TET Paper Leaked : शिक्षक भरतीला पुन्हा धक्का! परीक्षेच्या एक दिवस आधीच टीईटीचा पेपर लीक, उद्याची परीक्षा तात्पुरती स्थगित

ठाणे : राज्यातील शिक्षक भरती प्रक्रियेला मोठा धक्का बसला आहे. ठाण्यात शिक्षक पात्रता परीक्षा (TET) पेपर फुटल्याची धक्कादायक घटना समोर आल्यानंतर उद्या म्हणजेच रविवार २८ जून रोजी होणारी टीईटी परीक्षा तातडीने स्थगित करण्यात आली आहे. या निर्णयामुळे राज्यभरातील सुमारे २ लाख २६ हजार उमेदवारांवर थेट परिणाम झाला असून ऐन परीक्षेच्या आदल्या दिवशी हा निर्णय जाहीर झाल्याने उमेदवारांमध्ये संताप आणि संभ्रमाचे वातावरण निर्माण झाले आहे. (TET Paper Leaked)



नेमका प्रकार काय ?


प्राथमिक माहितीनुसार, ठाण्यातील एका परीक्षा केंद्रातून प्रश्नपत्रिका परीक्षा सुरू होण्यापूर्वीच बाहेर गेल्याची माहिती संबंधित यंत्रणांना मिळाली. त्यानंतर शिक्षण विभाग आणि संबंधित तपास यंत्रणांनी तातडीने हालचाल करत संपूर्ण प्रकरणाची चौकशी सुरू केली. पेपरफुटीची शक्यता लक्षात घेऊन परीक्षा स्थगित करण्याचा निर्णय घेण्यात आला. (TET Paper Leaked)



२ लाख २६ हजार शिक्षक देणार होते टीईटीचा पेपर :


या परीक्षेसाठी राज्यभरातील २.२६ लाखांहून अधिक उमेदवारांनी नोंदणी केली होती. अनेक उमेदवार परीक्षा केंद्रांपर्यंत पोहोचण्यासाठी प्रवासाची आणि निवासाची व्यवस्था करून बसले होते. मात्र, अचानक परीक्षा स्थगित झाल्याने उमेदवारांना आर्थिक आणि मानसिक त्रास सहन करावा लागत आहे.


दरम्यान, पेपरफुटीमागील नेमके कारण, त्यामध्ये कोणाचा सहभाग आहे आणि प्रश्नपत्रिका कशा पद्धतीने बाहेर आली, याचा तपास सुरू करण्यात आला आहे. दोषींवर कठोर कारवाई केली जाईल, असे प्रशासनाकडून सांगण्यात आले आहे. (TET Paper Leaked)


शिक्षण विभागाकडून परीक्षेची नवीन तारीख लवकरच जाहीर केली जाणार असून उमेदवारांनी अधिकृत सूचनांवरच विश्वास ठेवावा, असे आवाहन करण्यात आले आहे. या घटनेमुळे राज्यातील परीक्षा व्यवस्थेच्या सुरक्षिततेवर पुन्हा एकदा प्रश्नचिन्ह उपस्थित झाले आहे. (TET Paper Leaked)

Comments
Add Comment

BMC Action : मालाड येथील नाहर नगर मार्गाचे रुंदीकरण,अडथळा आणणारी १७ बांधकामे हटवली, ‘पी पश्चिम’ विभागाची कारवाई*

मुंबई (विशेष प्रतिनिधी) पी पश्चिम विभागातील प्रभाग क्रमांक ४६ मधील नाहर नगर मार्ग येथे प्रस्तावित १८.३० मीटर

Eknath Shinde : पर्यावरण जनजागृतीसाठी राज्यभर फिरणार 5 विशेष रथ; उपमुख्यमंत्री एकनाथ शिंदे यांच्या हस्ते उद्घाटन

पंढरपूर : पर्यावरण संवर्धनाचे महत्त्व विद्यार्थ्यांना लहान वयातच समजावे, यासाठी महाराष्ट्र प्रदूषण नियंत्रण

Jijai Movie : स्त्रीशक्तीचा धगधगता अवतार! रिंकू राजगुरूचा ‘जिजाई’ चित्रपटगृहांत दाखल

मुंबई :  घरातील जबाबदाऱ्या सांभाळताना कुटुंबासाठी सतत धडपडणारी स्त्री स्वतःच्या सुरक्षिततेसाठी,

Drug Department : औषध विभागाची सात महिन्यांत मोठी कारवाई; 17.73 कोटींचा साठा जप्त, 555 परवाने रद्द

मुंबई : अन्न व औषध प्रशासनाच्या (FDA) औषध विभागाने 1 एप्रिल ते 31 ऑक्टोबर 2026 या सात महिन्यांच्या कालावधीत राज्यभरातील

PM SVANidhi : PM स्वनिधी पुरस्कार 2026 मध्ये महाराष्ट्राची बाजी; राज्याला 5 राष्ट्रीय पुरस्कार

Maharashtra News: पथविक्रेत्यांच्या आर्थिक सक्षमीकरणासाठी राबवण्यात येणाऱ्या प्रधानमंत्री पथविक्रेता आत्मनिर्भर निधी

Railway Block : पनवेल-कळंबोली कोचिंग कॉम्प्लेक्सच्या कामासाठी 7 दिवस विशेष ब्लॉक; मेल-एक्सप्रेस गाड्यांच्या वेळापत्रकात बदल

मुंबई : पनवेल-कळंबोली कोचिंग कॉम्प्लेक्सच्या कामासाठी मध्य रेल्वेने विशेष पॉवर आणि ट्रॅफिक ब्लॉक घेण्याचा