प्रतिनिधी: आज आरबीआयच्या निर्णयाचे वेध लागल्याने बाजारात आज सावध सुरुवात झाली आहे. काल अमेरिकन बाजारात पडझड झाल्यानंतर आज गुंतवणूकदार औत्सुक्याने बाजार हालचालींवर लक्ष ठेवून आहेत. काल सेन्सेक्स ४४३ व निफ्टी १९७ अंशाने वाढल्यानंतर आज बाजार विशेषतः निफ्टी २५१०० पातळी पार करणार का हे पाहणे महत्त्वाचे ठरणार आहे.
आज ४ ते ६ जून या दोन दिवशी आरबीआयच्या पतधोरण समितीची बैठक पार पडली होती. आज आरबीआयचे गर्व्हनर संजय मल्होत्रा यासंबंधीची माहिती आज प्रसारमाध्यमांना देणार आहे. बहुतेक तज्ञांच्या मते आज रेपो दरात २५ बीपीएस पूर्णांकांने कपात होऊ शकते असे झाल्यास बाजारातील भावना या सकारात्मक होऊ शकतात. सलग दोनवेळा आरबीआयने रेपो दरात कपात केली होती आता ६ टक्क्यांत परिणती किती दरावर पोहोचेल हे थोड्या वेळात कळेलच.
रेपो रेट हा व्याजदर आहे जो बँकांनी सरकारी रोख्यांवर कर्ज घेतल्यावर आरबीआयला द्यावा लागतो. म्हणून जेव्हा बँका स्वस्त व्याजदराने कर्ज मिळवतात.एसबीआय रिसर्चच्या अहवालात ५० बेसिस पॉइंट्सची जास्त दर कपात होण्याची शक्यता वर्तवण्यात आली आहे.
भारताचा आर्थिक वर्ष २०२४ -२५ च्या चौथ्या तिमाहीत जीडीपी वाढ ७.४ टक्क्यांपर्यंत वाढली. संपूर्ण वर्षासाठी अंदाजानुसार, वाढ ६.५ टक्के होती. दरम्यान, एप्रिल २०२५ मध्ये महागाई ३.१६ टक्क्यांपर्यंत कमी झाली, जी जुलै २०१९ नंतरची महागाईची सर्वात कमी पातळी आहे. मात्र मागील वर्षातील तिमाहीप्रमाणे जीडीपी दरवाढ २५-२५ चौथ्या तिमाहीत झाली नसली तरी जगभरातील महागाईपेक्षा भारतातील महागाई कमी राहिल्याने तसेच उत्पादनची वाढती मागणी व पुरवठा पाहता बाजारात चढा कल कायम राहू शकतो.
याशिवाय भारत व युरोपीय युनियन यांच्यात फ्री ट्रेड संदर्भात सकारात्मक चर्चा झाल्याची माहिती प्रसारमाध्यमांनी दिल्याने आता युरोप अमेरिका व्यापार संबंध व भारत अमेरिका व भारत युरोप यांच्या व्यापारी धोरणावर संगनमत झाल्यास शेअर बाजारात सकारात्मक चित्र दिसू शकते.