Devdutt Padikkal : पडिक्कलचे शतक, श्रीलंकेविरुद्धच्या गॉल कसोटीत पहिल्या दिवशीच भारताने केल्या एवढ्या धावा

गॉल : भारत आणि श्रीलंका यांच्यात दोन कसोटी सामन्यांची मालिका सुरू आहे. या मालिकेतील पहिला सामना गॉल येथे खेळवला जात आहे. गॉल कसोटीत नाणेफेक जिंकून फलंदाजी करण्याचा निर्णय पहिल्या दिवशी भारतासाठी फायद्याचा ठरला. भारतीय फलंदाज देवदत्त पडिक्कलने १७८ चेंडूत नाबाद १३१ धावा केल्या. त्याने या खेळीला एक षटकार आणि बारा चौकारांनी सजवले. पडिक्कलच्या शतकामुळे भारताने पहिल्याच दिवशी २०० धावांचा टप्पा ओलांडण्यास मदत झाली. पावसाच्या व्यत्ययामुळे बराच वेळ वाया गेला. पण भारताने पहिल्या दिवसाचा खेळ संपला त्यावेळी दोन बाद २८८ धावा केल्या. पडिक्कल आणि ऋषभ पंत खेळत आहेत. पंतने नाबाद २७ धावा केल्या आहेत. यात एक षटकार आणि तीन चौकारांचा समावेश आहे.



भारताचा सलामीवीर यशस्वी जयस्वाल ३७ चेंडूत पाच चौकार मारत ३२ धावा करू शकला. तो धावचीत झाला तर एक षटकार आणि नऊ चौकार मारत ७७ धावा करणारा केएल राहुल जखमी झाल्यामुळे मैदानाबाहेर (रिटायर्ड हर्ट) गेला आहे. कर्णधार शुभमन गिलने दोन चौकार मारत १६ धावा केल्या. तो प्रभात जयसूर्याच्या चेंडूवर लाहिरू उदाराकडे झेल देऊन परतला.



श्रीलंकेने फक्त तीन नोबॉल आणि दोन लेगबाय असे पाच अवांतर चेंडू वगळता पहिल्या दिवशी चांगली गोलंदाजी केली. शिवाय पावसाचाही भारताला फटका बसला. यामुळे भारतीय संघाने पहिल्या दिवशी ७३ षटकांत दोन बाद २८८ धावा केल्या. भारताची धावगती ३.९५ एवढीच आहे. आता दुसऱ्या दिवशी धावा काढण्याचा वेग वाढवून भारतीय संघ श्रीलंकेवरील दबाव वाढवण्याचा प्रयत्न करण्याची शक्यता आहे तर श्रीलंका भारताची कोंडी करून लवकर विकेट मिळवण्याचा प्रयत्न करेल अशी शक्यता आहे.



जयस्वालला भोवली धडक

वेगाने धाव घेताना गोलंदाजाला धडकणे जयस्वालला भोवले. तो लयीत येत असताना धावचीत झाला. तर चहापानानंतर पायात पेटके येऊ लागल्यामुळे केएल राहुलला मैदान सोडावे लागले. या दोन घटना आणि गिलने फटकेबाजीच्या प्रयत्नात गमावलेली विकेट यामुळे भारतीय संघाला पहिल्या दिवशी ३०० चा टप्पा पार करणे जमले नाही. अर्थात भारतीय संघ सध्या सुस्थितीत दिसत आहे. यामुळे दुसऱ्या दिवशी पडिक्कल आणि पंत काय करतात याकडे अनेकांचे लक्ष असेल. केएल राहुलच्या तब्येतीत सुधारणा झाली तर तो पुन्हा खेळण्याचीही शक्यता आहे. यामुळे श्रीलंकेच्या गोटात चिंतेचे वातावरण आहे.
Comments
Add Comment

Asia Cup Rising Stars 2026: भारताने साखळी फेरीच्या पहिल्याच सामन्यात नेपाळला लोळवलं, तिलक-कुशाग्रची शतकी खेळी

रायझिंग स्टार्स आशिया कप स्पर्धेच्या पहिल्याच सामन्यात भारताने आपला विजयी ठसा उमटवला. नेपाळने नाणेफेकीचा कौल

Rising Stars Asia Cup: वनडे फॉरमेटच्या पहिल्याच परीक्षेत अभिषेक शर्मा नापास; अवघ्या 13 चेंडूंतच डाव आटोपला!

अभिषेक शर्मा टी20 फॉरमेटमधील सर्वोत्तम फलंदाज आहे. हे त्याने आपल्या फलंदाजीने सिद्ध करून दाखवलं आहे. त्यामुळे

दुसऱ्या कसोटी सामन्यात पाकिस्तानने श्रीलंकेला 8 गडी राखून नमवलं, WTC गुणतालिकेत झाला असा बदल

श्रीलंका आणि पाकिस्तान यांच्यात दोन सामन्यांची कसोटी मालिका पार पडली. ही मालिका पाकिस्तानने 1-0 ने जिंकली. पहिला

Asia Cup Rising Stars 2026 : नाणेफेक नेपाळने जिंकली आणि भारताच्या वाटेला प्रथम फलंदाजी, कर्णधार तिलक वर्मा म्हणाला...

आशिया कप रायझिंग स्टार्स 2026 स्पर्धेत भारत ए आणि नेपाळ आमनेसामने आले आहे. साखळी फेरीत भारताचा पहिलाच सामना असून

IND vs NZ 1st Test: केएल राहुल-यशस्वी जयस्वालचं न्यूझीलंडला जोरदार प्रत्युत्तर, 10 वर्षानंतर न्यूझीलंडने पाहिला असा दिवस

[caption id="attachment_1077112" align="aligncenter" width="800"] भारत आणि न्यूझीलंड यांच्यात पहिला कसोटी सामना वेलिंग्टनमध्ये खेळला जात आहे.

IND vs NZ 1st Test: दुसऱ्या दिवसावर टीम इंडियाची पकड, दिवसअखेर 1 गडी बाद 159 धावा

भारत आणि न्यूझीलंड यांच्यात पहिला कसोटी सामना होत आहे. या सामन्याच्या दुसऱ्या दिवशी न्यूझीलंडने 6 गडी गमवून 243