हैदराबाद : तेलुगू चित्रपटसृष्टीतील उदयोन्मुख अभिनेता भरत कांत (Bharath Kanth) याचा भीषण रस्ते अपघातात दुर्दैवी मृत्यू झाला आहे. हैदराबादमधील आउटर रिंग रोड (ORR) वर त्याच्या कारची ट्रकला जोरदार धडक बसल्याने हा अपघात घडला. या दुर्घटनेत भरतसोबत प्रवास करणारा त्याचा मित्र साई त्रिलोक (Sai Trilok) याचाही जागीच मृत्यू झाला. भरत कांत अवघ्या ३१ वर्षांचा होता.
कसा झाला अपघात ?
आदिबाटला पोलिसांनी या प्रकरणी गुन्हा दाखल केला असून अपघाताचे नेमके कारण अद्याप समोर आलेले नाही. भारत आणि साईच्या कारचा वेग जास्त असल्याची पोलिसांकडून प्राथमिक शक्यता वर्तवण्यात येत आहे. मात्र, अद्याप अधिकृत कारण स्पष्ट करण्यात आलेले नाही.