मुंबई : सध्या IPL २०२६ चा हंगाम जोरदार सुरु आहे. प्रत्येक टीम आपलं सर्वस्व पणाला लावून मैदानात जीव तोडून खेळताना दिसत आहेत आणि मॅच पाहायला प्रेक्षक वर्ग देखील स्टेडिअमवर प्रचंड गर्दी करत आहे. पण अशातच एका खेळाडूच्या आकस्मिक निधनाची दुखद बातमी समोर येत आहे. यावर युवराज सिंगने फोटो शेअर करत आपल्या भावना देखील मांडल्या आहेत.
आयपीएलमध्ये पंजाबकडून दोन सीजन खेळणाऱ्या अमनप्रीत सिंग याच वयाच्या ३६ व्या वर्षी आकस्मिक निधन झालं आहे. पंजाब क्रिकेट असोसिएशनने त्याच्या निधनाचे वृत्त सोशल मीडियावर पोस्ट केली आहे. ज्यावर अनेक दिग्गज खेळाडूंनी क्रिकेट चाहत्यांनी श्रद्धांजली अर्पण केली आहे.
युवराज सिंगने केल्या भावना व्यक्त
अमनप्रीतची IPL मधील खेळी
पंजाबकडून देशांतर्गत क्रिकेट खेळणाऱ्या अमनप्रीतने भारताकडून अंडर - १९ क्रिकेट खेळला तसेच विराट कोहलीसोबत बांगलादेश आणि श्रीलंकेविरोधात अंडर - १९ ट्राय सिरीजमध्ये अमनप्रीत खेळाला होता. अंडर - १९ मध्ये उत्कृष्ट कामगिरी केल्यानंतर अमनप्रीत सिंग गिल २००९-१० च्या आयपीएलमध्ये पंजाबच्या टीममध्ये होता. तसाच तो पंजाबकडून प्रथम श्रेणी क्रिकेटही खेळाला ज्यात त्याने ६ सामन्यांमध्ये ११ विकेट घेतल्या होत्या. कामगिरीमध्ये सातत्य ठेवले नसल्याने अमनप्रीतच करिअर लवकर संपलं.
तसेच पंजाबने माजी खेळाडूला श्रद्धांजली अर्पण करत त्याने अंडर १९, किंग्स इलेव्हन पंजाबसाठी आणि पंजाबसारख्या टीमचं प्रतिनिधित्व केली, पंजाब क्रिकेटसाठी त्याने सर्वस्व दिल आणि पंजाब क्रिकेटची सेवा केली. आम्ही त्यांच्या कुटुंबाच्या दुःखात सहभागी आहोत, अशी पोस्ट पंजाब क्रिकेट असोसिएशनने लिहिली. त्यामुळेच अमनप्रीतच्या निधनामुळे पंजाब किंग्सची टीम हैद्राबादविरुद्धच्या सामन्यात हाताला काळी पट्टी बांधून मैदानात उतरली होती.