मंत्री संजय शिरसाट यांचा दावा; राष्ट्रवादीकडून वृत्ताचा इन्कार
मुंबई : राष्ट्रवादी काँग्रेस पक्षामध्ये सध्या नेतृत्वाच्या मुद्द्यावरून मोठे संभ्रमाचे वातावरण असून, त्यांचे अनेक प्रमुख नेते सध्या आमच्या संपर्कात असल्याचा खळबळजनक दावा शिवसेना नेते संजय शिरसाट यांनी केला आहे. मात्र, या वावड्यांमध्ये काडीचेही तथ्य नसल्याचा पलटवार राष्ट्रवादीचे प्रवक्ते उमेश पाटील यांनी केला आहे.
शिरसाट म्हणाले, राष्ट्रवादी काँग्रेसमध्ये सध्या कोणाचे नेतृत्व स्वीकारायचे यावरून कार्यकर्त्यांपासून नेत्यांपर्यंत सर्वांमध्येच गोंधळाची स्थिती निर्माण झाली आहे. त्यामुळे पक्षाचे भविष्य अनिश्चित वाटत असल्याने अनेक वरिष्ठ नेते आणि आमदार पर्यायाच्या शोधात आहेत. यातील बरेच जण सातत्याने आमच्या संपर्कात असून योग्य वेळी योग्य तो निर्णय घेतला जाईल, असा इशाराही त्यांनी दिला.