बारा ज्योतिर्लिंगांपैकी एक असलेल्या उज्जैनच्या श्री महाकालेश्वराच्या दर्शनानं आपल्या आयुष्यातील संकटे आणि अडथळे दूर होतात, अशी मान्यता आहे. त्यामुळे अनेकजण या ठिकाणाला मोठ्या उत्सुकतेनं भेट देतात. तसेच उज्जैनच्या श्री महाकालेश्वर मंदिरातील भस्म आरती जगप्रसिद्ध असून आता महाकालेश्वराच्या भक्तांना ही आरती थेट घरबसल्या पाहायला मिळणार आहे.
उज्जैनच्या श्री महाकालेश्वराच्या मंदिरात दररोज दिवसातून ६ वेळा महाकालेश्वराची आरती केली जात असून आता भक्तांना ही आरती महाकालेश्वर मंदिराच्या ऑफिशिअल बेवसाईटवरून किंवा यूट्यूब चॅनेलवरून पाहता येणार आहे. महाकालेश्वर मंदिरातील भस्म आरती दररोज पहाटे ४ वाजता करण्यात येते.
यानंतर दररोज दिवसातून ५ वेळा महाकालेश्वराची आरती केली जाते. महाकालच्या भक्तांना आता या सर्व आरती घरबसल्या पाहायला मिळणार असून ज्यांना उज्जैनला जाणं शक्य होत नाही त्या भक्तांना आता घरबसल्या महाकालेश्वराचं दर्शन घेता येणार आहे. या आरतीचं दर्शन घेण्यासाठी खालील लिंक वर क्लिक करा.