शायना एनसी राज्य महिला आयोगाच्या नव्या अध्यक्ष?

लवकरच राष्ट्रवादीत प्रवेश करणार; उपमुख्यमंत्री सुनेत्रा पवार यांच्यासोबत झाली बैठक


मुंबई (सुहास शेलार) : राज्य महिला आयोगाच्या अध्यक्ष रुपाली चाकणकर यांनी राजीनामा दिल्यानंतर रिक्त झालेल्या या महत्त्वाच्या पदावर शिवसेनेच्या राष्ट्रीय प्रवक्त्या शायना एनसी यांची वर्णी लागण्याची दाट शक्यता आहे. महायुतीमधील जागावाटपानुसार हे पद राष्ट्रवादी काँग्रेसच्या वाट्याला आले असून, या पदासाठी शायना एनसी लवकरच घड्याळ हाती घेणार असल्याचे उच्चपदस्थ सूत्रांकडून समजते.


विधानसभा निवडणुकीच्या पार्श्वभूमीवर भाजपमधून शिवसेनेत प्रवेश करत शायना एनसी यांनी मुंबादेवी मतदारसंघातून निवडणूक लढवली होती. मात्र, काँग्रेसच्या अमिन पटेल यांच्याकडून पराभूत झाल्यापासून त्या शिवसेनेच्या माध्यमातून पुनर्वसनाच्या प्रतीक्षेत होत्या. सुरुवातीला त्यांनी राज्यसभेसाठी प्रयत्न करून पाहिले. मात्र, उपमुखमंत्री एकनाथ शिंदे यांनी ज्योती वाघमारे यांच्या नावाला पसंती दर्शवली. त्यानंतर विधान परिषदेच्या संधीनेही हुलकावणी दिल्याने त्या नाराज असल्याची चर्चा राजकीय वर्तुळात सुरू होती. या पार्श्वभूमीवर आता थेट महिला आयोगाच्या अध्यक्षपदाची धुरा त्यांच्याकडे सोपवण्याच्या हालचालींना वेग आला आहे.


'देवगिरी'वर खलबते : या संभाव्य नियुक्तीबाबत नुकतीच उपमुख्यमंत्री सुनेत्रा पवार आणि शायना एनसी यांची 'देवगिरी' या शासकीय निवासस्थानी महत्त्वाची बैठक पार पडली. विशेष म्हणजे, शायना एनसी यांचे घर देवगिरीच्या अगदी शेजारीच आहे. या भेटीनंतर त्यांच्या राष्ट्रवादी प्रवेशाच्या चर्चांनी अधिक जोर धरला आहे. सूत्रांच्या माहितीनुसार, शायना एनसी यांच्या राष्ट्रवादीतील प्रवेशाला आणि महिला आयोगाच्या अध्यक्षपदाला भाजप श्रेष्ठींनीही हिरवा कंदील दाखवला आहे.


चर्चेतील अन्य नावे मागे पडणार? : रुपाली चाकणकर यांच्या राजीनाम्यानंतर महिला आयोगाच्या अध्यक्षपदासाठी सामाजिक कार्यकर्त्या प्रतिभा शिंदे, डॉ. ज्योती मेटे आणि सुनेत्रा पवार यांच्या निकटवर्तीय वैशाली मोठे यांची नावे चर्चेत होती. मात्र, शायना एनसी यांच्या नावावर शिक्कामोर्तब झाल्यास या अन्य स्पर्धकांना प्रतीक्षा करावी लागेल. दुसरीकडे, राष्ट्रवादीच्या महिला प्रदेशाध्यक्ष पदासाठी वैशाली नागवडे, रुपाली ठोंबरे, प्रेरणा बलकवडे, सुरेखा ठाकरे आणि राजलक्ष्मी भोसले यांची नावे चर्चेत असून, त्याबाबतचा निर्णयही लवकरच अपेक्षित आहे.

Comments
Add Comment

BMC Action : मालाड येथील नाहर नगर मार्गाचे रुंदीकरण,अडथळा आणणारी १७ बांधकामे हटवली, ‘पी पश्चिम’ विभागाची कारवाई

मुंबई (विशेष प्रतिनिधी): पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी,

Drug Department : औषध विभागाची सात महिन्यांत मोठी कारवाई; 17.73 कोटींचा साठा जप्त, 555 परवाने रद्द

मुंबई : अन्न व औषध प्रशासनाच्या (FDA) औषध विभागाने 1 एप्रिल ते 31 ऑक्टोबर 2026 या सात महिन्यांच्या कालावधीत राज्यभरातील

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा