1. भारत भाग्य विधाता – ZEE5
26/11 मुंबई दहशतवादी हल्ल्यांच्या पार्श्वभूमीवर आधारित हा चित्रपट कामा हॉस्पिटलमधील कर्मचाऱ्यांच्या धैर्याची कथा सांगतो. संकटाची परिस्थिती असतानाही रुग्णांची सेवा सुरू ठेवणाऱ्या कर्मचाऱ्यांच्या जिद्दीवर चित्रपट प्रकाश टाकतो.
2. पॅट्रियट – ZEE5
राष्ट्रीय सुरक्षा, निगराणी, राजकीय प्रभाव आणि गोपनीयता यांसारख्या विषयांचा वेध घेणारा हा राजकीय थ्रिलर आहे. देशाच्या सुरक्षेशी संबंधित गुंतागुंतीच्या व्यवस्थेची वेगळी बाजू यात पाहायला मिळते.
3. मैं वापस आऊंगा – Netflix
1947 च्या फाळणीच्या पार्श्वभूमीवरची ही भावनिक कथा प्रेम, विरह आणि मातृभूमीशी असलेल्या अतूट नात्याभोवती फिरते. फाळणीमुळे दूर गेलेल्या माणसांच्या भावना या चित्रपटातून समोर येतात.
4. सज्जन सिंह रंगरूट – Chaupal
पहिल्या महायुद्धाच्या काळात ब्रिटिश भारतीय सैन्यात सेवा बजावणाऱ्या एका शीख सैनिकाची कथा या पंजाबी युद्धपटात मांडली आहे. कर्तव्य, निष्ठा, धैर्य आणि युद्धाची वैयक्तिक किंमत यांचा अनुभव चित्रपटातून येतो.
6. अमरन – Netflix
मेजर मुकुंद वरदराजन यांच्या जीवनावर आधारित हा चित्रपट त्यांच्या लष्करी सेवेला, कर्तव्यनिष्ठेला आणि देशासाठी केलेल्या बलिदानाला केंद्रस्थानी ठेवतो. काश्मीर खोऱ्यातील त्यांच्या सेवाकाळातील शौर्याची कहाणी यात मांडली आहे.
7. रझाकार: द सायलेंट जेनोसाइड ऑफ हैदराबाद – Aha
हैदराबाद मुक्ती आंदोलन आणि हैदराबादचे भारतात विलिनीकरण या ऐतिहासिक घटनांच्या पार्श्वभूमीवर आधारित हा तेलुगू ऐतिहासिक चित्रपट आहे. भारतीय इतिहासातील तुलनेने कमी चर्चिल्या गेलेल्या एका पर्वाची माहिती यातून मिळते.