढे होते. जालना शहरात एका क्रिकेट स्पर्धेदरम्यान खेळपट्टीवर त्याचा मृत्यू झाला.



आयोजकांनी हृदयविकाराच्या झटका आलेल्या खेळाडूला रुग्णालयात नेले पण तोपर्यंत वेळ निघून गेली होती. अवघ्या ३२ वर्षांच्या उमद्या खेळाडूने प्राण गमावले होते.
Comments
Add Comment

पोलीस भरतीच्या सरावासाठी राज्यातील मैदाने विनामूल्य उपलब्ध होणार

मुंबई : पोलीस दलात भरती होण्याचे स्वप्न उराशी बाळगून तयारी करणाऱ्या राज्यातील लाखो तरुणांसाठी दिलासादायक

Jalgaon : रेल्वे प्रवाशांसाठी मोठी बातमी ! भुसावळमार्गे धावणाऱ्या नऊ एक्सप्रेसचे मार्ग बदलले

रेल्वेने प्रवास करणाऱ्या प्रवाशांसाठी महत्त्वाची बातमी समोर आली आहे. उत्तर मध्य रेल्वेच्या झाशी विभागातील

Prahaar Marathi News Live, 19 November 2026 : महाराष्ट्रासह देश-विदेशातील घडामोडी, एका क्लिकवर वाचा आजच्या घडामोडी!

Prahaar Marathi News Live दिनांक 19 नोव्हेंबर 2026 च्या लाईव्ह ब्लॉगमध्ये महाराष्ट्रातील राजकीय घडामोडी, स्थानिक बातम्या,

Mumbai Water Metro Project : मुंबई वॉटर मेट्रोच्या पहिल्या टप्प्यासाठी दोन सल्लागार कंपन्यांची नियुक्ती

मुंबई : मुंबई महानगर प्रदेशातील रस्ते वाहतुकीवरील ताण कमी करून प्रवाशांना जलवाहतुकीचा पर्याय उपलब्ध करून

अन्न व औषध प्रशासनाची मोठी धडक कारवाई; 1.27 कोटींचा अन्नसाठा जप्त, 12 परवाने निलंबित व 6 व्यवसाय बंद

अन्न व औषध प्रशासनाने (FDA) महाराष्ट्रात अन्न सुरक्षेच्या नियमांचे उल्लंघन करणाऱ्यांवर कडक कायदेशीर बडगा उगारला

Chandrashekhar Bawankule : ओबीसी कल्याणासाठी 6,840 कोटींच्या निधीची शिफारस; जानेवारीत राज्यभर 500 विशेष शिबिरे

मुंबई : राज्यातील ओबीसी आणि 18 पगड जातींच्या कल्याणासाठी विद्यार्थ्यांची शिष्यवृत्ती आणि वसतिगृहांच्या