Nashik : डिजिटल चोरांचा नवा फंडा ! चोरीची रक्कम थेट पेट्रोलपंपांच्या खात्यात; नाशिकमध्ये धक्कादायक प्रकार उघड

नाशिक : सायबर गुन्हेगार (Cyber criminals) नागरिकांना लुटण्यासाठी नवनवीन फंडे शोधत असतात. आता या डिजिटल चोरांनी चोरीचा नवा फंडा शोधला आहे. ऑनलाइन फसवणूक (Online Fraud) करणाऱ्या सायबर गुन्हेगारांनी आता तपास यंत्रणांची दिशाभूल करण्यासाठी नवा फंडा अवलंबला आहे. डिजिटल फ्रॉडमधून लुटलेली रक्कम थेट शहरातील नामांकित व्यावसायिक आणि पेट्रोलपंपांच्या बँक खात्यांमध्ये (Petrol pump bank accounts) जमा करून त्या बदल्यात रोख रक्कम उकळण्याचा धक्कादायक प्रकार शहरात उघडकीस आला आहे.



डिजिटल चोरांचा नवा फंडा काय ?


सायबर गुन्हेगारांकडून सध्या ‘किराया खाता’ या नव्या पद्धतीचा मोठ्या प्रमाणावर वापर होत असल्याचे तपासात स्पष्ट झाले आहे. यामध्ये बँक खातेधारकांना कमिशनचे आमिष दाखवून त्यांची बँक खाती भाड्याने घेतली जातात. त्यानंतर ऑनलाइन फसवणुकीतून मिळालेली रक्कम या खात्यांमध्ये जमा केली जाते आणि ती नंतर रोख स्वरूपात काढली जाते. त्यामुळे संबंधित खातेदार नकळत सायबर गुन्ह्यांच्या जाळ्यात अडकण्याचा गंभीर धोका निर्माण झाला आहे.


माहितीनुसार, हॅकरच्या (Hacker) संपर्कात असलेल्या एका संशयिताची ओळख पटली असून, त्याच्याविरोधात मुंबई सायबर पोलीस ठाण्यात (Cyber ​​Police Station) गुन्हा दाखल करण्यात आला आहे. तपासादरम्यान या संशयिताने शहरातील तीन पेट्रोलपंपांवर सुमारे दीड लाख रुपयांची रक्कम रोख स्वरूपात घेतल्याचे निष्पन्न झाले आहे. त्यामुळे शहरात एकच खळबळ उडाली आहे.



‘किराया खाता’ म्हणजे नेमकं काय ?


ऑनलाइन फसवणुकीतून मिळालेली रक्कम ज्या बँक खात्यावर जमा केली जाते, ते खाते भाडेतत्त्वावर घेतलेले असते. सायबर गुन्हेगारांच्या भाषेत अशा खात्यांना ‘किराया खाता’ म्हटले जाते. सध्या सायबर फसवणुकीत या खात्यांचा वापर झपाट्याने वाढत असल्याने नागरिकांनी अधिक सावध राहण्याची गरज व्यक्त केली जात आहे.



सायबर पोलिसांचे आवाहन


दरम्यान, सायबर पोलिसांनी नागरिकांना सतर्कतेचे आवाहन केले आहे. आपली बँक खाती, एटीएम कार्ड (ATM card), इंटरनेट बँकिंग किंवा यूपीआय सुविधा इतरांच्या वापरासाठी देऊ नयेत. तसेच कोणताही संशयास्पद आर्थिक व्यवहार आढळल्यास त्याची तात्काळ माहिती पोलिसांना देण्याचे आवाहन पोलिसांकडून करण्यात आले आहे.

Comments
Add Comment

BMC Action : मालाड येथील नाहर नगर मार्गाचे रुंदीकरण,अडथळा आणणारी १७ बांधकामे हटवली, ‘पी पश्चिम’ विभागाची कारवाई*

मुंबई (विशेष प्रतिनिधी) पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी,

Drug Department : औषध विभागाची सात महिन्यांत मोठी कारवाई; 17.73 कोटींचा साठा जप्त, 555 परवाने रद्द

मुंबई : अन्न व औषध प्रशासनाच्या (FDA) औषध विभागाने 1 एप्रिल ते 31 ऑक्टोबर 2026 या सात महिन्यांच्या कालावधीत राज्यभरातील

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा