Police Bharti : पोलीस भरतीत मासिक पाळीचा अडथळा दूर

- तरुणींना शारीरिक चाचणीसाठी सहा दिवसांची मुदतवाढ; आरोग्य तपासणीनंतर पुढील चाचणीची संधी

मुंबई : पोलीस होण्याचे स्वप्न उराशी बाळगून अनेक महिने शारीरिक चाचणीची तयारी करणाऱ्या तरुणींसाठी राज्य सरकारने महत्त्वाचा निर्णय घेतला आहे. पोलीस भरतीच्या शारीरिक चाचणीच्या दिवशी मासिक पाळी सुरू असल्यामुळे धावणे किंवा अन्य शारीरिक चाचण्या देण्यात अडचण येणाऱ्या उमेदवारांना आता आणखी एक संधी मिळणार आहे. अशा तरुणींची आरोग्य तपासणी केल्यानंतर त्यांना शारीरिक चाचणीसाठी पाच ते सहा दिवसांची मुदतवाढ दिली जाणार असल्याची घोषणा गृहराज्यमंत्री योगेश कदम यांनी शुक्रवारी केली. त्यामुळे मासिक पाळीच्या त्रासामुळे पोलीस भरतीची संधी गमावण्याची भीती असलेल्या तरुणींना दिलासा मिळणार आहे. (Police Bharati)






पोलीस भरतीसाठी उमेदवारांना लेखी परीक्षेबरोबरच कठीण शारीरिक चाचण्यांनाही सामोरे जावे लागते. यासाठी तरुणी अनेक महिने मैदानावर सराव करतात. मात्र, ऐन शारीरिक चाचणीच्या दिवशी मासिक पाळी सुरू झाल्यास काहींना तीव्र पोटदुखी, कंबरदुखी, थकवा आणि अशक्तपणाचा सामना करावा लागतो. त्यामुळे धावणे, गोळाफेक आणि लांब उडी यांसारख्या चाचण्यांमध्ये अपेक्षित कामगिरी करणे शक्य होत नाही. अशा परिस्थितीत वर्षभर केलेल्या मेहनतीवर पाणी फिरण्याची शक्यता असते. ही बाब लक्षात घेऊन राज्य सरकारने मुदतवाढ देण्याचा निर्णय जाहीर केला आहे.


मासिक पाळीच्या काळात प्रत्येक तरुणीला होणारा त्रास वेगवेगळा असतो. काहींना तीव्र वेदना, चक्कर, मळमळ आणि अशक्तपणाचा त्रास होतो. तर काहींना शारीरिक हालचाली करताना अडचणी येतात. विशेषतः १०० मीटर आणि ८०० मीटर धावण्याच्या चाचण्यांमध्ये वेग आणि शारीरिक क्षमता टिकवून ठेवणे कठीण होऊ शकते. मासिक पाळी ही नैसर्गिक प्रक्रिया असून, त्याचा परिणाम भरतीतील संधीवर होऊ नये, या उद्देशाने सरकारने हा निर्णय घेतला आहे, असे गृहराज्यमंत्री योगेश कदम यांनी स्पष्ट केले. ( Maharashtra Government)




नियम काय?


या निर्णयानुसार, मासिक पाळीमुळे शारीरिक चाचणी देता न येणाऱ्या उमेदवारांची आरोग्य तपासणी करण्यात येईल. त्यानंतर संबंधित तरुणींना पाच ते सहा दिवसांचा अतिरिक्त कालावधी देऊन शारीरिक चाचणीची संधी उपलब्ध करून दिली जाणार आहे.



Comments
Add Comment

जमीन व्यवस्थापन, पायाभूत सुविधा आणि कृषी उत्पादकतेवर भर; मुख्यमंत्री फडणवीसांची नीती आयोगासोबत बैठक

महाराष्ट्राच्या सर्वांगीण विकासासाठी दीर्घकालीन नियोजन, जमिनीचे योग्य व्यवस्थापन, पायाभूत सुविधा

Maratha Students : मराठा समाजातील विद्यार्थ्यांनाही शैक्षणिक शुल्कात सवलत; कृषीमंत्री दत्तात्रय भरणे यांची घोषणा

मुंबई : राज्यातील कृषी शिक्षण घेणाऱ्या मराठा समाजातील पात्र विद्यार्थ्यांना आता ओबीसी विद्यार्थ्यांप्रमाणे

कर्तव्यावर असलेल्या एसटी चालकाला मारहाण; परिवहन मंत्री प्रताप सरनाईक आक्रमक

मुंबई: रस्त्यावर हॉर्न वाजवला या किरकोळ कारणावरून कर्तव्य बजावणाऱ्या एसटी चालकाला काही गुंड प्रवृत्तीच्या

Maharashtra Farmer Relief : ९४ लाख दुष्काळग्रस्त शेतकऱ्यांच्या खात्यांत पाच हजार जमा

मुंबई : राज्यातील दुष्काळग्रस्त शेतकऱ्यांना आर्थिक दिलासा देण्यासाठी शासनाकडून मदत वितरणाची प्रक्रिया सुरू

तुमच्या खात्यात 5000 रुपये जमा झाले का? राज्यातील 310 दुष्काळी तालुक्यांबाबत मोठी अपडेट!

मुंबई: राज्यातील दुष्काळी परिस्थितीमुळे बळीराजाच्या शेती उत्पन्नावर आणि आर्थिक नियोजनावर मोठा परिणाम झाला

Mundhwa Land Scam: मुंढवा जमीन घोटाळ्यात पार्थ पवारांना आरोपी करण्याची मागणी फेटाळली

मुंबई : पुण्यातील मुंढवा जमीन गैरव्यवहार प्रकरणात पार्थ पवार यांना आरोपी करण्याची मागणी करणारी जनहित याचिका