स्मार्टफोन डिस्प्ले सेटिंग्ज : ज्या तुमच्या डोळ्यांचा ताण कमी करतील.
स्मार्टफोनच्या वाढत्या वापरामुळे लहानांपासून वृद्धांपर्यंत सर्वांमध्ये डोळ्यांच्या समस्या दिसून येतात. सतत फोनच्या स्क्रीनकडे पाहणे, कॉम्पुटर वर जास्त वेळ काम करणे, online गेम्स खेळणे, TV जास्त जवळून पाहणे, या कारणांमुळे डोळ्यांना इजा पोहोचते आणि डोकेदुखी, डोळे दुखणे आणि अस्पष्ट दिसणे अश्या समस्या निर्माण होतात. यावर उपाय म्हणून आपण आपल्या फोन मध्ये काही सेटिंग्ज करून डोळ्यांना आराम देऊ शकतो.
सेटिंग्ज 1
डार्क मोड किंवा ब्लू लाइट फिल्टर चालू करा.
आजकाल बहुतेक अँड्रॉइड फोन आणि आयफोनमध्ये ब्लू लाइट फिल्टर असतो. हे वैशिष्ट्य स्क्रीनमधून उत्सर्जित होणारा हानिकारक निळा प्रकाश कमी करते, विशेषतः संध्याकाळी किंवा रात्रीच्या वेळी. यामुळे डोळ्यांना आराम मिळतो आणि डोळ्यांवर ताण येत नाही. तसेच, यामुळे रात्रीची झोप चांगली लागण्यास मदत होते. यासोबतच, डार्क मोड गडद पार्श्वभूमीवर फिकट रंगाचा मजकूर दाखवून कमी प्रकाशाच्या वातावरणातील चकाकी कमी करतो.
सेटिंग्ज 2
अ‍ॅडॅप्टिव्ह ब्राइटनेस हा एक चांगला मार्ग आहे.
खूप जास्त ब्राइटनेसमुळे डोळ्यांवर ताण येऊ शकतो, तसेच खूप कमी ब्राइटनेसमुळेही डोळ्यांवर ताण येऊ शकतो.अ‍ॅडॅप्टिव्ह ब्राइटनेस चालू करा, जेणेकरून तुमचा फोन सभोवतालच्या वातावरणानुसार आपोआप ब्राइटनेस समायोजित(adjust) करेल.
सेटिंग्ज 3
मजकुराचा आकार बदला.
खूप लहान अक्षरातील मजकूर वाचल्याने डोळ्यांवर खूप ताण येऊ शकतो. फॉन्टचा आकार वाढवल्याने आणि डिस्प्ले स्केलिंग केल्याने वाचन सोपे होऊ शकते आणि डोळ्यांवरील ताण कमी होतो, विशेषतः जास्त वेळ ब्राउझिंग करताना.
सेटिंग्ज 4
स्क्रीन टाइमआउट समायोजित(adjust) करा.
स्क्रीन टाइमआउट कमी केल्याने डिस्प्ले अनावश्यकपणे चालू राहणे टळते, ज्यामुळे स्क्रीनसमोर जास्त वेळ राहणे टाळता येते आणि बॅटरीचीही बचत होते.
तुमच्या फोनच्या डिस्प्ले सेटिंग्जमध्ये हे काही सोपे बदल करून, तुम्ही फोनचा वापर अधिक सोयीस्कर बनवू शकता आणि तुमच्या डोळ्यांचे संरक्षण करू शकता.