Jyotiba Shravan Shashti Yatra 2026 : श्री ज्योतिबा श्रावण षष्ठी यात्रेला २ लाख भाविकांची उपस्थिती

कोल्हापूर : वाडी रत्नागिरी म्हणजे जोतिबा डोंगर येथील श्री ज्योतिबा श्रावण षष्ठी यात्रेला यंदा भाविकांचा उत्स्फूर्त प्रतिसाद लाभला. यात्रेनिमित्त गाभारा दर्शन तसेच गाभाऱ्याबाहेरील व मंदिर परिसरातील दर्शन घेणाऱ्या भाविकांची संख्या लक्षात घेता सुमारे २ लाख भाविकांनी यात्रेस उपस्थिती लावल्याचा अंदाज आहे. यात्रेतील विशेष आकर्षण ठरले ते पन्हाळ्याचे आमदार विनय कोरे यांनी विदेशातून आणलेले निळे फूल. या निळ्या फुलाने भाविकांचे विशेष लक्ष वेधून घेतले असून यात्रेच्या धार्मिक व सांस्कृतिक वातावरणात त्याची विशेष भर पडली.


गाभारा दर्शन घेतलेल्या भाविकांची संख्या ३७ हजार १२७ इतकी असून, शिखर व मंदिर परिसरातून दर्शन घेतलेल्या भाविकांची अंदाजित संख्या ७४ हजार ९२० आहे. यानुसार नोंद झालेली एकूण अंदाजित संख्या १ लाख १२ हजार ४७ इतकी आहे. याशिवाय गाभाऱ्याबाहेरील दर्शन तसेच मंदिर परिसरात उपस्थित असलेल्या भाविकांची संख्या विचारात घेतल्यास यात्रेतील एकूण भाविकांची उपस्थिती सुमारे २ लाखांपर्यंत पोहोचल्याचा अंदाज आहे.


भाविकांच्या वाढत्या संख्येच्या पार्श्वभूमीवर दर्शन व्यवस्था, गर्दी नियंत्रण, सुरक्षा, वाहतूक व्यवस्था, स्वच्छता, अन्न सुरक्षा तसेच भाविकांना आवश्यक सुविधा उपलब्ध करून देण्यासाठी प्रशासन आणि देवस्थान समितीच्यावतीने व्यापक नियोजन करण्यात आले होते.


यात्रेच्या व्यवस्थापनामध्ये प्रांत अधिकारी समीर शिंगटे, पोलिस उपअधीक्षक प्रणील गिल्डा, तहसीलदार पन्हाळा माधवी जाधव शिंदे, गटविकास अधिकारी सोनाली माडकर, तसेच अन्न सुरक्षा अधिकारी व्ही. ज. पाचपुते यांच्यासह विविध शासकीय विभागांच्या अधिकारी व कर्मचाऱ्यांनी महत्त्वाची भूमिका बजावली.


यात्रेच्या संपूर्ण व्यवस्थेचे उत्कृष्ट नियोजन जिल्हाधिकारी तथा प्रशासक डॉ. विजय राठोड यांच्या मार्गदर्शनाखाली करण्यात आले. देवस्थान समितीच्या सचिव वर्षा साळुंखे यांनी प्रशासन, पोलीस यंत्रणा आणि संबंधित विभागांमध्ये आवश्यक समन्वय साधत यात्रेच्या व्यवस्थेवर लक्ष ठेवले.


ऑफिस इनचार्ज धैर्यशील तिवले यांनी यात्रेच्या प्रत्यक्ष व्यवस्थापनामध्ये विविध यंत्रणांशी समन्वय साधत महत्त्वाची भूमिका बजावली.


मोठ्या संख्येने भाविक उपस्थित असूनही प्रशासन, पोलीस यंत्रणा आणि देवस्थान समितीच्या संयुक्त नियोजनामुळे यात्रा शांततेत, शिस्तबद्ध आणि सुरळीतपणे पार पडली.


यात्रेच्या यशस्वी आयोजनासाठी सहकार्य करणारे सर्व शासकीय अधिकारी व कर्मचारी, पोलीस अधिकारी व कर्मचारी, देवस्थान समितीचे कर्मचारी, स्वयंसेवक तसेच भाविकांचे देवस्थान समितीच्यावतीने मनःपूर्वक आभार मानण्यात आले.

Comments
Add Comment

जमीन व्यवस्थापन, पायाभूत सुविधा आणि कृषी उत्पादकतेवर भर; मुख्यमंत्री फडणवीसांची नीती आयोगासोबत बैठक

महाराष्ट्राच्या सर्वांगीण विकासासाठी दीर्घकालीन नियोजन, जमिनीचे योग्य व्यवस्थापन, पायाभूत सुविधा

Maratha Students : मराठा समाजातील विद्यार्थ्यांनाही शैक्षणिक शुल्कात सवलत; कृषीमंत्री दत्तात्रय भरणे यांची घोषणा

मुंबई : राज्यातील कृषी शिक्षण घेणाऱ्या मराठा समाजातील पात्र विद्यार्थ्यांना आता ओबीसी विद्यार्थ्यांप्रमाणे

कर्तव्यावर असलेल्या एसटी चालकाला मारहाण; परिवहन मंत्री प्रताप सरनाईक आक्रमक

मुंबई: रस्त्यावर हॉर्न वाजवला या किरकोळ कारणावरून कर्तव्य बजावणाऱ्या एसटी चालकाला काही गुंड प्रवृत्तीच्या

Maharashtra Farmer Relief : ९४ लाख दुष्काळग्रस्त शेतकऱ्यांच्या खात्यांत पाच हजार जमा

मुंबई : राज्यातील दुष्काळग्रस्त शेतकऱ्यांना आर्थिक दिलासा देण्यासाठी शासनाकडून मदत वितरणाची प्रक्रिया सुरू

Police Bharti : पोलीस भरतीत मासिक पाळीचा अडथळा दूर

मुंबई : पोलीस होण्याचे स्वप्न उराशी बाळगून अनेक महिने शारीरिक चाचणीची तयारी करणाऱ्या तरुणींसाठी राज्य सरकारने

तुमच्या खात्यात 5000 रुपये जमा झाले का? राज्यातील 310 दुष्काळी तालुक्यांबाबत मोठी अपडेट!

मुंबई: राज्यातील दुष्काळी परिस्थितीमुळे बळीराजाच्या शेती उत्पन्नावर आणि आर्थिक नियोजनावर मोठा परिणाम झाला