मोहित सोमण: फेडरल बँकेचा तिमाही निकाल जाहीर झाला आहे. एक्सचेंज फायलिंगमध्ये दिलेल्या माहितीनुसार, बँकेच्या निव्वळ नफ्यात (Net Profit) इयर ऑन इयर बेसिसवर (YoY) ४.७% वाढ झाली आहे. ज्यानंतर शेअर ९% पातळीवर उसळला आहे. गेल्या वर्षीच्या डिसेंबर महिन्यातील ९५५ कोटी तुलनेत या डिसेंबरमध्ये १००० कोटीवर वाढ झाली आहे. एक्सचेंज फायलिंगमध्ये दिलेल्या माहितीनुसार, फेडरल बँकेने तिसऱ्या तिमाहीत आपल्या असेट क्वालिटीत गुणवत्तेच्या निकषांमध्ये लक्षणीय सुधारणा दर्शविली आहे. उपलब्ध माहितीनुसार,स्थूल जीएनपीए (Gross Non Performing Assets NPA) गुणोत्तर तिमाही बेसिसवर१.८३% वरून १.७२% पर्यंत घसरले आहे त्याचप्रमाणे,निव्वळ एनपीए (Net NPA) गुणोत्तर तिमाही बेसिसवर ०.४८% वरून ०.४२% पर्यंत सुधारले आहे. तसेच बँकेच्या एकूण उत्पन्नात (Total Income) इयर ऑन इयर बेसिसवर ७७२४ कोटीवरून वाढत यंदा ७९६७ कोटींवर वाढ झाली आहे. बँकेच्या ऑपरेटिंग नफ्यात इयर ऑन इयर बेसिसवर १५६९ कोटीवरून १७२९ कोटीवर वाढ झाली आहे.
बँकेच्या डेट टू इक्विटी गुणोत्तर ०.८९ वरून ०.४५ पातळीवर गेले. आरओए (Return on Assets) ०.२९ वरून ०.२९ पातळीवर समान राहिले आहे. माहितीनुसार, ऑपरेटिंग मार्जिनमध्ये इयर ऑन इयर बेसिसवर २०.३२% वरून २१.७०% सुधारणा झाली आहे. बँकेच्या करपूर्व नफ्यात (PBT) इयर ऑन इयर बेसिसवर गेल्या वर्षीच्या तिमाहीतील १२७७ कोटी तुलनेत या तिमाहीत १३९६ कोटींवर वाढ झाली आहे. फेडरल बँकेच्या तिमाही निकालानंतर बँकेच्या शेअर्समध्ये ९% वाढ झाली आहे. दुपारी १ वाजेपर्यंत बँकेच्या शेअर्समध्ये ८.८१% वाढ झाली आहे ज्यामध्ये शेअर २६८.६० रुपये प्रति शेअरवर व्यवहार करत आहे. ५ दिवसात कंपनीच्या शेअर्समध्ये ५.३८% वाढ झाली असून गेल्या महिनाभरात बँकेच्या शेअर्समध्ये २.०४% वाढ झाली आहे. गेल्या वर्षभरात बँकेच्या शेअर्समध्ये ३६.९१% वाढ झाली असून इयर टू डेट बेसिसवर (YTD) ०.४९% वाढ झाली.