Fuel Price Hike : महागाईचा तिहेरी स्फोट! पेट्रोल-डिझेल, CNG आणि LPG दरवाढीने सर्वसामान्यांचे कंबरडे मोडले; जाणून घ्या नवे दर

नवी दिल्ली : इराण-अमेरिका संघर्षाच्या पार्श्वभूमीवर जागतिक ऊर्जा बाजारात मोठी उलथापालथ सुरू असून त्याचे परिणाम आता भारतातील सर्वसामान्य नागरिकांनाही भोगावे लागत आहेत. पेट्रोल-डिझेल, सीएनजी आणि एलपीजी गॅसच्या किमतींमध्ये झालेल्या सलग वाढीमुळे महागाईचा तिहेरी फटका बसला आहे. वाहनचालकांपासून गृहिणींपर्यंत प्रत्येकाच्या खिशावर याचा परिणाम होत आहे. (Fuel Price Hike)


गेल्या चार वर्षांपासून तुलनेने स्थिर असलेले पेट्रोल आणि डिझेलचे दर मे २०२६ पासून वाढू लागले. चार टप्प्यांत झालेल्या दरवाढीनंतर इंधनाचे दर सुमारे ७.५० रुपये प्रति लिटरने वाढले आहेत. यामुळे वाहतूक खर्च वाढल्याने महागाईचा दबाव आणखी तीव्र झाला आहे. (Fuel Price Hike)



घरगुती गॅस सिलेंडर ९४२ रुपयांवर :


फेब्रुवारीअखेरपर्यंत दिल्लीत १४.२ किलोचा घरगुती एलपीजी सिलेंडर ८५३ रुपयांना मिळत होता. मात्र युद्धजन्य परिस्थितीमुळे ऊर्जा बाजारावर परिणाम झाला आणि ७ मार्च रोजी तेल कंपन्यांनी सिलेंडरच्या दरात ६० रुपयांची वाढ केली. त्यानंतर जूनमध्ये आणखी २९ रुपयांची वाढ झाल्याने आता दिल्लीत घरगुती गॅस सिलेंडरची किंमत ९४२ रुपयांवर पोहोचली आहे. म्हणजेच अवघ्या काही महिन्यांत घरगुती सिलेंडर ८९ रुपयांनी महागला आहे. (Fuel Price Hike)



व्यावसायिक सिलेंडरने गाठला ३ हजारांचा टप्पा :


हॉटेल, रेस्टॉरंट आणि व्यावसायिक आस्थापनांना वापरावा लागणारा १९ किलोचा एलपीजी सिलेंडर सर्वाधिक महागला आहे. फेब्रुवारीमध्ये १,७४०.५० रुपये असलेला हा सिलेंडर आता तब्बल ३,११३.५० रुपयांवर पोहोचला आहे. म्हणजेच केवळ तीन महिन्यांत १,३७३ रुपयांची वाढ झाली आहे. मार्च, एप्रिल आणि मे महिन्यात सलग झालेल्या दरवाढींमुळे व्यावसायिक गॅस वापरणाऱ्या उद्योगांवर मोठा आर्थिक भार पडला आहे. याचा परिणाम खाद्यपदार्थांच्या किंमतींवरही होण्याची शक्यता व्यक्त केली जात आहे. (Fuel Price Hike)



CNG देखील महाग :


पेट्रोल आणि एलपीजीनंतर सीएनजी वापरणाऱ्या वाहनधारकांनाही दिलासा मिळालेला नाही. गेल्या काही दिवसांत सीएनजीच्या दरात तीन वेळा वाढ करण्यात आली आहे. नुकत्याच झालेल्या दरवाढीनंतर दिल्लीत सीएनजीचा दर ८१.०९ रुपये प्रति किलो झाला आहे. नोएडा, ग्रेटर नोएडा आणि गाझियाबादमध्ये सीएनजी ८९.७० रुपये प्रति किलो दराने मिळत असून गुरुग्राममध्ये हा दर ८६.१२ रुपये प्रति किलो झाला आहे. १५ मे आणि १७ मे रोजी झालेल्या वाढीनंतर ही आणखी एक दरवाढ असल्याने वाहनधारकांच्या खर्चात मोठी भर पडली आहे. (Fuel Price Hike)



सर्वसामान्यांचे बजेट कोलमडले :


इंधन, गॅस आणि सीएनजीच्या वाढत्या किमतींमुळे घरगुती खर्च, प्रवास खर्च आणि व्यवसायिक खर्च तिन्ही पातळ्यांवर परिणाम होत आहे. महागाई आधीच उच्चांकावर असताना झालेल्या या तिहेरी दरवाढीमुळे सर्वसामान्य नागरिकांचे मासिक बजेट विस्कळीत झाले असून पुढील काळात आणखी दरवाढ होण्याची शक्यता नाकारता येत नाही. (Fuel Price Hike)

Comments
Add Comment

BMC Action : मालाड येथील नाहर नगर मार्गाचे रुंदीकरण,अडथळा आणणारी १७ बांधकामे हटवली, ‘पी पश्चिम’ विभागाची कारवाई

मुंबई (विशेष प्रतिनिधी): पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी,

Drug Department : औषध विभागाची सात महिन्यांत मोठी कारवाई; 17.73 कोटींचा साठा जप्त, 555 परवाने रद्द

मुंबई : अन्न व औषध प्रशासनाच्या (FDA) औषध विभागाने 1 एप्रिल ते 31 ऑक्टोबर 2026 या सात महिन्यांच्या कालावधीत राज्यभरातील

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा