पोषणतज्ज्ञांच्या मते, केवळ लोहयुक्त पदार्थ खाल्ल्याने हिमोग्लोबिन वाढत नाही. त्यासाठी व्हिटॅमिन B12, फोलेट (व्हिटॅमिन B9) आणि व्हिटॅमिन C यांचाही आहारात समावेश असणे गरजेचे आहे. हे पोषक घटक लाल रक्तपेशींची निर्मिती आणि लोहाचे शोषण वाढवण्यास मदत करतात.
हिमोग्लोबिन वाढवण्यासाठी उपयुक्त 7 पदार्थ
- अळिवाच्या बिया – लोहाचा उत्तम स्रोत. रात्री भिजवून सकाळी सेवन केल्यास फायदा होतो.
- शेवग्याची पाने – लोह आणि व्हिटॅमिन C भरपूर प्रमाणात असल्याने शरीराला लोह शोषण्यास मदत होते.
- काळे तीळ – लोहासोबत कॉपरही मिळते, जे नवीन रक्तपेशी तयार होण्यास मदत करते.
- बाजरी – गव्हाऐवजी बाजरीची भाकरी खाल्ल्यास लोहाचा पुरवठा होतो.
- मसूर डाळ – लोह आणि फोलेटचा चांगला स्रोत. लिंबाचा रस घालून खाल्ल्यास अधिक लाभ होतो.
- राजगिरा – ग्लुटेन-फ्री धान्य असून त्यात लोह मुबलक असते.
- काळे चणे – लोह आणि प्रथिनांचा उत्कृष्ट स्रोत. मोड आणून किंवा उकडून खाल्ल्यास अधिक फायदेशीर.