Nashik TCS Case : मोठी बातमी! नाशिक हादरवणाऱ्या TCS धर्मांतर प्रकरणातील आरोपी निदा खानला अखेर बेड्या

नाशिक : नाशिक येथील बहुचर्चित TCS धर्मांतर प्रकरणातील मुख्य संशयित आरोपी निदा खान (Nida Khan) हिला अखेर पोलिसांनी बेड्या ठोकल्या आहेत. गेल्या अनेक दिवसांपासून फरार असलेल्या निदाला छत्रपती संभाजीनगरमधून अटक करण्यात आली आहे. नाशिक आणि छत्रपती संभाजीनगर पोलिसांनी अत्यंत गोपनीयरीत्या संयुक्त कारवाई करत ही मोठी कामगिरी बजावली.



अशी झाली अटक


मिळालेल्या गोपनीय माहितीनुसार, निदा खान छत्रपती संभाजीनगरमधील (Chhatrapati Sambhajinagar) नायगाव परिसरात लपून बसली होती. याची खात्री होताच पोलिसांनी परिसरात सापळा रचला आणि संध्याकाळच्या सुमारास तिला ताब्यात घेतले. अटकेनंतर कायदेशीर प्रक्रिया पूर्ण करून तिला पुढील तपासासाठी नाशिक पोलिसांच्या स्वाधीन करण्यात आले आहे.



काय आहे नेमकं प्रकरण?


नाशिकमधील आयटी क्षेत्रातील नामांकित कंपनी असलेल्या 'TCS' मध्ये काम करणाऱ्या काही तरुणांना टार्गेट करून त्यांचे धर्मांतर करण्याचा प्रयत्न झाल्याचा खळबळजनक प्रकार काही दिवसांपूर्वी उघडकीस आला होता. या प्रकरणात निदा खानवर तरुणांचे ब्रेनवॉश करणे आणि त्यांना धर्मांतरासाठी प्रवृत्त केल्याचे गंभीर आरोप करण्यात आले आहेत. हे प्रकरण समोर आल्यापासूनच नाशिकसह संपूर्ण राज्यात खळबळ उडाली होती. हिंदुत्ववादी संघटनांनी या प्रकरणी आक्रमक पवित्रा घेत आरोपींच्या अटकेची मागणी केली होती. गुन्हा दाखल झाल्यापासून निदा खान पोलिसांना चकवा देऊन फरार झाली होती. तिच्या अटकेसाठी नाशिक पोलिसांची विविध पथके रवाना करण्यात आली होती. निदा खानच्या अटकेमुळे या धर्मांतर प्रकरणामागे नेमके कोणते रॅकेट सक्रिय आहे का? तसेच तिला कुणाचे पाठबळ मिळत होते? या प्रश्नांची उत्तरे आता तपासातून समोर येण्याची शक्यता आहे. नाशिक पोलीस आता तिची सखोल चौकशी करणार असून, या प्रकरणात आणखी काही जणांची नावे समोर येण्याची चिन्हे आहेत.

Comments
Add Comment

जमीन व्यवस्थापन, पायाभूत सुविधा आणि कृषी उत्पादकतेवर भर; मुख्यमंत्री फडणवीसांची नीती आयोगासोबत बैठक

महाराष्ट्राच्या सर्वांगीण विकासासाठी दीर्घकालीन नियोजन, जमिनीचे योग्य व्यवस्थापन, पायाभूत सुविधा

Maratha Students : मराठा समाजातील विद्यार्थ्यांनाही शैक्षणिक शुल्कात सवलत; कृषीमंत्री दत्तात्रय भरणे यांची घोषणा

मुंबई : राज्यातील कृषी शिक्षण घेणाऱ्या मराठा समाजातील पात्र विद्यार्थ्यांना आता ओबीसी विद्यार्थ्यांप्रमाणे

कर्तव्यावर असलेल्या एसटी चालकाला मारहाण; परिवहन मंत्री प्रताप सरनाईक आक्रमक

मुंबई: रस्त्यावर हॉर्न वाजवला या किरकोळ कारणावरून कर्तव्य बजावणाऱ्या एसटी चालकाला काही गुंड प्रवृत्तीच्या

Maharashtra Farmer Relief : ९४ लाख दुष्काळग्रस्त शेतकऱ्यांच्या खात्यांत पाच हजार जमा

मुंबई : राज्यातील दुष्काळग्रस्त शेतकऱ्यांना आर्थिक दिलासा देण्यासाठी शासनाकडून मदत वितरणाची प्रक्रिया सुरू

Police Bharti : पोलीस भरतीत मासिक पाळीचा अडथळा दूर

मुंबई : पोलीस होण्याचे स्वप्न उराशी बाळगून अनेक महिने शारीरिक चाचणीची तयारी करणाऱ्या तरुणींसाठी राज्य सरकारने

तुमच्या खात्यात 5000 रुपये जमा झाले का? राज्यातील 310 दुष्काळी तालुक्यांबाबत मोठी अपडेट!

मुंबई: राज्यातील दुष्काळी परिस्थितीमुळे बळीराजाच्या शेती उत्पन्नावर आणि आर्थिक नियोजनावर मोठा परिणाम झाला